Month: September 2020

महाराष्ट्र सरकारने दारुची दुकाने उघडली, तर मंदिरे उघडायला काय अडचण?.. दार उघडा दार उघडा देवाचे दार उघडा… मंदिरे बंद ठेवणा-या सरकारचा धिक्कार असो… अशा घोषणा देत भंडारा उधळून सारसबाग येथील खंडोबा मंदिराचा दरवाजा उघडण्यात आला. पुण्यातीलच नव्हे, तर महाराष्ट्रातील मंदिरे उघडण्यात यावी, याकरीता कार्यकर्त्यांनी खंडोबाची आरती देखील केली.

महेश कोठारेंना विधानपरिषदेवर संधी द्या – ‘सलाम पुणे ‘ची राज्यपालांकडे मागणी

करोनामुळे दिवाळी अंकांचे अर्थकारण मोठ्या संकटात : प्रा. मिलिंद जोशी

करोनामुळे सहा महिन्यांपासून शहरातील एकपडदा चित्रपटगृहे बंद आहेत. उघडण्यास कधी परवानगी मिळणार याबाबत शाश्वती नाही. उघडलीच तर प्रेषक येतील की नाही, हे सांगणेही कठीण आहे. त्यातच ओटीटीमुळे प्रेषकांची करमणुकीची सोय झाली आहे. लोकांच्या मनात कोरोनाच्या भितीने घर केले आहे. त्यामुळे ते चित्रपटगृहात चित्रपट पाहण्यासाठी येणार नाहीत. या गंभीर परिस्थितीतून बाहेर पडण्यासाठी एक पडदा चित्रपटगृहे बंद करून त्याजागेत दुसरा व्यवसाय करण्याची परवानगी द्या, अशी मागणी पूना एक्झिबिटर्स असोसिएशनने शासनाकडे केली आहे.

नाचता येईना अंगण वाकडं; चंद्रकांत पाटलांचा मुख्यमंत्र्यांवर पलटवार

शिवसैनिकांनी निवृत्त नौदल अधिकाऱ्याला केलेल्या मारहाणीनंतर आता राज्यात राजकारणाला सुरुवात झाली आहे. या मुद्द्यावरुन विरोधक शिवसेनेला आणि महाविकास आघाडी सरकारला कोंडीत पकडण्याचा प्रयत्न करत आहेत. भाजपच्या आंदोलनानंतर केंद्रीय राज्यमंत्री रामदास आठवले यांनी निवृत्त अधिकारी मदन शर्मा यांच्या घरी जाऊन भेट घेतली. यावेळी पत्रकारांशी संवाद साधताना महाराष्ट्रातील वातावरण गढूळ झालं असून महाविकास आघाडी सरकार बरखास्त करुन राज्यात राष्ट्रपती राजवट लागू करण्यात यावी, अशी मागणी केली.

नव्या शैक्षणिक धोरणात विज्ञान, कला, वाणिज्य, शालेय, अभ्यासक्रमेतर अशा भिंती पुसट झाल्या आहेत. बहुशाखीय, आंतरशाखीय शिक्षण घेण्याची मुभा यामध्ये आहे. शालेय स्तरापासूनच व्यावसायीक शिक्षणावर भर देण्याचा प्रयत्न परिणामकारक वाटतो,” असे मत राज्याचे माजी शिक्षण संचालक डाॅ. वसंत काळपांडे यांनी केले.

महाराष्ट्रात ऊस क्षेत्र मोठ्या प्रमाणात आहे. त्यामध्ये वैविध्यपूर्ण उत्पादने घेण्याचा प्रयत्न झाला, तर शेतकरी स्वयंपूर्ण होऊ शकतो. साखर उद्योगात नवनवीन तंत्रज्ञान येत असून, तंत्रज्ञानाचा वापर वाढला, तर आपले शाश्वत शेतीचे उद्दिष्ट्य साध्य होईल. साखर व ऊस उत्पादक या दोघांनीही नाविन्यपूर्ण तंत्रज्ञानाचा वापर वाढवणे गरजेचे आहे,” असे मत राज्याचे साखर आयुक्त शेखर गायकवाड यांनी व्यक्त केले.

मराठा समाज आरक्षण प्रकरणी ‘महाविकास आघाडी’ सरकारने सर्वोच्च न्यायालयात सर्वतोपरी बाजू मांडली असताना न्यायालयाने दिलेल्या निकालावर राज्यातील भाजप नेते ‘पातळी सोडून टीका’ करीत आहेत. हे कृत्य घटनाविरोधी व सर्वोच्च न्यायालयाचा अवमान करणारे आहे..! ही वक्तव्ये ‘सामाजिक उद्रेकास’ कारणीभूत ठरणारी आहेत, याचे ‘उचित भान’ या नेत्यांनी ठेवावे असा इशारा काँग्रेसचे राज्य प्रवक्ते गोपाळदादा तिवारी यांनी दिला आहे.

‘लोक बिरादरी’तर्फे आयोजित शिबिरात ४४ जणांचे रक्तदान