Good news – ऑक्सफर्ड-अॅस्ट्रा झेनेका लसीच्या चाचण्यांना दिलेली स्थगितीही उठवण्यात आली
मुंबई : देशात कोरोना विषाणूचा प्रादुर्भाव वाढत आहेत. त्यामुळे चिंता व्यक्त करण्यात येत आहे. दरम्यान, कोविड-१९ लस संदर्भात दोन चांगल्या बातम्या आहेत. एकीकडे भारतीय बनावटीच्या ‘कोव्हॅक्स’च्या चाचण्यांना चांगले यश येताना दिसत आहेत. तसेच ऑक्सफर्ड-अॅस्ट्रा झेनेका लसीच्या चाचण्यांना दिलेली स्थगितीही उठवण्यात आली आहे.
इंडियन मेडिकल काऊंसिल आणि भारत बायोटेकच्या ‘कोवॅक्सिन’ या कोरोनावरील लसबाबतच्या दुसऱ्या चाचणीमध्ये आशादायक निकाल हाती आलेत. माकडांवर करण्यात आलेल्या या चाचण्यांमध्ये नाक, घसा आणि फुफ्फुसामधील व्हायरसच्या रेप्लिकेशनचे प्रमाण कमी झाल्याचे निदर्शनास आले आहे. चाचणी घेण्यात आलेल्या माकडांमध्ये न्युमोनियाची कोणतीही लक्षणे नाहीत. तसेच अन्य कोणतेही दुष्परिणामही दिसून आलेले नाहीत.
ऑक्सफर्ड युनिव्हर्सिटी आणि अॅस्ट्रॅझेनेका पीएलसीने लस टोचल्यानंतर आजारी पडलेल्या व्यक्तीच्या चिंतेमुळे लस चाचणी थांबविली होती. दरम्यान, अमेरिकेच्या प्रायोगिक कोविड -१९ लसची चाचणी पुन्हा सुरू केली. ऑक्सफर्डने एका निवेदनात म्हटले आहे की, अमेरिकेच्या नियामक, औषध आरोग्य नियामक प्राधिकरणाने (एमएचआरए) शिफारस केली होती की, सेफ्टी डेटाच्या स्वतंत्र आढावा घेतल्यानंतर चाचण्या पुन्हा सुरू व्हाव्यात अशी शिफारस केली होती. त्यानुसार या चाचण्या सुरु करण्यात आल्या आहेत.
अमेरिकेच्या समितीने आपला तपास निष्कर्ष काढला आणि एमएचआरएला शिफारस केली की, अमेरिकेतील चाचण्या पुन्हा सुरू होणे सुरक्षित आहे. अॅस्ट्रॅझेनेका लस चाचण्यांमध्ये तात्पुरते थांबणे सामान्य होते. अॅस्ट्रा-ऑक्सफोर्डच्या बारकाईने पाहिलेल्या अभ्यासानंतर कोरोना साथीच्या आजारापासून संरक्षण मिळविणासाठी आता वेग येईल. तसेच कोरोनाबाबतची निर्माण झालेली चिंता मिटण्यास मदत होणार आहे.