Day: July 27, 2025

  एक्झिक्युटिव्ह सेंटर इंडिया लिमिटेड या भारतात सध्या कार्यरत असलेल्या व अनुकूलक्षम कार्यक्षेत्राची सेवा देणाऱ्या आघाडीच्या आंतरराष्ट्रीय ब्रँडने भारतीय सुरक्षा आणि विनिमय मंडळाकडे (सेबी) आपला ड्राफ्ट रेड हेरिंग प्रॉस्पेक्टस (डीआरएचपी) दाखल केला आहे. या आयपीओअंतर्गत 2 रुपये दर्शनी मूल्य असलेल्या नवीन इक्विटी शेअर्सचा इश्यू सादर केला जाणार असून त्यातून एकूण 2,600 कोटी रुपये उभारण्यात येणार आहेत. आपली उपकंपनी असलेल्या टीईसी अबूधाबीमध्ये गुंतवणूक करण्यासाठी कंपनी काही निधी वापरणार आहे. कंपनीच्या कॉर्पोरेट प्रमोटर्सपैकी एक असलेल्या टीईसी सिंगापूर या प्रमोटरकडे सध्या टीईसी एसजीपी आणि टीईसी दुबई या दोन उपकंपन्या आहेत. त्यांचे अधिग्रहण करण्यासाठी आयपीओचा निधी काही प्रमाणात वापरण्यात येईल. हा व्यवहार अंतर्गत पुनर्रचना करारानुसार पार पडत आहे. उर्वरित निधी सामान्य कॉर्पोरेट कारणांसाठी वापरण्यात येईल. एक्झिक्युटिव्ह सेंटर इंडिया लिमिटेड ही भारतात उच्च दर्जाच्या लवचिक कार्यक्षेत्र सुविधा देणाऱ्या पहिल्या आंतरराष्ट्रीय कंपन्यांपैकी एक आहे. ही कंपनी 2008 पासून भारतात कार्यरत असून टीईसी समूहाचा भाग आहे. या समूहाला कार्यक्षेत्र सेवा पुरवण्यात 30 हून अधिक वर्षांचा अनुभव आहे. ही कंपनी भारतात असली, तरी तिचे कार्य संपूर्ण आशियामध्ये विस्तारलेले आहे. भारतासोबतच सिंगापूर, युनायटेड अरब अमिरातीतील दुबई आणि अबूधाबी, तसेच जकार्ता (इंडोनेशिया), हो ची मिन्ह सिटी (व्हिएतनाम), मनीला (फिलिपाइन्स) आणि कोलंबो (श्रीलंका) या भागांमध्येही तिचा कारभार चालतो. कंपनी प्रामुख्याने रिकामी मालमत्ता भाड्याने घेते आणि तिचे रुपांतर आधुनिक, पूर्णतः व्यवस्थापित, तंत्रज्ञान-सक्षम कार्यालयांमध्ये करते. ही कार्यालये मल्टीनॅशनल कंपन्या, लघु व मध्यम उद्योग यांच्याबरोबरच इतर विविध ग्राहकांसाठी सेवा-आधारित स्वरूपात वापरली जातात. कंपनी खासगी कार्यालये व व्यवस्थापित उपाययोजना पुरविते. दि. 31 मार्च 2025 पर्यंत कंपनीची सात देशांतील 14 शहरांमध्ये 89 कार्यरत केंद्रे होती. त्यातील 80 केंद्रांमध्ये खासगी कार्यालये आहेत आणि 6 ठिकाणी व्यवस्थापित सोल्यूशन्स आहेत. ही ठिकाणे भारतात व मध्यपूर्वेत आहेत. कंपनीने अर्नेस्ट टॉवर्स प्रा. लि., पंचशील कॉर्पोरेट पार्क प्रा. लि., प्रेस्टिज इस्टेट्स प्रोजेक्ट्स लि., आरएमझेड, सत्त्वा ग्रुप, दुबई वर्ल्ड ट्रेड सेंटर एलएलसी, अल्बोर्झ डेव्हलपर्स लि. ही भारती रिअॅल्टीची उपकंपनी (वर्ल्डमार्क), ओव्हरसीज रिअ‍ॅल्टी (सिलोन) पीएलसी, एमएसआर डेव्हलपर, ऑलिंपिया टेक पार्क अशा अनेक प्रतिष्ठित भूमीमालकांशी दीर्घकालीन संबंध प्रस्थापित केले आहेत. ‘एफवाय25’मध्ये कंपनीने 1,550 हून अधिक ग्राहकांना सेवा दिली, त्यात बहुराष्ट्रीय कंपन्या, नामांकित ब्रँड्स आणि एसएमई यांचा समावेश आहे. कंपनीच्या काही प्रमुख ग्राहकांमध्ये अ‍ॅनाप्लान मिडल ईस्ट, आर्सेलर मित्तल निप्पॉन स्टील इंडिया, अत्येती आयटी सर्व्हिसेस प्रा. लि., बीबीव्हीए, इंडियन स्कूल ऑफ बिझनेस, हाइन्स, सॅंडविक, क्रिटेओ, क्रंचीरोल, ग्रीनओक इंडिया इन्व्हेस्टमेंट अॅडव्हायजर्स, मास्ट,-येगमायस्टर सर्व्हिसेस (इंडिया) प्रा. लि., नॉर्थलॅंड कंट्रोल्स इंडिया प्रा. लि., ऑर्थोलाईट इंडिया, द ट्रेड डेस्क इंडिया, ट्रूकॉलर, स्केलर, ओपन टेक्स्ट आणि एनपीसीएल यांचा समावेश आहे. एफवाय25 मध्ये कंपनीचा नेट रेव्हेन्यू रिटेन्शन दर 120.33 टक्के झाला. ‘एफवाय24’मध्ये तो 123.92 टक्के होता. यातून ग्राहक टिकवून ठेवण्याची व ते वाढविण्याची कंपनीची क्षमता दिसून येते. ‘एफवाय25’मध्ये कंपनीने 1,200 हून अधिक बहुराष्ट्रीय ग्राहकांना सेवा दिली. या प्रत्येक ग्राहकाकडून सरासरी 24 वर्कस्टेशन्सचा वापर करण्यात आला. बहुराष्ट्रीय कंपनी ग्राहकांचा सरासरी कालावधी 50.46 महिने आहे. कंपनीने युनिट-स्तरीय अर्थशास्त्रावर लक्ष केंद्रित केल्यामुळे तिला बाजारातील चढउतार सहन करण्यास आणि दीर्घकाळ आर्थिक स्थिरता राखण्यास मदत झाली आहे. यासोबतच, आर्थिक वर्ष 2023 आणि 2025 मध्ये महसुलात वाढ झाली असून, कार्यान्वित गतिविधींमधून निव्वळ रोख प्रवाह (नेट कॅश फ्लो) निर्माण झाला आहे. याव्यतिरिक्त, आर्थिक वर्ष 2024 मध्ये, भारतातील प्रति चौरस फूट महसूल हा भारतातील बेंचमार्क केलेल्या स्पर्धकांमध्ये सर्वाधिक होता आणि त्यांचा कार्यकारी वापरदेखील (ऑपरेशनल ऑक्युपन्सी) सर्वाधिक होता. ग्राहक सामान्यतः अनेक करार सलगपणे करत  दीर्घ कालावधीत टिकून राहतात. ग्राहकांचा सरासरी कार्यकाळ 48.97 महिने आहे. हा कालावधी 31 मार्च 2025 पर्यंतच्या ग्राहक परवाना करारांच्या सामान्य लॉक-इन कालावधीपेक्षा, म्हणजे 20.95 महिन्यांपेक्षा जास्त आहे. आर्थिक वर्ष 2023 ते 2025 दरम्यानच्या नवीन कार्यान्वित केंद्रांसाठी, सर्व बाजारपेठांमध्ये सरासरी पूर्व-विक्री वापर 64.33 टक्के होता. 31 मार्च 2025 रोजी संपलेल्या आर्थिक वर्षात, कंपनीने 1346.397 कोटी रुपयांचे एकूण उत्पन्न नोंदवले, जे आर्थिक वर्ष 2024 मधील 1055.319 कोटी रुपयांपेक्षा 27.58 टक्क्यांनी अधिक आहे. आर्थिक वर्ष 2024 मध्ये, एकूण उत्पन्नात मागील वर्षाच्या 772.112 कोटी रुपयांच्या तुलनेत 36.68 टक्के वाढ झाली होती. आर्थिक वर्ष 2025 मध्ये, कार्यान्वयीन महसूल 1322.643 कोटी रुपये होता, जो आर्थिक वर्ष 2024 मध्ये नोंदवलेल्या 1036.620 कोटी रुपयांपेक्षा 27.59 टक्के जास्त वाढ दर्शवतो. आर्थिक वर्ष 2023 मधील 763.389 कोटी रुपयांच्या तुलनेत यात 35.79 टक्के वाढ झाली होती. कंपनीच्या एबिटामध्येही सातत्याने वाढ दिसून आली. आर्थिक वर्ष 2025 मध्ये हा आकडा 713.329 कोटी रुपयांपर्यंत पोहोचला. आर्थिक वर्ष 2024 मधील 583.548 कोटी रुपये आणि आर्थिक वर्ष 2023 मधील 468.030 कोटी रुपयांपेक्षा तो जास्त आहे. कोटक महिंद्रा कॅपिटल कंपनी लिमिटेड, आयसीआयसीआय सिक्युरिटीज लिमिटेड आणि नोमुरा फायनान्शियल ॲडव्हायजरी अँड सिक्युरिटीज (इंडिया) प्रायव्हेट लिमिटेड हे या इश्यूचे बुक रनिंग लीड मॅनेजर्स आहेत.