​विनफास्टने प्रथमच पुण्यात आपले प्रीमियम इलेक्ट्रिक एसयूव्ही मॉडेल्स प्रदर्शित केले

पुणे – विनफास्टने आपली प्रीमियम इलेक्ट्रिक SUV मॉडेल्स – VF 7 आणि VF 6 – देशातील ११ राज्यांतील प्रमुख शहरे आणि शॉपिंग मॉल्समध्ये प्रदर्शित करण्याची घोषणा केली आहे. यावर्षीच्या सुरुवातीला भरत मोबिलिटी ग्लोबल एक्स्पोमध्ये झालेल्या पदार्पणानंतर हे दोन्ही वाहनं विविध भागांमध्ये प्रथमच सार्वजनिकरित्या प्रदर्शित होणार आहेत. भारतात आपली सुसंपन्न इलेक्ट्रिक वाहन (EV) प्रणाली सादर करण्यासाठी विनफास्टची ही महत्त्वाची पावले आहेत.

21 जूनपासून विनफास्टने देशातील प्रमुख शहरांतील गर्दीच्या मॉल्समध्ये आपली वाहने प्रदर्शित करण्यास सुरुवात केली आहे. यामुळे यावर्षीच्या सुरुवातीला प्रभावी ठरलेल्या VF 7 आणि VF 6 मॉडेल्स संभाव्य ग्राहकांना जवळून पाहण्याची संधी मिळत आहे. या प्रदर्शनाद्वारे ग्राहकांना विनफास्टच्या सिग्नेचर डिझाईन, प्रगत तंत्रज्ञान आणि प्रीमियम वैशिष्ट्यांचा प्रत्यक्ष अनुभव घेता येणार आहे.

ही प्रदर्शन मोहिम 21 जून रोजी चेन्नई आणि हैदराबाद येथून यशस्वीरीत्या सुरू झाली आणि गेल्या आठवड्यात तिरुवनंतपुरम, विजयवाडा आणि बेंगळुरू यांसारख्या शहरांमध्येही पार पडली. याच घोडदौडीवर पुढे जात, विनफास्ट आपल्या इलेक्ट्रिक SUV मॉडेल्सचे प्रदर्शन पुण्यातील फिनिक्स मॉल, विमाननगर येथे 5 आणि 6 जुलैच्या सप्ताहांत ​करण्यात आले. त्यामुळे पुण्याच्या EV प्रेमींना विनफास्टच्या प्रगत इलेक्ट्रिक SUV रेंजचा प्रत्यक्ष अनुभव घेण्याची अनोखी संधी​मिळाली.

पुण्यातील हे प्रदर्शन तंत्रज्ञानप्रेमी आणि शाश्वततेला प्राधान्य देणाऱ्या शहरातील गतिशील नागरिकांशी संवाद साधण्याचा प्रयत्न आहे. विनफास्टच्या अत्याधुनिक इलेक्ट्रिक SUV मॉडेल्सचा प्रत्यक्ष अनुभव देत त्यांना ही एक खास संधी दिली जात आहे. VF 7 आणि VF 6 ही मॉडेल्स फिनिक्स मॉल, विमाननगर येथे आणून विनफास्ट पुण्याच्या स्वच्छ आणि भविष्योन्मुख वाहतूकदृष्टीला आपला पाठिंबा दर्शवत आहे.

भारतात पदार्पण केल्यापासून विनफास्टने आपली सर्वसमावेशक इलेक्ट्रिक वाहन प्रणाली सादर करण्यास सुरुवात केली आहे – हीच प्रणाली व्हिएतनाममध्ये मोठ्या प्रमाणावर यशस्वी ठरली आहे. या दिशेने कंपनीने घेतलेली महत्त्वाची पावले म्हणजे तामिळनाडूमध्ये इलेक्ट्रिक वाहन उत्पादन प्रकल्पाची उभारणी, विस्तृत डिलरशिप नेटवर्कचा विकास आणि ग्लोबल अश्युअरसारख्या प्रतिष्ठित स्थानिक कंपन्यांसोबत भागीदारी करून ग्राहक सेवा नेटवर्क सक्षम करणे.

या व्यापक योजनेतील उत्पादनांची शृंखला हे केंद्रबिंदू आहे. हे इवेंट्स केवळ नवीन मॉडेल्सचे प्रदर्शन करण्यापुरते मर्यादित नाहीत, तर ते लोकांना विनफास्टच्या भविष्योन्मुख वाहतुकीच्या दृष्टीकोनाशी प्रत्यक्ष जोडण्याचे माध्यम आहेत.

विनफास्ट एशियाचे सीईओ श्री. फाम सॅन चाऊ म्हणाले, “भरत मोबिलिटी एक्स्पोमध्ये मिळालेल्या सकारात्मक प्रतिसादानंतर आम्ही VF 7 आणि VF 6 भारतीय ग्राहकांच्या अधिक जवळ आणण्यास उत्सुक आहोत. ही मॉडेल्स देशातील प्रमुख शॉपिंग सेंटर्समध्ये सादर केल्यामुळे ग्राहकांना आणि इलेक्ट्रिक वाहनांतील उत्साहींना आमच्या SUV मॉडेल्सचा थेट अनुभव घेण्याची आणि भारतातील शाश्वत मोबिलिटीला चालना देणाऱ्या विनफास्टच्या अग्रगण्य भूमिकेचे साक्षीदार होण्याची मौल्यवान संधी मिळते.” 

प्रदर्शन कार्यक्रम पुढील शहरांतील ठिकाणी आयोजित केले जातील:

शहर	ठिकाण
चेन्नई	एक्सप्रेस अव्हेन्यू मॉल
हैदराबाद	सरथ कॅपिटल मॉल
दिल्ली	सिलेक्ट सिटी वॉक (साकेत) आणि पॅसिफिक मॉल (टागोर गार्डन)
अहमदाबाद	नेक्सस मॉल
पुणे	फिनिक्स मॉल, विमाननगर
विजयवाडा	PVP स्क्वेअर मॉल
गुरुग्राम	अँबियन्स मॉल
बेंगळुरू	लुलु मॉल
तिरुवनंतपुरम	लुलु मॉल, त्रिवेंद्रम
लखनऊ	लुलु मॉल
कोची	लुलु मॉल

VF 7 हे मॉडेल “Asymmetric Aerospace” या सौंदर्यदृष्टिकोनावर आधारित असून VF 6 हे “Dualities in Nature” या तत्वज्ञानावर आधारित आहे. हे दोन्ही मॉडेल्स विनफास्टच्या स्टायलिश डिझाइन आणि अत्याधुनिक तंत्रज्ञानाच्या समन्वयाच्या वचनबद्धतेचं प्रतीक आहेत.

दोन्ही प्रीमियम SUV मॉडेल्समध्ये ब्रँडची खास V-आकाराची एलईडी लाइट स्ट्रिप, पॅनोरॅमिक सनरूफ, मोठ्या टचस्क्रीनसह चालक-केंद्रित कॉकपिट आणि प्रगत चालक सहाय्य प्रणाली (ADAS) यांचा समावेश आहे. या वैशिष्ट्यांमुळे इलेक्ट्रिक SUV क्षेत्रात नवीन मानकं निर्माण होत आहेत.

VF 7 आणि VF 6 ही मॉडेल्स विशेषतः तरुण आणि पर्यावरणप्रेमी ग्राहकांना आकर्षित करण्याची क्षमता ठेवतात, जे प्रीमियम वैशिष्ट्यांनी परिपूर्ण EV शोधत आहेत. लक्षवेधी डिझाइन, आधुनिक तंत्रज्ञान आणि सर्वांगीण सुरक्षितता यामुळे ही दोन्ही मॉडेल्स भारताच्या वेगाने वाढणाऱ्या इलेक्ट्रिक वाहन बाजारात प्रभावी उपस्थिती नोंदवण्यास सज्ज आहेत.