स्मार्टवर्क्स कोवर्किंग स्पेसेस लिमिटेडचा  IPO 10 जुलै 2025 रोजी सुरू होणार

पुणे : स्मार्टवर्क्स कोवर्किंग स्पेसेस लिमिटेड (“स्मार्टवर्क्स” किंवा “कंपनी”) आपल्या प्राथमिक सार्वजनिक समभाग विक्रीसंदर्भात बोली / ऑफर कालावधी गुरुवार, 10 जुलै 2025 पासून सुरू करण्याचा प्रस्ताव करत आहे.

एकूण टोटल ऑफर साइजमध्ये कंपनीकडून नवीन समभागांचा समावेश असलेला फ्रेश इश्यू — ₹4,450 दशलक्ष पर्यंत — आणि विद्यमान शेअरधारकांकडून विक्रीसाठी असलेले ऑफर फॉर सेल — 3,379,740 इक्विटी शेअर्स — यांचा समावेश आहे.

पात्र कर्मचार्‍यांसाठी कर्मचारी आरक्षण विभागात बोली लावताना प्रत्येक इक्विटी शेअरवर ₹37 ची सवलत दिली जाणार आहे.

कंपनीने या इश्यूतून मिळणाऱ्या शुद्ध उत्पन्नाचा (Net Proceeds) उपयोग मुख्यतः काही कर्जाच्या संपूर्ण किंवा अंशतः परतफेड, आगाऊ परतफेड किंवा रिडेम्प्शनसाठी ₹1,140 दशलक्ष इतक्या मर्यादेत करण्याचा प्रस्ताव ठेवला आहे. याशिवाय, नवीन सेंटर्ससाठी आवश्यक असलेल्या इंटेरियर फिट-आउट्स व तिथल्या सुरक्षा ठेवांसाठी ₹2,258.40 दशलक्ष इतका निधी वापरण्यात येणार आहे. उर्वरित रक्कम कंपनीच्या सामान्य कॉर्पोरेट गरजांसाठी वापरण्यात येईल. हे सर्व खर्च “ऑफरचे उद्दिष्ट” (the “Objects of the Offer”) म्हणून निश्चित करण्यात आले आहेत.

ऑफर फॉर सेलमध्ये एनएस निकेतन एलएलपीकडून 490,000 इक्विटी शेअर्स, एसएनएस इन्फ्रारियल्टी एलएलपी (“Promoter Selling Shareholders”) कडून 310,000 इक्विटी शेअर्स आणि स्पेस सोल्युशन्स इंडिया पीटीई. लि. (पूर्वीची लिसब्राइन पीटीई लिमिटेड) (“Investor Selling Shareholders”) कडून 2,579,740 इक्विटी शेअर्स यांचा समावेश आहे. (एकत्रितपणे “Investor Selling Shareholders” म्हटले जाते)

अँकर गुंतवणूकदारांसाठी बोली/ऑफर कालावधी बुधवार, 9 जुलै 2025 रोजी सुरू होऊन त्याच दिवशी बंद होईल. तर सामान्य गुंतवणूकदारांसाठी बोली/ऑफर कालावधी गुरुवार, 10 जुलै 2025 रोजी सुरू होईल आणि सोमवार, 14 जुलै 2025 रोजी बंद होईल.

या ऑफरसाठी किंमत श्रेणी ₹387 ते ₹407 प्रति इक्विटी शेअर अशी निश्चित करण्यात आली आहे. बोली किमान 36 इक्विटी शेअर्ससाठी करता येईल आणि त्यानंतर 36 च्या पटीने (multiples) केली जाऊ शकते.

ही इक्विटी शेअर्सची विक्री कंपनीच्या 4 जुलै 2025 रोजीच्या रेड हेरिंग प्रॉस्पेक्टसद्वारे केली जात आहे, जो दिल्ली आणि हरियाणा येथील कंपनी नोंदणी प्राधिकरणाकडे (Registrar of Companies – RoC, नवी दिल्ली) दाखल करण्यात आला आहे.

या रेड हेरिंग प्रॉस्पेक्टसद्वारे प्रस्तावित असलेले इक्विटी शेअर्स बीएसई लिमिटेड आणि नॅशनल स्टॉक एक्सचेंज ऑफ इंडिया लिमिटेड (NSE) या स्टॉक एक्सचेंजवर सूचीबद्ध केले जाण्याचा प्रस्ताव आहे. या ऑफरसाठी एनएसई ही नामनिर्दिष्ट स्टॉक एक्सचेंज (Designated Stock Exchange) म्हणून ठरविण्यात आली आहे.

जेएम फायनान्शियल लिमिटेड, बीओबी कॅपिटल मार्केट्स लिमिटेड, आयआयएफएल कॅपिटल सर्व्हिसेस लिमिटेड (पूर्वीचे नाव आयआयएफएल सिक्युरिटीज लिमिटेड) आणि कोटक महिंद्रा कॅपिटल कंपनी लिमिटेड हे या ऑफरसाठी बुक रनिंग लीड मॅनेजर्स म्हणून नियुक्त करण्यात आले आहेत.

येथे वापरलेले सर्व कंसात दिलेले शब्द (capitalised terms) जे परिभाषित करण्यात आलेले नाहीत, त्यांना रेड हेरिंग प्रॉस्पेक्टस (आरएचपी) मध्ये दिलेल्या अर्थानेच समजले जाईल.