मिलेनियम नॅशनल स्कुल व कुंटे चेस अकादमी पुरस्कृत विविध वयोगटातील खुल्या बुद्धिबळ स्पर्धेत प्रतिती खंडेलवाल, शर्विन बडवे, क्षितिज प्रसाद, राघव पावडे यांना विजेतेपद 

पुणे : कुंटे चेस अकादमी आणि मिलेनियम नॅशनल स्कुल यांच्या संयुक्त विद्यमाने व किंडर स्पोर्ट्स एलएलपी यांच्या सहकार्याने आयोजित मिलेनियम नॅशनल स्कुल व कुंटे चेस अकादमी पुरस्कृत विविध वयोगटातील खुल्या बुद्धिबळ स्पर्धेत प्रतिती खंडेलवाल, शर्विन बडवे, क्षितिज प्रसाद, राघव पावडे या खेळाडूंनी आपापल्या गटात अव्वल क्रमांक पटकावत विजेतेपद संपादन केले.

मिलेनियम स्कुल, कर्वेरोड येथे पार पडलेल्या या स्पर्धेत सातव्या फेरीत 14 वर्षाखालील गटात प्रतिती खंडेलवालने आरुश बडजादेचा पराभव 6.5 गुणांसह विजेतेपद पटकावले. 12 वर्षाखालील गटात शर्विन बडवेने सम्राज्ञी पाटीलचा पराभव करून 6.5गुणांसह प्रथम क्रमांक पटकावला. 10 वर्षाखालील गटात क्षितीज प्रसादने पीवाय इशान अर्जुनवर विजय मिळवत 6.5गुणांसह अव्वल क्रमांक पटकावला. प्रतिती खंडेलवाल, शर्विन बडवे, क्षितिज प्रसाद हे कुंटे चेस अकादमीत प्रशिक्षक मृणालिनी कुंटे व अभिषेक केळकर यांच्या मार्गर्शनाखाली सराव करतात.

8 वर्षाखालील गटात राघव पावडेने निवान अगरवालचा पराभव करून 7गुणांसह विजेतेपद मिळविले. स्पर्धेतील विजेत्या व उपविजेत्या खेळाडूंना करंडक अशी पारितोषिके देण्यात आली. स्पर्धेचे पारितोषिक वितरण पीडीसीसीचे उपाध्यक्ष प्रकाश कुंटे, मिलेनियम नॅशनल स्कूलचे संचालक अन्वित फाटक,  स्पर्धा संचालिका मृणालिनी कुंटे, अभिमन्यु वकील यांच्या हस्ते करण्यात आले. यावेळी चीफ आरबीटर नितीन शेणवी, अभिषेक केळकर आणि विनिता श्रोत्री आदी मान्यवर उपस्थित होते.