शुक्रवारी संध्याकाळी अथवा शनिवारी सकाळी महापालिका प्रारूप प्रभाग रचना जाहीर होणार

पुणे – पुणे महापालिकेची प्रारूप प्रभाग रचना शुक्रवारी संध्याकाळी अथवा शनिवारी सकाळी प्रसिद्ध होण्याची शक्यता आहे. नगर विकास विभागाकडून निवडणूक आयोगाला देण्यात येणाऱ्या प्रारूप प्रभाग रचनेची स्क्रुटीनी करण्याचे काम हे आज उशिरापर्यंत पूर्ण न झाल्याने काहीसा विलंब होत असल्याची माहिती सूत्रांनी दिली . (The draft ward structure of the Municipal Corporation will be announced on Friday evening or Saturday morning.)

आगामी महापालिका निवडणुकीच्या निमित्ताने पुणे शहराच्या प्रभाग रचनेचे प्रारूप महापालिकेने नगर विकास विभागाला पाठविले आहे .हे प्रारूप निवडणूक आयोगामार्फत 22 ऑगस्ट रोजी प्रसिद्ध होणार असल्याचे निवडणूक कार्यक्रमात जाहीर करण्यात आले आहे . राज्यातील बहुतांश महापालिका नगरपालिका आणि जिल्हा परिषदांच्या निवडणुका होणार आहेत. यामुळे पहिल्या टप्प्यात जिल्हा परिषद, नगरपालिका यांच्या प्रारुप रचना प्रसिद्ध करून हरकती सूचना मागविण्यात आल्या आहेत. तर महानगरपालिका निवडणुकांसाठी 22 ऑगस्ट रोजी प्रभाग रचना जाहीर करून हरकती सूचना मागविण्यात येणार आहेत. मात्र सर्वच महापालिकांच्या प्रारूपांची स्कुटीनी करण्याचे काम एकाच वेळी करावे लागणार असल्याने काही महापालिकांचे स्क्रुटीनि रखडली आहे. आज रात्री उशिरापर्यंत पुणे महापालिकेची स्क्रुटीनी होऊ शकली नाही . उद्या दुपारपर्यंत हे काम होणे अपेक्षित आहे . दुपारपर्यंत स्क्रुटीनी झाल्यास संध्याकाळी उशिरा प्रारूप प्रभाग रचना प्रसिद्ध होईल. परंतु यापेक्षाही अधिक वेळ लागल्यास शनिवारी सकाळी ही रचना प्रसिद्ध करण्यात येईल अशी माहिती वरिष्ठ अधिकारी सूत्रांनी दिली.