Day: December 4, 2024

पुणे: झी कॅफे ऍनिमे फॅन फेस्ट 7 आणि 8 डिसेंबर रोजी पुण्यातील अत्युत्तम लाईफस्टाईल स्थळ असलेल्या कोपा मॉल येथे आयोजित केला जाणार आहे. हा कार्यक्रम पुण्याच्या ऍनिमे  प्रेमी, कोस्प्लेर्स आणि पॉप–कल्चर चाहत्यांसाठी खास पर्वणी ठरणार आहे. वैशिष्ट्यपूर्ण उपसंस्कृतींना प्रोत्साहन देत समुदायांना एकत्र आणण्यासाठी ओळखला जाणारा झी कॅफे या बहुप्रतीक्षित कार्यक्रमाचा आनंद घेऊन येत आहे. यापूर्वी मुंबईत 11,000 आणि बंगळुरूमध्ये 9,000 पेक्षा जास्त जण या कार्यक्रमाला उपस्थित होते. आधीच्या कार्यक्रमांना मिळालेल्या या प्रचंड यशानंतर पुण्यातील या पहिल्या ऍनिमे  इव्हेंटमुळे चाहत्यांसाठी आणि उत्सुकांसाठी एक पूर्णतः खोलवर जाणारा अनुभव तयार होईल. या अनोख्या फेस्टिव्हलमध्ये केवळ ऍनिमे चे चाहत्यांचे आवडते घटक सादर करण्यात येणार आहेत असे नाही तर विविध उपक्रम आणि परफॉर्मन्समधून उत्साही सहभाग घेण्यासाठीही प्रोत्साहन दिले जाणार आहे. या कार्यक्रमाचे मुख्य आकर्षण कोस्प्ले असेल. भारतातील पहिला कोस्प्ले बँड डाइसुकी 8 डिसेंबर रोजी सादरीकरण करणार आहे. ऍनिमे  प्रेमींसाठी ही दुर्मिळ पर्वणीच असणार आहे. कोस्प्ले कॉम्पिटिशनमध्ये भाग घेऊन सहभागी व्यक्ती त्यांच्या सर्जनशीलतेचे प्रदर्शन करू शकते आणि आकर्षक बक्षिसे जिंकण्याची संधी मिळवत त्यांची लाडकी ऍनिमे  पात्रे सादर करू शकते. प्रसिद्ध होस्ट मिहीर जोशी या कार्यक्रमात नक्कीच अनंत, उत्साह आणतील. या कार्यक्रमात इतरही अनेक आकर्षणे असतील, जसे की तात्पुरती टॅटू आर्ट, वैयक्तिक ऍनिमे  स्मृतिचिन्हे तयार करण्यासाठी मर्च कस्टमायझेशन झोन, तुमच्या ऍनिमे  लूकचे परिपूर्ण चित्र काढण्यासाठी 360° फोटोऑप, तसेच एक रंगीबेरंगी फॅन वॉल. तिथे सहभागी आपले प्रेम आणि सर्जनशीलता प्रदर्शित करू शकतात. याशिवाय अंकुर जवेरी, अर्थ धोमसे, कौस्तुव घोष, प्रखर गुप्ता आणि हार्डफ्रोस यांच्यासारख्या नामांकित कलाकारांच्या सादरीकरणांचा आनंद घेण्याची संधीही आहे. ऍनिमेप्रेमींसाठी किंवा फक्त जाणून घेण्याची इच्छा असलेल्यांसाठी, हा महोत्सव विनामूल्य असून कोणालाही यात सहभागी होण्याचे आणि ऍनिमेच्या रंगीबेरंगी दुनियेत आनंद घेण्याचे खुले निमंत्रण आहे.