गीता परिवार तर्फे गीता जयंती कार्यक्रम संपन्न

पुणे – गीता जयंतीनिमित्त देश-विदेशात विविध कार्यक्रमांचे आयोजन करण्यात आले आहे,ज्यामुळे गीतेच्या मूल्यांचा प्रभावी प्रसार सर्वांपर्यंत करता येईल आणि प्रत्येक हिंदू कुटुंबाला श्रीमद्भगवद्गीतेच्या पठन व अभ्यासाशी जोडता येईल.

याच उपक्रमाचा भाग म्हणून गीता परिवार, पुणे यांनी दि. १ डिसेंबर रोजी बावधन येथील स्टारगेझ सोसायटी मध्ये श्रीमद्भगवद्गीतेच्या १८ अध्यायांच्या पठणाचा कार्यक्रम तेथील नागरिकांच्या हर्षोल्हासात आयोजित केला.या कार्यक्रमात सर्व नागरिकांनी उत्साहाने भाग घेतला,आणि गीता परिवार देखील या आयोजनाचा भाग बनला.

या कार्यक्रमात मुलांनी गीतेचे पठण आणि हनुमान चालीसेचे सामूहिक गायन केले.
कार्यक्रमाचा मुख्य उद्देश गीतेच्या उपदेशांचा प्रसार करणे आणि सामाजिक एकोप्याला चालना देणे हा होता,ज्यामध्ये सर्वांनी आपले योगदान दिले.

कार्यक्रमात गीतेचे वितरणही करण्यात आले. सोसायटीतील सर्व रहिवाशांनी या कार्यक्रमात उत्साहाने सहभाग घेतला.यामध्ये १०० नागरीकांनी यात भाग घेतला आणि गीतेच्या शिकवणींना जीवनात आत्मसात करण्याचा संकल्प केला.

कार्यक्रमाचे संचालन  रेखा गिल्ड यांनी केले. रेखा गिल्ड या सोसायटीत मुलांसाठी गीतेच्या वर्गांचे आयोजन देखील करतात.
हा कार्यक्रम यशस्वीरीत्या पार पाडण्यासाठी  रेखा गिल्ड,  मधुकर पौर्णेकर,   दिलीप खोपडे,   श्रीमंत जगताप,  रागिणी शर्मा,  नेहा औरंगाबादकर,  अश्विनी,आणि   अखिल औरंगाबादकर यांचे मोलाचे सहकार्य लाभले.