प्रशांत दामले यांच्या हस्ते अत्याधुनिक सोयी सुविधा असलेल्या वसुंधरा गृहप्रकल्पाचे औपचारिक उद्घाटन

पुणे : सुप्रसिद्ध नाट्यकर्मी प्रशांत दामले यांच्या उपस्थितीत नुकतेच कोथरूड भुसारी कॉलनी येथे रांजेकर रिअल्टी व बीआरडी असोसिएट्स यांच्या वतीने उभारण्यात येत असलेल्या अत्याधुनिक सोयीसुविधांनी युक्त अशा वसुंधरा गृहप्रकल्पाचे औपचारिक उद्घाटन नुकतेच संपन्न झाले. रांजेकर रिअल्टीचे व्यवस्थापकीय भागीदार अनिरुद्ध रांजेकर, जमीनमालक बाळकृष्ण डाके, वास्तुविशारद विकास अचलकर, फायनान्स व सेल्स सल्लागार सीए सुजीत धडफळे आदी मान्यवर यावेळी उपस्थित होते.

कोथरूड, भुसारी कॉलनी येथील न्यू इंडिया शाळेच्या शेजारी सदर प्रकल्प उभारण्यात येणार असून २, २.५ आणि ३ बीएचके अशा एकूण १०० हून अधिक सदनिका या ठिकाणी उपलब्ध असणार आहेत. विकास अचलकर आणि मनोज तातुस्कर हे प्रकल्पाचे प्रमुख वास्तुविशारद असून सायली वैद्य यांनी या प्रकल्पाचे लँडस्केप डिझायनिंग केले आहे.

मोक्याच्या ठिकाणी असलेल्या वसुंधरा या गृहप्रकल्पात अत्याधुनिक सोयीसुविधा घर खरेदीधारकांना उपलब्ध करून देण्यात आल्या असून निसर्गाच्या जवळ नेण्याचा एक प्रामाणिक प्रयत्न रांजेकर रिअल्टी यांच्याकडून करण्यात येणार आहे. प्रकल्पामध्ये क्लब हाऊस, अॅम्फीथिएटर, मल्टीपर्पज हॉल, इन्फीनिटी पूल, स्केटिंग रिंक, पार्टी एरिया, झेन गार्डन, लहान मुलांसाठी खेळायची जागा, ज्येष्ठ नागरिकांसाठी सिटींग एरिया, मंदिर, ध्यानधारणा करण्यासाठी विशेष जागा, व्यायाम, जॉगिंग पार्क यांबरोबरच वर्क फ्रॉम होम करणाऱ्यांसाठी कामाची विशेष जागा अशा सुविधा उपलब्ध करून देण्यात येतील.