पतित पावन संघटनेतर्फे  ‘शासन आपल्या दारी’ उपक्रम 

पुणे : पतित पावन संघटनेतर्फे कै. बबनराव पांडे आणि कै. सुनील दाभाडे यांच्या स्मरणार्थ ‘शासन आपल्या दारी’ उपक्रमाचे आयोजन पुण्यातील गुरुवार पेठ परिसरात करण्यात आले. या उपक्रमात आमदार हेमंत रासने हे प्रमुख पाहुणे म्हणून उपस्थित होते.

कार्यक्रमाचे उद्घाटन प्रांताधिकारी सीमा गेजगे, महेश पांडे, दाभाडे आणि स्थानिक ज्येष्ठ नागरिकांच्या हस्ते करण्यात आले. या धकाधकीच्या जीवनात शालेय विद्यार्थ्यांना व नागरिकांना शासकीय दाखले मिळवताना होणारा त्रास लक्षात घेऊन ‘शासन आपल्या दारी’ उपक्रम राबविण्यात आला.

या कार्यक्रमाचे आयोजन संघटनेचे अध्यक्ष स्वप्निल नाईक, राजाभाऊ राजपूत, महेश पाटोळे, आदित्य परदेशी, अक्षय अभंग, पराग नाईक यांनी केले. त्यांच्यासोबत संघटनेचे पदाधिकारी दिनेश भिलारे, यादव पुजारी, योगेश वाडेकर आणि इतर सदस्यही उपस्थित होते. या उपक्रमाचा लाभ एकूण १,२४८ कुटुंबांतील सुमारे ८,५०० नागरिकांनी घेतला.