गोदरेज प्रॉपर्टीज पुण्यात हिंजवडी येथे विकसित करणार ११ एकर जमीन
प्रकल्पाची अंदाजे कमाई क्षमता “INR 1,800* ” कोटी असेल
गोदरेज प्रॉपर्टीज लिमिटेड (GPL), (BSE scrip id:GODREJPROP) ही भारतातील अग्रगण्य रिअल इस्टेट विकासकांपैकी एक कंपनी आहे. कंपनीने आज पुण्यातील हिंजवडी येथे ११ एकर जमीन विकसित करणार असल्याची घोषणा केली.
या जमिनीवरील विकासामध्ये प्रामुख्याने ग्रुप हाउसिंग आणि हाय स्ट्रीट रिटेलचा समावेश असेल. या प्रकल्पाची २.२ दशलक्ष चौरस फूट इतकी विकसित क्षमता असेल, ज्याची अंदाजे कमाई क्षमता “INR 1,800 कोटी* ” असेल.
हा प्रकल्प प्रस्तावित मेगापोलिस मेट्रो स्टेशनजवळ आहे आणि हिंजवडीमधील प्रमुख आयटी हब आणि शाळा, रुग्णालये, मॉल्स, रेस्टॉरंट्स आणि प्रीमियम हॉटेल्ससह चांगली कनेक्टिव्हिटी या प्रकल्पाला मिळते.
गोदरेज प्रॉपर्टीजचे एमडी आणि सीईओ गौरव पांडे म्हणाले, “हिंजवडी ही आमच्यासाठी पुण्यातील एक महत्त्वाची सूक्ष्म बाजारपेठ आहे आणि आम्हाला आमच्या पोर्टफोलिओमध्ये ही जमीन जोडताना आनंद होत आहे. यामुळे पुण्यातील आमची उपस्थिती आणखी वाढते आणि भारतातील प्रमुख सूक्ष्म बाजारपेठांमध्ये आमची उपस्थिती मजबूत करण्याच्या आमच्या धोरणात बसते. आमच्या रहिवाशांसाठी दीर्घकालीन मूल्य निर्माण करणारा एक उत्कृष्ट गेट्ड समुदाय तयार करण्याचे आमचे ध्येय असेल.”
*सध्याच्या व्यावसायिक गृहितकांच्या आधारावर.