यूथ आयकॉन आयुष्मान खुरानाची संसदेला भेट!
बॉलीवूड स्टार आणि यूथ आयकॉन आयुष्मान खुराना याने नुकतेच पंतप्रधान नरेंद्र मोदी यांच्या हस्ते उद्घाटन झालेल्या नवीन संसदेला भेट दिली. आयुष्मानने संसदेचा मार्गदर्शित दौरा केला आणि आपल्या देशाच्या चमकत्या लोकशाहीचे प्रतीक म्हणून उभारण्यात आलेल्या वास्तुशिल्पाचा चमत्कार पाहिला.
राष्ट्रीय पुरस्कार विजेते अभिनेते म्हणतात, “संसदेला भेट देणे सन्मानाची गोष्ट आहे. या देशाचा अभिमानी नागरिक या नात्याने हा क्षण मी कधीही विसरणार नाही. नवीन संसदेला भेट देण्याचा अनुभव मला अत्यंत समृद्ध करणारा वाटला. संसद ही आपल्या देशातील लोकांची प्रतिनिधी आहे, त्यामुळे संसदेत फिरणे आणि त्याबद्दल खूप काही शिकणे हा माझ्यासाठी खरोखरच अभिमानाचा क्षण होता.”
नवीन संसद भारताच्या विविध भागांतील शिल्पांसह भारताच्या वारशाचे सर्वात अनोखे घटक एकत्रित करते, उत्तर प्रदेशमध्ये बनवलेले गालिचे, कोलकाता येथून आलेले 36 किलोचे फौकॉल्ट पेंडुलम, संसदेला एक्स्प्लोर करणे म्हणजे आयुष्मानसाठी सांस्कृतिक वर्गात जाण्यासारखे होते.
आयुष्मान म्हणतो, “हे डोळ्यांसाठी एक रम्य दृश्य आहे कारण ते आपल्या देशाचा अप्रतिम वारसा, आपला सांस्कृतिक इतिहास आणि भारताची चमकदार कारागिरी देखील दर्शवते. हे देशभरातील कलेने भरलेले आहे कारण मला वाटते की सुमारे 400 कारगिरांची कला येथे दाखवण्यात आली आहे ! संसदेचे प्रत्यक्ष साक्षीदार होण्याची ही मोठी संधी मिळाल्याने मला आनंद होत आहे.”