Lok Sabha Election : लोकसभा निवडणुकीच्या तारखा जाहीर; देशात सात टप्प्यात होणार मतदान
नवी दिल्ली : बहुप्रतीक्षित लोकसभा निवडणुकीचे बिगुल वाजले आहे. येत्या 19 एप्रिल पासून 1 जून 2024 दरम्यान देशात सात टप्प्यात मतदान होणार आहे. तसेच मतमोजणी 4 जून 2024 रोजी होणार आहे, अशी माहिती मुख्य निवडणूक आयुक्त राजीव कुमार यांनी आज पत्रकार परिषदेत दिली. यावेळी निवडणूक आयुक्त एस. एस. सिंधू, ज्ञानेश कुमार यावेळी उपस्थित होते.
पहिला टप्पा – 19 एप्रिल 2024 मतदान
दुसरा टप्पा – 26 एप्रिल 2024 मतदान
तिसरा टप्पा – 7 मे 2024 मतदान
चौथा टप्पा – 13 मे 2024 मतदान
पाचवा टप्पा – 20 मे 2024 मतदान
सहावा टप्पा – 25 मे 2024 मतदान
सातवा टप्पा – 1 जून 2024 मतदान
मतमोजणी 4 जून 2024
महाराष्ट्रात पाच टप्प्यात मतदान
महाराष्ट्रात लोकसभेच्या एकूण 48 जागा (Maharashtra Lok Sabha seats) आहेत. या सर्व जागांवर पाच टप्प्यात मतदान होणार आहे. यामध्ये राज्यात विविध भागात 19 एप्रिल , 26 एप्रिल, 7 मे, 13 मे, 20 मे 2024 रोजी मतदान केले जाणार आहे.
19 एप्रिल 2024 – रामटेक, गडचिरोली, नागपूर, भंडारा, चंद्रपूर (विदर्भातील 5)
26 एप्रिल 2024 – वर्धा, यवतमाळ, अकोला, अमरावती, वाशिम, हिंगोली, नांदेड, परभणी
7 मे 2024 – राजगड, बारामती, उस्मानाबाद, लातूर, सोलापूर,माढा, सांगली, सातारा, रत्नागिरी, कोल्हापूर
13 मे 2024 – पुणे, मावळ, शिरूर, रावेर, नंदूरबार, जळगाव, जालना, संभाजी नगर, अहमदनगर, शिर्डी, बीड
20 मे 2024 – धुळे, दींडोरी, नाशिक, पालघर, ठाणे, भिवंडी, कल्याण, मुंबई
निवडणूक आयुक्त राजीव कुमार म्हणाले, जगात जवळपास सर्व महत्वाच्या देशात निवडणुका होत आहेत. तसेच देशात 26 राज्यात लोकसभा निवडणूकी बरोबरच विधानसभेच्या पोटनिवडणुका होणार आहेत.
- देश सर्वात मोठ्या लोकशाही निवडणुकीला सामोरे जाणार आहे.
- जम्मू काश्मीरमध्ये ही निवडणुका होणार
- 16 जूनला 17 व्या लोकसभेचा कार्यकाळ संपत आहे.
- दोन वर्षांपासून निवडणुकीची तयारी सुरू आहे.
- 97 कोटी नोंदणीकृत मतदार आहेत.
- 1.82 कोटी नवीन मतदार
- 18 ते 21 वयोगटातील 21.50 कोटी मतदार
- 48 हजार तृतीयपंथी मतदार आहेत.
- जवळपास 2 लाख मतदार हे 100 वर्षा वरील आहेत.
- 11 राज्यात महिला मतदारांची संख्या ही पुरूष मंतदारांपेक्षा जास्त आहे.
- साडेदहा लाखा पेक्षा जास्त मतदान केंद्र देशात आहेत.
- आमच्यावरील केसेस दोन वर्षात कमी झाल्या आहेत.
- मतदान केंद्रांवर पिण्याचे पाणी, टॉयलेट, लाईट, व्हीलचेअर असणार
- 85 वयापेक्षा जास्त मतदारांना घरून मतदान करता येणार
- फॉर्म 12 डी वयोवृद्ध व अपंग व्यक्तीसाठी दिला जाणार
- ‘know your Candidate’ या app वर मंतदाराला आपल्या उमेदवारा विषयी माहिती मिळणार