एसकॉन प्रोजेक्ट्स, मिलेनियम इंजीनिअर्स संघांची विजयी सलामी
वैभव चव्हाण याच्या अष्टपैलू खेळीच्या जोरावर मिलेनियम इंजीनिअर्स संघाने रत्नरूप थंडर्सचा ८ गडी राखून सहज पराभव करून विजयी सलामी दिली. पहिल्यांदा फलंदाजी करताना रत्नरूप थंडर्स संघाला १० षटकात ४६ धावांचे आव्हान उभे केले. सुरज तुपे याने २१ धावांची खेळी केली. वैभव चव्हाण याने ६ धावात २ गडी बाद केले. वैभव चव्हाण (नाबाद २० धावा) आणि सुर्यकांत परीदा (१७ धावा) यांच्या फलंदाजीच्या जोरावर मिलेनियम इंजीनिअर्स संघाने ३.४ षटकात व २ गडी गमावून विजय मिळवला.
सामन्याचा संक्षिप्त निकालः गटसाखळी फेरीः
रोहन बिल्डर्स इलेव्हनः १० षटकात ९ गडी बाद ७० धावा (निखील येनपुरे ४४, विनोद कुमार १८, निलेश बनकर २-९, आशिष साळुंखे २-१५) पराभूत वि. एसकॉन प्रोजेक्ट्स संघः ५ षटकात बिनबाद ७४ धावा (केदार जाधव नाबाद ५५ (१८, ३ चौकार, ६ षटकार), रिषी पठारे नाबाद १७); सामनावीरः केदार जाधव;
रत्नरूप थंडर्सः १० षटकात ७ गडी बाद ४६ धावा (सुरज तुपे २१, योगेश मोरटळे १०, वैभव चव्हाण २-६, राहूल बाबर १-२) पराभूत वि. मिलेनियम इंजीनिअर्सः ३.४ षटकात २ गडी बाद ४७ धावा (वैभव चव्हाण नाबाद २०, सुर्यकांत परीदा १७); सामनावीरः वैभव चव्हाण.