मध्य रेल्वेचे महाव्यवस्थापक राम करण यादव यांनी केली पुणे-कोल्हापूर विभागाची पाहणी

पुणे : राम करण यादव, महाव्यवस्थापक, मध्य रेल्वे अवनीश कुमार पांडे, मुख्य प्रशासकीय अधिकारी (बांधकाम), सुरेश पाखरे, मुख्य अभियंता आणि श्रीमती इंदू दुबे, विभागीय रेल्वे व्यवस्थापक, पुणे विभाग यांनी पुणे विभागाच्या पुणे-कोल्हापूर विभागाची आज  पाहणी केली. त्यांनी सातारा, सांगली, कराड, हातकणंगले, लोणंद, वाठार, कोल्हापूर या अमृत स्थानकाच्या कामांचा त्यांनी आढावा घेतला आणि पुणे-मिरज दुहेरीकरणाचे काम व मिरज स्टेशनचा मुख्य अपग्रेड पुनर्विकास कृती आराखडा याची पाहणी केली.

महाव्यवस्थापकांनी लोणंद रेल्वे स्थानकापासून पाहणीला सुरुवात करून लोणंद स्थानकावर सुरू असलेल्या विविध कामांचा आढावा घेतला. प्रवाशांच्या सुविधा, प्लॅटफॉर्म फ्लोअरिंग, पिण्याच्या पाण्याची सुविधा, प्लॅटफॉर्म कव्हर शेडच्या कामाची पाहणी केली.

महाव्यवस्थापकांनी वाठार स्थानकावरील रेल्वे कर्मचारी वसाहतीची पाहणी केली, टाइप III चे 4 आणि टाइप II16 क्वार्टरचे उद्घाटन केले. वाठार रेल्वे स्थानकावरील टाईप III क्वार्टर मधील 3 आणि टाईप II क्वार्टर मधील 1 कर्मचार्‍यांना चाव्या सुपूर्द केल्या आणि टॉयलेट ब्लॉक, स्टेशन सुविधा, स्टेशन मॅनेजर ऑफिस, ट्रेन सुरक्षा आणि ऑपरेशनल समस्या, वेटिंग रूम, चालू असलेल्या प्लॅटफॉर्म कव्हर शेडच्या कामाची पाहणी केली. महाव्यवस्थापकांनी सातारा येथील स्थानक कार्यालये, एफओबी, परिभ्रमण क्षेत्र, पार्किंग क्षेत्राची पाहणी केली.

महाव्यवस्थापक राम करण यादव यांनी कराड रेल्वे स्थानकाचे अमृत भारत योजने अंतर्गत चालू कामांचा व प्रगतीचा आढावा घेतला. त्यांनी कराड रेल्वे स्थानकावरील ट्रेन आणि कोच इंडिकेटर डिस्प्ले बोर्ड, प्रवासी सुविधांचा आढावा घेतला. महाव्यवस्थापकांनी सांगली रेल्वे स्थानकावर ट्रॅक, सिग्नलिंग आणि OHE (ओव्हरहेड वायर इक्विपमेंट) सुरक्षा तपासणी, वस्तूंच्या शेडची तपासणी केली.

महाव्यवस्थापकांनी मिरज रेल्वे स्थानकावर रुट रिले इंटरलॉकिंग (RRI), लेव्हल क्रॉसिंग गेट्स, सिग्नलिंग इन्स्टॉलेशन, ट्रेन ऑपरेशन्स आणि पॅनल ऑपरेशन्स आणि दुहेरीकरणाचे काम आणि सांगली-मिरज रेल्वे मार्गाच्या प्रवासी सुविधांची पाहणी केली. महाव्यवस्थापक यांनी कोल्हापूर स्थानकावर कोल्हापूर-अमृत स्थानकाच्या कामाची प्रगती, स्थानक सुविधा आदींची पाहणी केली.