Day: December 8, 2023

युटीआय लार्ज अँड मिड कॅप फंड वैविध्यपूर्ण गुंतवणूक पोर्टफोलिओ प्रस्तुत करतो. आधीपेक्षा किंवा अशाच प्रकारच्या इतर कंपन्यांच्या तुलनेत स्वस्त ट्रेडिंग करून सेफ्टी मार्जिन पुरवणाऱ्या चांगल्या कंपन्यांमध्ये गुंतवणूक करणे हे त्याचे उद्दिष्ट आहे. म्युच्युअल फंड्सच्या सेबी विभागवारीनुसार, लार्ज आणि मिड कॅप फंड्स इक्विटी आणि लार्ज कॅप व मिड कॅप कंपन्यांच्या इक्विटीशी संबंधी इंस्ट्रुमेंट्समध्ये प्रत्येकी कमीत कमी ३५% गुंतवणूक करतात. लार्ज कॅप कंपन्यांकडे जास्त झुकून हा फंड स्थिरता पुरवू इच्छितो आणि मिड व स्मॉल कॅप कंपन्यांमध्ये गुंतवणूकीमार्फत पोर्टफोलिओमध्ये अधिक जास्त वृद्धी देतो. व्हॅल्यू इन्व्हेस्टिंग हे एक असे धोरण आहे ज्यामध्ये असे स्टॉक निवडले जातात जे त्यांच्या अंतर्गत मूल्यापेक्षा कमीला ट्रेड करत आहेत.  अनेकदा अल्प-मुदतीच्या बातम्यांच्या किंवा भावनांवर प्रतिक्रिया बाजारपेठेत उमटतात, त्यामुळे मूल्य गुंतवणूकदाराला स्टॉकच्या अंतर्गत मूल्यापेक्षा कमीला स्टॉक खरेदी करण्याची संधी मिळते. अंतर्गत मूल्याच्या खाली खरेदी केल्याने सेफ्टी मार्जिन मिळते, जे व्हॅल्यू इन्व्हेस्टिंगचे आगळेवेगळे वैशिष्ट्य आहे. कमी मूल्यांकनावर स्टॉक खरेदी केल्याने, मूल्य गुंतवणूकदार पैसे कमवण्याची शक्यता वाढते किंवा व्यवसायाने अपेक्षेप्रमाणे कामगिरी केली नाही किंवा तशी कामगिरी करण्यास जास्त वेळ लागला तरी कमी पैसे गमावले जातात. मूल्य गुंतवणूकदार वाढीच्या तुलनेत सेफ्टी  मार्जिनवर भर देतात आणि चक्रीयता व व्यवसायाच्या मूलभूत गोष्टी आणि मूल्यमापनात सरासरी उलट होण्याची क्षमता स्वीकारतात. जेव्हा स्टॉक अंतर्गत मूल्याला ट्रेड करतो तेव्हा  गुंतवणूकदार व्यवसायाच्या मूलभूत गोष्टी आणि मूल्यांकनांमध्ये सुधारणा करण्याची क्षमता कॅप्चर करून पैसे कमावतो. वाजवी संभावनांसह कमी सरासरी मूल्यांवर उपलब्ध असलेले क्षेत्र निवडण्यासाठी हा फंड टॉप डाउन दृष्टिकोनाचा अवलंब करतो. हे वाजवी सापेक्ष मूल्यमापन, निरोगी भूतकाळातील ट्रॅक रेकॉर्ड आणि भविष्यातील वाढीच्या संभाव्यतेसह चांगला व्यवसाय निवडण्यासाठी बॉटम अप पध्दतीचे अनुसरण करते. फंडाचा मुख्य विश्वास असा आहे की एखादी कंपनी तिच्या स्वतःच्या मूल्यांकन चक्रातून जाते, जे मॅक्रो सायकल किंवा कंपनी विशिष्ट घटकांमुळे बदलू शकते आणि त्याचा उद्देश सायकलमधील अकार्यक्षमता कॅप्चर करणे हा आहे. वृध्दीभिमुख कंपन्यांचे मूल्यांकन  कम्फर्ट झोनमध्ये असेल तर त्यांच्याकडे देखील फंड लक्ष देईल. फंडाचे गुंतवणूक धोरण तीन तत्त्वांवर आधारलेले आहे: सापेक्ष मूल्यांकन विरुद्ध आधीची कामगिरी किंवा अशाच प्रकारच्या इतर कंपन्यांची कामगिरी, वाजवी मूल्यमापनाला  वाढीच्या संधी आणि सरासरी रिव्हर्जन. हा फंड अशा दर्जेदार कंपन्यांवर लक्ष केंद्रित करतो, ज्या सेफ्टी मार्जिन पुरवतात आणि ज्यांचे सापेक्ष मूल्यांकन त्यांच्या ऐतिहासिक मूल्यांकनापेक्षा किंवा त्यांच्या सारख्या इतर कंपन्यांच्या मूल्यमापनापेक्षा कमी आहे. हा फंड वाजवी मुल्यांकनावर व्यवहार करणाऱ्या वृद्धी उन्मुख स्टॉक्सकडेही लक्ष देतो. या संदर्भात, स्मॉल कॅप्स वाढ आणि मूल्य यांचे संयोजन देऊ शकतात कारण बाजारपेठेने त्यांचा पुरेसा शोध घेतलेला नाही आणि त्यामुळे चांगल्या दर्जाच्या कंपन्या वाजवी मूल्यांवर उपलब्ध होऊ शकतात. हे धोरण असे व्यवसाय निवडण्याचा प्रयत्न करते, ज्यांचे पुरेसे मूल्यांकन करण्यात आलेले नाही आणि सायकल चालू असताना नफा आणि मूल्यमापनात सरासरी बदलाचा फायदा त्यांना मिळतो. युटीआय लार्ज आणि मिड कॅप फंड २००९ मध्ये सुरु करण्यात आला. ३० नोव्हेंबर २०२३ च्या आकडेवारीनुसार, फंडाचे एयुएम २,१८४ कोटी रुपयांपेक्षा जास्त आहे. या फंडाने जवळपास ५२% लार्ज कॅप्समध्ये, ४२% मिड कॅप्समध्ये आणि उरलेले स्मॉल कॅप्समध्ये गुंतवले आहेत.  योजनेच्या सर्वाधिक होल्डिंगमध्ये एचडीएफसी बँक लिमिटेड, आयसीआयसीआय बँक लिमिटेड, इन्फोसिस लिमिटेड, रिलायन्स इंडस्ट्रीज लिमिटेड, फेडरल बँक लिमिटेड, महिंद्रा अँड महिंद्रा लिमिटेड, लार्सन अँड टुब्रो लिमिटेड, आयटीसी लिमिटेड, एचसीएल टेक्नॉलॉजीज लिमिटेड आणि एनएमडीसी लिमिटेड यांचा समावेश असून पोर्टफोलिओ होल्डिंग्समध्ये त्यांचा वाटा सुमारे ३५% आहे. युटीआय लार्ज आणि मिड कॅप फंड अशा गुंतवणूकदारांसाठी डिझाइन करण्यात आला आहे जे मोठ्या आणि मध्यम बाजार भांडवल समभागांमध्ये गुंतवणूकीच्या सापेक्ष मूल्य शैलीकडे झुकाव असलेल्या पोर्टफोलिओमध्ये गुंतवणूक करण्याचा प्रयत्न करतात. दीर्घकालीन संपत्ती निर्मितीसाठी मुख्य इक्विटी पोर्टफोलिओ तयार करू पाहणाऱ्या गुंतवणूकदारांसाठी हा फंड योग्य आहे.