साई सिल्क (कलामंदिर) लिमिटेडची प्राथमिक समभाग विक्री २० सप्टेंबर पासून सुरू

मुंबई : साई सिल्क (कलामंदिर) लिमिटेड (“कंपनी”), बुधवार २० सप्टेंबर २०२३  रोजी इक्विटी शेअर्सची प्राथमिक समभाग विक्री खुली करेल. प्राथमिक समभाग विक्रीमध्ये ६००० दशलक्ष रुपयांपर्यंत (“फ्रेश इश्यू”) इक्विटी शेअर्सच्या फ्रेश इश्यूचा समावेश आहे आणि विक्री समभागधारकांद्वारे २७,०७२,००० पर्यंतच्या इक्विटी शेअर्सची विक्रीची ऑफर (“विक्रीची ऑफर” आणि ताज्या इश्यूसह एकत्रितपणे “ऑफर”) समाविष्ट आहे.

प्रमुख गुंतवणूकदार बोलीची तारीख सोमवार, १८ सप्टेंबर २०२३ असेल. ऑफर बुधवार, २० सप्टेंबर २०२३ रोजी सदस्यत्वासाठी खुली होईल आणि शुक्रवार, २२ सप्टेंबर २०२३ रोजी बंद होईल.

ऑफरचा किंमतपट्टा २१० रू. ते २२२रू. प्रति इक्विटी शेअर निश्चित करण्यात आला आहे. किमान ६७ इक्विटी शेअर्ससाठी आणि त्यानंतर ६७ इक्विटी शेअर्सच्या पटीत बोली लावता येईल.

कंपनीने फ्रेश इश्यूद्वारे उभी केलेली रक्कम पुढील गोष्टींसाठी वापरण्याचा प्रस्ताव आहे: १२५०.८४ दशलक्ष रुपयांपर्यंत ३० नवीन स्टोअर्स (“नवीन स्टोअर”) उभारण्यासाठी भांडवली खर्चासाठीचा निधी;  २५३.९९ दशलक्ष रुपयांपर्यंत दोन गोदामांच्या उभारणीसाठी भांडवली खर्चासाठी निधी देणे; आमच्या कंपनीच्या खेळत्या भांडवलाच्या गरजेच्या निधीसाठी २,८००.६७ दशलक्ष रुपये; आमच्या कंपनीने ५०० दशलक्ष रुपयांपर्यंत घेतलेल्या काही कर्जाची पूर्ण किंवा अंशतः परतफेड किंवा पूर्व-पेमेंट आणि सर्वसाधारण कॉर्पोरेट उद्देशांसाठी शिल्लक रक्कम.

विक्रीच्या ऑफरमध्ये नागकनाका दुर्गा प्रसाद चालवडी यांच्या तर्फे ६,४०९,३४५ पर्यंतचे इक्विटी शेअर्स,  झाशी राणी चालवडी (एकत्रितपणे, “प्रमोटर सेलिंग शेअरहोल्डर्स”) द्वारे ७,९४९,५२० पर्यंतचे इक्विटी शेअर्स, धनलक्ष्मी पेरुमल्ला यांच्या द्वारे ३,०८३,८६५ पर्यंतचे इक्विटी शेअर्स, दूडेश्वरा कनका दुर्गाराव चालवाडी यांचे ६५६,२९५ पर्यंतचे इक्विटी शेअर्स, कल्याण श्रीनिवास अन्नम यांचे ६,३४६,९७५ पर्यंतचे इक्विटी शेअर्स, सुभाष चंद्र मोहन अन्नम यांचे २,१२०,५०० पर्यंतचे इक्विटी शेअर्स आणि वेंकट राजेश अन्नम यांचे ५०५,५०० पर्यंतचे इक्विटी शेअर्स यांचा समावेश आहे.

Technopak च्या अहवालानुसार आर्थिक वर्ष २०२०, २०२१ आणि २०२२ मध्ये महसूल आणि करानंतरच्या नफ्याच्या बाबतीत, नागकनाका दुर्गा प्रसाद चालवाडी आणि झाशी राणी चालवाडी यांच्या मालकीचे SSKL हे दक्षिण भारतातील पारंपरिक वस्त्रप्रावरणे विशेषत: साड्यांच्या बाबतीत आघाडीच्या १० रिटेलर विक्रेत्यांपैकी एक आहे. त्यांच्या चार स्टोअर स्वरूपांद्वारे; म्हणजेच, कलामंदिर, वरमहालक्ष्मी सिल्क, मंदिर आणि केएलएम फॅशन मॉल, येथून बाजारपेठेच्या विविध विभागांना उत्पादने सादर होतात. त्यात प्रीमियम एथनिक फॅशन, मध्यम उत्पन्नासाठी एथनिक फॅशन आणि व्हॅल्यू-फॅशन यांचा समावेश आहे.

३१ जुलै २०२३ पर्यंत त्यांची दक्षिण भारतातील चार प्रमुख राज्यांमध्ये म्हणजेच आंध्र प्रदेश, तेलंगणा, कर्नाटक आणि तामिळनाडूमध्ये अंदाजे ६०३,४१४ चौरस फूट क्षेत्रफळ असलेली ५४ दालने आहेत.

३१ मार्च २०२३ रोजी संपलेल्या आर्थिक वर्षासाठी, SSKL ने ९७.६ कोटी रुपयांच्या निव्वळ नफ्यासह १३५१ कोटी रुपयांच्या एकूण महसुलाची नोंद केली.

इक्विटी शेअर्स १३ सप्टेंबर २०२३ रोजी रेड हेरिंग प्रॉस्पेक्टस (“RHP”) द्वारे सादर केले जात आहेत आणि ते BSE लिमिटेड (“BSE”) आणि नॅशनल स्टॉक एक्स्चेंज ऑफ इंडिया लिमिटेड (“NSE”) वर सूचीबद्ध करण्याचा प्रस्ताव आहे. या ऑफरच्या उद्देशांसाठी, बीएसई लिमिटेड हे नियुक्त स्टॉक एक्सचेंज असेल.

मोतीलाल ओसवाल इन्व्हेस्टमेंट अॅडव्हायझर्स लिमिटेड, एचडीएफसी बँक लिमिटेड आणि नुवामा वेल्थ मॅनेजमेंट लिमिटेड (पूर्वीचे एडलवाईस सिक्युरिटीज लिमिटेड म्हणून ओळखले जाणारे) या ऑफरचे बीआरएलएम आहेत.