अॅसेनडिऑनतर्फे निटॉर इन्फोटेकचे संपादन करून सॉफ्टवेयर उत्पादन इंजिनियरिंग आणि एआय क्षमता आणखी बळकट

पुणे : अॅसेनडिऑन या सॉफ्टवेयर इंजिनयरिंग सेवा क्षेत्रातील आघाडीच्या कंपनीने निटॉर इन्फोटेक या सॉफ्टवेयर उत्पादन इंजिनियरिंग कंपनीचे संपादन केल्याचे जाहीर केले आहे. निटॉर इन्फोटेक जनरेटिव्ह एआयासारख्या क्रांतीकारी तंत्रज्ञानाचा वापर करून आपल्या ग्राहकांसाठी नवी उत्पादने तयार करते.

हे संपादन नव्या बाजारपेठेत विस्तार करण्याच्या आणि ग्राहकांना वैविध्यपूर्ण सेवा पुरवण्याच्या अॅसेनडिऑनच्या धोरणाचा भाग आहे. निटॉर इन्फोटेकचे ७०० कर्मचारी अॅसेनडिऑनमध्ये समाविष्ट होणार असून जनरेटिव्ह एआय क्षेत्रातील त्यांच्या कौशल्याचा अॅसेनडिऑनला आपल्या ग्राहकांना नाविन्यपूर्ण आणि अत्याधुनिक तंत्रज्ञानयुक्त सेवा पुरवण्यासाठी फायदा होईल. या संपादनामुळे निटॉरचे कौशल्य व ग्राहकवर्गाच्या मदतीने आरोग्य, रिटेल आणि साखळी पुरवठा क्षेत्रासाठी लागणाऱ्या तंत्रज्ञानावर लक्ष केंद्रित करणे अॅसेनडिऑनला शक्य होईल.

‘अॅसेनडिऑनने निटॉर इन्फोटेकचे केलेले संपादन हे सॉफ्टवेयरच्या मदतीने ग्राहक उत्पादनक्षमता आणि विकासाला चालना देण्याच्या दिशेने टाकलेले पुढचे महत्त्वाचे पाऊल आहे,’ असे अॅसेनडिऑनचे मुख्य कार्यकारी अधिकारी कार्तिक (केके) कृष्णमूर्ती, म्हणाले. निटॉर इन्फोटेक अॅसेनडिऑनसाठी योग्य कंपनी आहे, कारण या दोन्ही कंपन्या सॉफ्टवेयर इंजिनियरिंग, जनरेटिव्ह एआय सुविधा आणि डिजिटल इनोव्हेशन क्षेत्रात कार्यरत आहेत. दोन्ही कंपन्या इंजिनियरिंग क्षेत्रात कुशल असून नाविन्यपूर्ण एआय आणि ग्राहक सहयोगावर असलेला भर हे त्यांच्यातील समान मुद्दे आहेत. एकत्र येण्याने आमची इंजिनियरिंग क्षेत्रातील ताकद वाढली आहे. त्यामुळे नव्या बाजारपेठात प्रवेश, कर्मचारी भरती आणि सॉफ्टवेयर उत्पादन क्षेत्रातील कंपन्यांना सेवा देण्याची क्षमता विस्तारणे आम्हाला जास्त चांगल्या प्रकारे शक्य होईल.

निटॉर इन्फोटेक सध्या ६० ग्राहकांना सॉफ्टवेयर इंजिनियरिंग व तंत्रज्ञान सल्लासेवेच्या मदतीने डिजिटल उत्पादनात नाविन्य आणण्यासाठी तसेच उत्पन्नात वाढ करण्यासाठी मदत करत आहे.

निटॉर इन्फोटेकमुळे जनरेटिव्ह आर्टिफिशियल इंटेलिजन्स क्षेत्रात काम करणारे स्वतंत्र टेक्नॉलॉजी सेंटर ऑफ एक्सलन्सही समाविष्ट झाले आहे. हे केंद्र डीप लर्निंग मॉडेल्स, इंजिनियरिंग, लर्निंग व प्रोबॅलिस्टिक प्रोग्रॅमिंगला चालना देण्यासाठी मदत करते. या केंद्रामुळे ग्राहकांना एआयद्वारे मूल्य मिळवण्यास मदत होते. निटॉर इन्फोटेकने आतापर्यंत आरोग्य, रिटेल आणि इतर क्षेत्रांतील विविध ग्राहकांना एआय व क्लाउड इंजिनियरिंग वर्कचे वितरण केलेले आहे.

‘असेंडियन कंपनी बनताना आम्हाला आनंद होत आहे. असेंडियन ही अत्याधुनिक सॉफ्टवेयर इंजिनियरिंग क्षेत्रातील आघाडीची कंपनी असून त्यांची दमदार संस्कृती व मूल्ये निटॉर इन्फोटेकच्या तत्वांशी सुसंगत आहे. असेंडियनमध्ये रूजू होण्याने ग्राहकांना सेवा देण्याची आमची क्षमता तसेच मूल्य वाढेल. एकत्रितपणे जेनआय अनेबल्ड तंत्रज्ञानाच्या मदतीने उत्पादन इंजिनियरिंग क्षेत्राचे नेतृत्व करण्याची संधी आम्हाला मिळाली आहे,’ असे निटॉर इन्फोटेकचे मुख्य कार्यकारी अधिकारी संजीव फडणवीस म्हणाले.