गणेशोत्सवासाठी टिळक पुतळा मेट्रोचे काम १ ऑगस्ट पर्यंत पूर्ण करा – आमदार रवींद्र धंगेकर

पुणे : गणेशोत्सव. दहीहंडी, श्रावण महिना इ.  सणांचे दिवस जवळ आले आहेत. यामुळे मंडई येथील लोकमान्य टिळक पुतळा परिसरातील मेट्रोचे काम येत्या १ ऑगस्ट पर्यंत पूर्ण करावे असे आवाहन आमदार रवींद्र धंगेकर आणि प्रदेश कॉँग्रेसचे उपाध्यक्ष, माजी आमदार मोहन जोशी यांनी पुणे मेट्रोचे कार्यकारी संचालक हेमंत सोनवणे व अन्य अधिकाऱ्यांसोबत झालेल्या बैठकीत केले.

पुणे शहरातील मानाचे गणपती यांचे प्रमुख, पुणे मेट्रोचे अधिकारी  यांच्या बरोबर टिळक पुतळा ते मंडई परिसरामध्ये पहाणी दौरा आयोजित करण्यात आला होता. त्यावेळी झालेल्या चर्चेमध्ये गणेश मंडल, छोटे व्यापारी व घटकांच्या अडचणीवर सारविस्तार चर्चा झाली. त्यावर उपाय योजना काय असाव्यात, काय कराव्यात याबद्दल सुद्धा कालबद्ध वेळापत्रक निश्चित करण्यात आले. यावेळी आमदार रवींद्र धंगेकर, प्रदेश कॉँग्रेसचे उपाध्यक्ष, माजी आमदार मोहन जोशी, राष्ट्रवादी कॉँग्रेसच्या नेत्या अॅड. रुपाली ठोंबरे पाटील, बाळासाहेब मारणे, प्रवीण परदेशी, महेश सूर्यवंशी, भोळा वांजळे, विकास पवार, प्रसाद कुलकर्णी, सुरेश कांबळे आदि या भेतीप्रसंगी उपस्थित होते.