‘केएसएच इन्फ्रा’ची तामिळनाडूतील श्रीपेरंबुदूर बेल्टमधील दुसऱ्या प्रकल्पात ५५० कोटी रुपये गुंतवणुकीची केली घोषणा
पुणे : शाश्वत अ श्रेणीतील औद्योगिक आणि लॉजिस्टिक्स पायाभूत सुविधांच्या भारतातील आघाडीच्या विकास करणाऱ्यांपैकी एक असलेल्या ‘केएसएच इन्फ्रा’ने तामिळनाडूमधील त्यांच्या दुसऱ्या प्रकल्पात ५५० कोटी रुपयांच्या नियोजित गुंतवणुकीची घोषणा केली आहे. श्रीपेरंबुदूर-ओरागाडम या उच्च विकास क्षेत्रात धोरणात्मकदृष्ट्या स्थित असलेले हे पार्क सुमारे ६० एकर पूर्ण मालकीच्या जमिनीवर पसरलेले असेल, जे १.६ दशलक्ष चौरस फूट विकासाची क्षमता ठेवते.
इतर जिल्हा रस्त्यांवर सुमारे ६०० मीटर थेट समोरील बाजूने वसलेल्या या प्रकल्पात मजबूत बहुविधप्रकारे प्रवेशाचा लाभ मिळतो. जवळपास पूर्ण झालेल्या चेन्नई-बेंगळुरू एक्सप्रेस वे (एनइ-७) च्या जवळ असल्याने, प्रमुख औद्योगिक केंद्रे, बंदरे आणि उपभोग केंद्रांशी जलद जोडणीचा मार्ग मोकळा होतो, शिवाय त्यामुळे उत्पादन आणि संबंधित उद्योग सक्षमही बनते.
श्रीपेरंबुदूर-ओरागाडम कॉरिडॉरमध्ये यापूर्वीच ह्युंदाई, डॅनफॉस, फ्लोसर्व्ह, एस्सार स्टील, अपोलो टायर्स, सीएट, मिशेलिन, जेके टायर, ब्रिजस्टोन, एमआरएफ, फॉक्सकॉन, फ्लेक्सट्रॉनिक्स, डेल, सॅमसंग, नोकिया, सालकॉम्प, जबिल यांसारख्या उद्योगातील दिग्गज कंपन्यांचे अस्तित्व आहे. हे स्थान वेगाने बहु-क्षेत्रीय औद्योगिक समूह विकास योजनेंतर्गत (क्लस्टर) विकसित होत आहे. चेन्नई-बेंगळुरू एक्सप्रेस वे, पेरिफेरल रिंग रोड, परांडूर येथील ग्रीनफील्ड विमानतळ, मप्पेडू येथील एमएमएलपी आणि श्रीपेरंबुदूर येथील एरोस्पेस पार्क यासारख्या मोठ्या प्रमाणात पायाभूत सुविधांच्या विकासामुळे या कॉरिडॉरचे धोरणात्मक महत्त्व आणखी अधोरेखित होते एकत्रितपणे, या विकास प्रकल्पांमुळे या भागाला ‘चेन्नई-बेंगळुरू औद्योगिक कॉरिडॉर’मध्ये (सीबीआयसी) भविष्यातील एक उच्च एककेंद्र (नोड) म्हणून स्थान मिळते.
‘केएसएच इन्फ्रा’चे व्यवस्थापकीय संचालक रोहित हेगडे म्हणाले, की केएसएच इन्फ्रामध्ये आम्ही पुणे, मुंबई, बंगळुरू आणि चेन्नईसारख्या चार प्रमुख शहरांमध्ये एका विशिष्ट दृष्टिकोनातून जागतिक दर्जाचे औद्योगिक आणि लॉजिस्टिक्स पार्क बांधण्यास सुरुवात केली. चेन्नईच्या श्रीपेरंबुदूर भागातील या नवीन प्रकल्पासह तीन बाजारपेठांमध्ये आमची उपस्थिती आता स्थापित झाल्यामुळे, आम्ही उद्देश साकार करण्याच्या मार्गावर आहोत. पुढील दोन ते तीन वर्षांत, या उच्च विकास क्षमता असलेल्या कॉरिडॉरमध्ये १ कोटी चौरस फूट पेक्षा जास्त उच्च-गुणवत्तेच्या, शाश्वत पायाभूत सुविधा निर्माण करण्याचे उद्दिष्ट आहे. भारतातील औद्योगिक क्षेत्राच्या विकसित होत असलेल्या गरजांचा आम्हाला पूर्ण अंदाज आहे. उत्पादन सक्षम करून, रोजगार निर्मिती करून आणि आमच्या भागीदारांसाठी, ग्राहक आणि समुदायांसाठी दीर्घकालीन मूल्य निर्माण करून ‘मेक इन इंडिया’ मोहिमेला चालना देण्यात अर्थपूर्ण भूमिका बजावण्यास आम्ही वचनबद्ध आहोत’.