Day: October 11, 2024

देशातील आघाडीची टेलिकॉम कंपनी वोडाफोन आयडियाचा एंटरप्राइज विभाग, वी बिझनेसने एआय-चालित अनुभव तयार करण्यात जागतिक पातळीवर क्लाऊड लीडर असलेल्या जेनेसिस®सोबत आपल्या भागीदारी कराराचा लाभ घेऊन भारतीय व्यवसायांना प्रगत क्लाऊड आणि टेलिकॉम सोल्युशन्स प्रदान करणार असल्याची, आणि त्याद्वारे त्यांच्या कॉन्टॅक्ट सेंटर ऑपरेशन्समध्ये परिवर्तन घडवून आणून, ग्राहकांसोबतचे नाते व त्यांना दिल्या जाणाऱ्या सेवा अधिक दृढ करणार असल्याची घोषणा केली आहे. ही भागीदारी अजून एका कारणासाठी महत्त्वाची आहे कारण याद्वारे वी ने एकत्रित ओम्नीचॅनेल ग्राहक अनुभव देताना, अत्याधुनिक क्लाऊड आणि टेलिकॉम सोल्युशन्स सुरु करण्यासाठी कॉन्टॅक्ट सेंटर ऍज अ सर्व्हिस क्षेत्रात पदार्पण केले आहे. वी ने उचललेले हे महत्त्वाकांक्षी पाऊल भारतीय व्यवसायांना ग्राहकांच्या बदलत्या गरजांना अनुकूल बदल करण्यात, अत्याधुनिक तंत्रज्ञानाचा लाभ मिळवण्यात आणि पारंपरिक कॉन्टॅक्ट सेंटर सेटअपसाठी आवश्यक असलेली लक्षणीय भांडवली गुंतवणूक न करता ऑपरेशन्समध्ये वाढ करण्यात मदत करेल. डिजिटायझेशनमुळे सर्वच उद्योगक्षेत्रातील ग्राहकांच्या अपेक्षांमध्ये मूलभूत बदल झाले आहेत. जेनेसिससोबत वी बिझनेसची भागीदारी अगदी योग्य वेळी करण्यात आली आहे, भारतीय व्यवसायांसाठी हा खूप महत्त्वाचा काळ आहे कारण तंत्रज्ञानातील बदलांमुळे सर्वच उद्योगक्षेत्रातील ग्राहक अनुभवांना नवे आकार दिले जात आहेत. बाजारपेठेत होत असलेल्या बदलांना अनुसरून ब्रँड्सनी देखील व्यक्तिगत संपर्क, संबंध आणि असीमित क्षमता तयार केल्या पाहिजेत, यासाठी विविध गरजा पुरवू शकेल असे अत्याधुनिक तंत्रज्ञान आवश्यक आहे. या भागीदारीमुळे वी बिझनेसला श्रेणीतील सर्वोत्तम क्लाउड सोल्युशन्सचा लाभ घेता येईल, आणि त्याचवेळी त्यांच्या एंटरप्राइज ग्राहकांना स्पर्धेत आघाडीवर राहण्यात मदत करता येईल. या भागीदारीविषयी वोडाफोन आयडियाचे चीफ एंटरप्राइज बिझनेस ऑफिसर श्री अरविंद नेवतिया म्हणाले, “जेनेसिससोबत ही क्रांतिकारी भागीदारी करताना आम्हाला अतिशय आनंद होत आहे. व्यवसाय ज्याप्रकारे चालवले जातात त्यामध्ये परिवर्तन घडवून आणणारी, त्यांना एआय आणि क्लाऊड तंत्रज्ञानाचे लाभ अधिक हुशारीने आणि प्रभावीपणे घेता यावेत यासाठी सक्षम करणारी नाविन्यपूर्ण सोल्युशन्स प्रदान करण्यात वी बिझनेससाठी हे एक महत्त्वाचे पुढचे पाऊल आहे. आम्ही दोघेही डिजिटल परिवर्तनाच्या भविष्याला चालना देण्यासाठी आणि वेगाने उत्क्रांत पावत असलेल्या तंत्रज्ञान क्षेत्रात आघाडीवर राहण्यात व्यवसायांना मदत करण्यासाठी बांधील आहोत.”   वी बिझनेस आणि जेनेसिसच्या भागीदारीमुळे उद्योगक्षेत्रातील दोन दिग्गज कंपन्या एकसमान व्हिजन घेऊन व्यवसायांना डिजिटल क्षेत्रात पुढे जाण्यासाठी, अत्याधुनिक तंत्रज्ञानाचा लाभ घेण्यासाठी मदत करण्यासाठी एकत्र आल्या आहेत. वी बिझनेसच्या विशाल नेटवर्क पायाभूत सोयीसुविधा आणि जेनेसिसच्या एआय-चालित अनुभव ऑर्केस्ट्रेशनमधील नैपुण्ये यांना एकत्र आणून ही भागीदारी वी बिझनेसला क्लाऊड-बेस्ड सीसीएएएस सोल्युशन्स प्रदान करण्यात सक्षम करेल, ज्यामुळे व्यवसायांना ग्राहकांसोबतचे संपर्क, संबंध यांचे व्यवस्थापन करता येईल त्यासाठी अत्याधुनिक, लवचिक आणि स्केलेबल सोल्युशन्सचा वापर करू शकतील आणि सर्वोत्कृष्ट ग्राहक सेवा सुनिश्चित करू शकतील. जेनेसिसचे एशिया पॅसिफिकचे सिनियर व्हाईस प्रेसिडेंट ग्विलयम फनेल म्हणाले, “ग्राहक आणि कर्मचारी अनुभव सोल्युशन्स पुरवण्यात जागतिक क्लाऊड लीडर म्हणून जेनेसिसने इनकंट्री क्लाऊड डिप्लॉयमेंट असलेला पहिला ग्लोबल सीसीएएएस प्लॅटफॉर्म म्हणून जेनेसिसने अनोखा मूल्य प्रस्ताव प्रस्तुत केला आहे, त्यामुळे विश्वसनीयता आणि स्केल यांची मागणी करणाऱ्या भारतीय व्यवसायांना डेटा रेसिडेन्सी पुरवते. या भागीदारीमुळे वी बिझनेसला त्यांच्या ग्राहकांना विविध चॅनेल्सवर अखंडित इंटरॅक्शन्स पुरवता येतील. बदलत्या मागण्या पूर्ण करण्यासाठी आवश्यक असलेली लवचिकता त्यांना मिळेल. वी बिझनेसचे मजबूत नेटवर्क आणि जेनेसिसचे एआय-चालित तंत्रज्ञान एकत्र आणून आमचा उद्देश अधिक स्मार्ट व गतिमान सोल्युशन्स पुरवणे हा आहे, ज्यामुळे अधिक वेगवान गो-लाईव्ह मिळेल आणि व्यवसायांना ग्राहकांसोबत संपर्क, संबंधांमध्ये सुधारणा घडवून आणता येतील, उपभोगावर आधारित मॉडेल्स वापरून अधिक प्रभावीपणे वाढ करता येईल.” जेनेसिस वी बिझनेसला ग्राहकांच्या बदलत्या अपेक्षा पूर्ण करण्यासाठी मदत करून भारतीय व्यवसायांना महत्त्वाची सीएक्स सोल्युशन्स उपलब्ध करवून देते. या गतिशीलतेमुळे ओम्नीचॅनेल सोल्युशन्सच्या अंमलबजावणीला पाठिंबा मिळतो, त्यामुळे ग्राहक अनुभव वाढतो, त्यासोबतच वी बिझनेसच्या ग्राहकांची सातत्याने वाढत असलेल्या स्पर्धात्मक वातावरणामध्ये स्केलेबल व व्यक्तिगत सीएक्स धोरणांसाठीची मागणी पूर्ण होते.