इन्व्हेस्को म्युच्युअल फंडने केले इन्व्हेस्को इंडिया मॅन्युफॅक्चरिंग फंडचे अनावरण

मुंबई : इन्व्हेस्को म्युच्युअल फंडाने आज इन्व्हेस्को इंडिया मॅन्युफॅक्चरिंग फंड (मॅन्युफॅक्चरिंग थीमला अनुसरून ओपन-एंडेड इक्विटी योजना) हा आपला नवीन फंड सुरू करत असल्याची घोषणा केली.

इन्व्हेस्को इंडिया मॅन्युफॅक्चरिंग फंड भांडवलाची वाढ करण्याचा प्रयत्न करतो आणि उत्पादन थीमनुसार कंपन्यांच्या इक्विटी व इक्विटी संबंधित साधनांमध्ये 80% – 100% गुंतवणूक करेल. हा फंड भारताच्या उत्पादन क्षेत्रातील प्रचंड वाढीच्या संभाव्यतेमध्ये सहभागी होण्यासाठी तयार करण्यात आला आहे आणि 50-60 समभागांच्या चांगल्या वैविध्यपूर्ण पोर्टफोलिओच्या उद्देशाने संपूर्ण बाजार भांडवलामध्ये गुंतवणूक करेल. फंड निफ्टी इंडिया मॅन्युफॅक्चरिंग TRI ला बेंचमार्क केला जाईल आणि निधी व्यवस्थापक श्री अमित गणात्रा आणि श्री धीमंत कोठारींद्वारे व्यवस्थापित केले जाईल.

शुभारंभप्रसंगी बोलताना इन्वेस्को म्युच्युअल फंडाचे इक्विटीज प्रमुख आणि फंड व्यवस्थापक श्री. अमित गणात्रा म्हणाले, “उत्पादन क्षेत्र एका महत्त्वपूर्ण परिवर्तनाच्या उंबरठ्यावर उभे आहे, मजबूत देशांतर्गत मागणी, जागतिक पुरवठा साखळी पुनर्संरचना, स्थिर चलनवाढ आणि व्याजदर व आश्वासक सरकारी धोरणे, भारताला जागतिक उत्पादन केंद्र म्हणून स्थान देण्यासाठी सरकार धोरणे, प्रोत्साहन, सबसिडी, कॉर्पोरेट कर दर कमी करणे आणि भांडवली खर्च वाढविणे या गोष्टी सक्रियपणे राबवत आहे. हे घटक एकत्रितपणे भारताला उत्पादन क्षेत्रातील गुंतवणुकीसाठी एक आश्वासक ठिकाण बनवितात. हे क्षेत्र येत्या काही वर्षांत मजबूत वाढीसाठी तयार आहे.”

अमित गणात्रा पुढे म्हणाले, “उद्योजकीय प्रतिभा आणि निर्यात क्षमतेचा मोठा समूह असलेले हे क्षेत्र गुंतवणूकदारांसाठी मोठ्या संधी उपलब्ध करून देते. श्रम, ऊर्जा, जमीन, भांडवल आणि उद्योजकता यांमधील स्पर्धात्मक लाभांसह ‘मेक इन इंडिया’ आणि पायाभूत सुविधांच्या विकासासारख्या उपक्रमांमुळे या क्षेत्राला आणखी चालना मिळेल.

सरकारने जाहीर केलेल्या अलीकडील अर्थसंकल्प 2024-25 मध्ये MSMEs आणि उत्पादन, विशेषतः कामगार केंद्रित उत्पादन, वित्तपुरवठा, नियामक बदल आणि तंत्रज्ञान समर्थन समाविष्ट असलेल्या सर्वसमावेशक पॅकेजसह विशेष लक्ष देण्यात आले आहे.

एनएफओ दरम्यान किमान गुंतवणूक रक्कम रु. 1,000/- आणि त्यानंतर 1 रुपयांच्या पटीत गुंतवता येईल. SIP गुंतवणुकीसाठी अर्जाची किमान रक्कम रु. ५००/- आणि त्यानंतर 1. रु.च्या पटीत गुंतवता येईल. निधीवाटपाच्या तारखेपासून 3 महिन्यांपूर्वी किंवा त्यापूर्वी रिडीम केलेल्या/स्विच आउट केलेल्या युनिट्ससाठी 0.50% एक्झिट लोड आकारेल. वाटपाच्या तारखेपासून 3 महिन्यांनंतर युनिट्सची पूर्तता / स्विच आउट केल्यास कोणतेही एक्झिट लोड आकारले जाणार नाही.

नवीन फंड ऑफर (NFO) आता आजपासून (25 जुलै 2024) सदस्यत्वासाठी खुली आहे आणि 8 ऑगस्ट 2024 रोजी बंद होईल.