एसबीआय’ने देणगीदारांची यादी’ सर्वोच्च न्यायालयास न दिल्यास.. सत्त्याग्रह आंदोलन – काँग्रेस 

पुणे : सर्वोच्च न्यायालयाने, देशाची लिडींग राष्ट्रीयकृत बँक अशी ख्याती व विश्वसनियता असणाऱ्या “स्टेट बँक ॲाफ इंडीया” (SBI)ला “ईलेक्शन बाँड” माध्यमातून कुणाचा किती पैसा” (?) मोदी_शहांच्या “विकसित भाजप च्या खात्यात” आला..(?) याची विचारणा करून, पुरेशी मुदत देऊन माहीती देण्यास सांगितले होते.  मात्र, बँकींग स्वायत्तता असलेली ‘एसबीआय’ सारखी लिडींग राष्ट्रीयकृत बँक सदरची यादी ऊपलब्ध असुनही सर्वोच्च न्यायालयात देण्यास टाळाटाळ करत असल्याचे स्पष्टपणे निदर्शनास येत आहे.

बाहेरील ‘राष्ट्रविरोधी शक्तींचा पैसा’ या निवडणुक रोख्यांच्या माध्यमातुन आला आहे का? हे तपासणे व जनतेस कळणे हे तितकेच गरजेचे व महत्वाचे आहे. सर्वोच्च न्यायालयास माहीती देणे विषयी टाळाटाळ वा दिरंगाई करणे हे बँकेचे कृत्य असंवैधानिक व सर्वोच्च न्यायालयाचा अवमान करणारे आहे.

एसबीआय ची भुमिका कोणा राजकीय पक्षाच्या फेवरमध्ये असुन, देशद्रोहाची आहे काय (?) असा परखड सवाल ही काँग्रेस ने केला. देशातील राष्ट्रीयकृत बँकांचे नेतृत्व करणाऱ्या “स्टेट बँक ॲाफ इंडीया”ने आपली विश्वसनियता जपावी व संविधानिक ऊत्तरदायीत्व निभावले.अन्यथा देशातील कोट्यावधीं जनतेच्या विश्वासाला तडा जाऊ शकतो याची  गंभीर जाणीव ठेवावी असे आवाहन महाराष्ट्र प्रदेश काँग्रेस चे राज्य प्रवक्ते गोपाळदादा तिवारी यांनी केले.

         “एसबीआय” ने सदर माहीती सर्वोच्च न्यायालयास मुदतीत दिली नाही तर राज्यभर काँग्रेस कार्यकर्ते” सत्त्याग्रह आंदोलने” करतील.. असा ईशारा देखील महाराष्ट्र प्रदेश काँग्रेस प्रवक्ते गोपाळदादा तिवारी यांनी प्रसिध्दीस दिलेल्या निवेदनात म्हंटले आहे.