Day: January 30, 2024

पुणे: कलर कोटेड स्टील उद्योगक्षेत्रातील आघाडीची कंपनी टाटा ब्ल्यूस्कोप स्टीलने पुण्यातील ‘प्रारंभ’ कार्यक्रमात आपल्या ‘शेल्टर फॉर ऑल’ उपक्रमाचा शुभारंभ केला. कंपनीने दयाशील कॉर्पोरेट दायित्वाच्या दिशेने हे परिवर्तनात्मक पाऊल उचलले आहे. ‘शेल्टर फॉर ऑल’ हा टाटा ब्ल्यूस्कोप स्टीलच्या व्यवसाय धोरणाचा एक अविभाज्य भाग असून विशिष्ट उद्देश डोळ्यासमोर ठेवून, त्यापासून प्रेरणा घेऊन चालवण्यात येणाऱ्या उपक्रमांच्या युगाची ही सुरुवात आहे. पारंपरिक कॉर्पोरेट उद्दिष्टांच्या पलीकडे जाऊन काम करण्याच्या व्हिजनसह सुरु करण्यात आलेला हा उपक्रम मानवी जीवन, वस्तू, प्राण्यांसाठी निवारा आणि शेती उत्पादनांची साठवण यासारख्या विविध विभागांमध्ये पर्यावरणपूरक, शाश्वत उपाययोजना निर्माण करण्याची कंपनीची वचनबद्धता दर्शवतो. दयाशीलता या मूलभूत मूल्यातून निर्माण करण्यात आलेला ‘शेल्टर फॉर ऑल’ उपक्रम टाटा ब्ल्यूस्कोप स्टीलची जगावर लक्षणीय, मूर्त प्रभाव निर्माण करण्याची, उत्पादन प्रमोशनच्या पारंपरिक पद्धतींच्या पलीकडे जाऊन काम करण्याची बांधिलकी दर्शवतो. टाटा ब्ल्यूस्कोप स्टीलचे मॅनेजिंग डायरेक्टर अनूप कुमार त्रिवेदी यांनी सांगितले, “टाटा ब्ल्यूस्कोप स्टीलमध्ये आमची बांधिलकी श्रेणीतील सर्वोत्तम कोटेड स्टील पुरवण्याच्यापुरती मर्यादित नाही. ‘शेल्टर फॉर ऑल’मध्ये आम्ही लोकांच्या जीवनात सुधारणा घडवून आणून आणि निवारा व घरासंबंधीच्या गंभीर समस्यांबाबत जागरूकता निर्माण करू इच्छितो.”