पुणे शहराचे वैभव जपण्याची जबाबदारी आपली 

इतिहास प्रेमी मंडळातर्फे छत्रपती शिवाजी पूलावर कार्यक्रमाचे आयोजन करण्यात आले होते. यावेळी छत्रपती शिवाजी महाराज आणि गणपतराव केंजळे यांच्या प्रतिमेचे पूजन करण्यात आले. श्री शिवाजी प्रिपेअेटरी मिल्ट्री स्कूलच्या शंभर शालेय विद्यार्थ्यानी ऐतिहासिक वास्तूंचे जतन व संवर्धन करण्याची सामूहिक शपथ यावेळी घेतली. इतिहास अभ्यासक मोहन शेटे, केंजळे यांचे वारसदार विनित केंजळे आणि कुटुंबीय यावेळी उपस्थित होते.

शिवाजी पूल ब्रिटिशांनी बांधला असला तरी, त्याच्या बांधकामात एका मराठी व्यक्तीचे योगदान खूप मोठे होते. रावबहादुर गणपतराव महादेव केंजळे यांच्या देखरेखीखाली या पुलाचे बांधकाम झाले. केंजळे हे निरक्षर होते पण स्थापत्य कलेतील त्यांचे ज्ञान अभियंत्यापेक्षाही मोठे होते. रावबहादुर गणपतराव महादेव केंजळे यांनाही यावेळी अभिवादन करण्यात आले.