विशाल निर्मिती लिमिटेडचा आयपीओ ३० सप्टेंबर २०२६ रोजी खुला होणार

मुंबई : विशाल निर्मिती लिमिटेडची (“कंपनी”) प्रत्येकी १० रुपये दर्शनी मूल्याच्या समभागांची (“इक्विटी शेअर्स”) प्रारंभिक सार्वजनिक भागविक्री (“ऑफर”) बुधवार, ३० सप्टेंबर २०२६ रोजी खुली करण्याचे प्रस्तावित आहे. सोमवार, ५ ऑक्टोबर २०२६ रोजी ही भागविक्री बंद होईल.

भागविक्रीसाठी प्रति समभाग २०८ रुपये ते २२० रुपये प्राईस बँड ठरवण्यात आला आहे, प्रत्येक समभागाचे दर्शनी मूल्य १० रुपये आहे. गुंतवणूकदारांना प्रत्येकी १० रुपये दर्शनी मूल्याच्या किमान ६८ समभागांसाठी आणि त्यानंतर प्रत्येकी १० रुपये दर्शनी मूल्य असलेल्या ६८ समभागांच्या पटीत बोली लावता येईल. या भागविक्रीत १४५.०० कोटी रुपयांपर्यंत नवे समभाग आणि (“विक्री करणारे भागधारक”) वामन प्रीस्ट्रेसिंग कंपनी प्रायव्हेट लिमिटेडकडून १५,००,००० समभागांपर्यंतची ऑफर फॉर सेल यांचा समावेश आहे. ऑफर फॉर सेलचे मूल्य किमान किमतीला (२०८ रुपये) ३१.२० कोटी रुपयांपर्यंत आणि कमाल किमतीला (२२० रुपये) ३३.०० कोटी रुपयांपर्यंत आहे. कमाल किमतीनुसार एकूण भागविक्रीचा आकार १७८.०० कोटी रुपये होतो. एकूण निव्वळ रकमेपैकी ७५.०० कोटी रुपये खेळत्या भांडवलाच्या गरजांसाठी आणि १९.०० कोटी रुपये मुदत कर्जांच्या परतफेडीसाठी किंवा मुदतपूर्व परतफेडीसाठी वापरण्याचा कंपनीचा प्रस्ताव आहे.

विशाल निर्मिती लिमिटेड ही स्थापत्य अभियांत्रिकी, निर्मिती आणि बांधकाम क्षेत्रातील कंपनी आहे. रेल्वेसाठी प्री-स्ट्रेस्ड काँक्रीट (पीएससी) स्लीपर, तसेच विविध उपयोगांसाठी प्रीकास्ट व प्री-स्ट्रेस्ड काँक्रीट उत्पादनांची निर्मिती आणि व्यापार हा कंपनीचा मुख्य व्यवसाय आहे. पंप्ड स्टोरेज प्रकल्पांसाठी (पीएसपी) माइल्ड स्टील पाइप (एमएस पाइप), एमएस लायनर आणि पेनस्टॉक पाइप यांचे फॅब्रिकेशन व उभारणीचे कामही कंपनी करते. रेल्वे, अक्षय ऊर्जा आणि औद्योगिक क्षेत्रांतील रेल्वे पायाभूत सुविधा, सिंचन तसेच विविध स्थापत्य अभियांत्रिकी व विकास प्रकल्पांसाठी कंपनी अभियांत्रिकी, खरेदी, पायाभूत सुविधा आणि बांधकाम सेवा पुरवते. कंपनीचा व्यवसाय निर्मिती आणि सेवा अशा दोन विभागांमध्ये विभागलेला आहे.

ही भागविक्री बुक बिल्डिंग प्रक्रियेद्वारे होत असून, प्रतिभूती करार (नियमन) नियम, १९५७ (सुधारणांसह) (“एससीआरआर”) मधील नियम १९(२)(ब) आणि भारतीय प्रतिभूती आणि विनिमय मंडळ (इश्यू ऑफ कॅपिटल अँड डिस्क्लोजर रिक्वायरमेंट्स) नियमावली, २०१८ (“सेबी आयसीडीआर नियमावली”) मधील नियम ३१ यांनुसार ती केली जात आहे. सेबी आयसीडीआर नियमावलीतील नियम ६(१) आणि नियम ३२(१) नुसार या भागविक्रीचा १ टक्क्यापेक्षा अधिक हिस्सा पात्र संस्थात्मक खरेदीदारांना (”क्यूआयबी” आणि असे पोर्शन, ”क्यूआयबी पोर्शन”) प्रमाणशीर वाटपासाठी उपलब्ध असणार नाही. क्यूआयबी हिश्श्यापैकी ५ टक्के हिस्सा केवळ म्युच्युअल फंडांना प्रमाणशीर वाटपासाठी राखीव असेल, तर उर्वरित हिस्सा म्युच्युअल फंडांसह सर्व क्यूआयबी बोलीदारांना प्रमाणशीर आधारावर वाटपासाठी उपलब्ध असेल. मात्र त्यासाठी भागविक्री किमतीला किंवा त्याहून अधिक किमतीला वैध बोली प्राप्त होणे आवश्यक आहे. म्युच्युअल फंडांकडून एकूण मागणी क्यूआयबी हिश्श्याच्या ५ टक्क्यांपेक्षा कमी राहिल्यास, म्युच्युअल फंड हिश्श्यातील शिल्लक समभाग उर्वरित क्यूआयबी हिश्श्यात जोडले जातील आणि त्यांचे क्यूआयबींना प्रमाणशीर वाटप होईल. याशिवाय भागविक्रीचा किमान २९ टक्के हिस्सा बिगरसंस्थात्मक बोलीदारांसाठी उपलब्ध असेल. यापैकी एक तृतीयांश हिस्सा २.०० लाख रुपयांपेक्षा अधिक आणि १०.०० लाख रुपयांपर्यंत रकमेच्या अर्जदारांसाठी, तर दोन तृतीयांश हिस्सा १०.०० लाख रुपयांपेक्षा अधिक रकमेच्या अर्जदारांसाठी राखीव असेल. यांपैकी कोणत्याही उपश्रेणीतील न भरलेला हिस्सा बिगरसंस्थात्मक गुंतवणूकदारांच्या दुसऱ्या उपश्रेणीतील अर्जदारांना दिला जाऊ शकतो. सेबी आयसीडीआर नियमावलीनुसार भागविक्रीचा किमान ७० टक्के हिस्सा किरकोळ वैयक्तिक बोलीदारांसाठी (”आरआयबी”) उपलब्ध असेल. त्यांच्याकडून भागविक्री किमतीला किंवा त्याहून अधिक किमतीला वैध बोली मिळणे ही यासाठी अट असेल. सर्व बोलीदारांना अॅप्लिकेशन सपोर्टेड बाय ब्लॉक्ड अमाउंट (”एएसबीए”) प्रक्रियेद्वारेच सहभागी होणे बंधनकारक आहे. यासाठी त्यांना आपल्या एएसबीए खात्यांचा तपशील द्यावा लागेल, तर आरआयबीना यूपीआय आयडीही नमूद करावा लागेल. या खात्यांमधील बोली रक्कम सेल्फ सर्टिफाइड सिंडिकेट बँका (”एससीएसबी”) किंवा यूपीआय यंत्रणेअंतर्गत प्रायोजक बँक, जसे लागू असेल त्याप्रमाणे, संबंधित बोली रकमेइतकी ब्लॉक करतील.

कंपनीचे समभाग बीएसई लिमिटेड (”बीएसई”) आणि नॅशनल स्टॉक एक्स्चेंज ऑफ इंडिया लिमिटेड (”एनएसई”) (बीएसई आणि एनएसई एकत्रितपणे “स्टॉक एक्स्चेंजेस”)च्या मुख्य मंचावर सूचिबद्ध करण्याचा प्रस्ताव आहे.

सॅफ्रन कॅपिटल अॅडव्हायझर्स प्रायव्हेट लिमिटेड ही या भागविक्रीची एकमेव बुक रनिंग लीड मॅनेजर आहे आणि एमयूएफजी इनटाइम इंडिया प्रायव्हेट लिमिटेड रजिस्ट्रार म्हणून काम पाहणार आहे.