यस बँकेच्या पतक्षमता बळकटीला देशांतर्गत आणि जागतिक रेटिंग संस्थांकडून मान्यता
मुंबई : यस बँकेने आघाडीच्या देशांतर्गत आणि आंतरराष्ट्रीय पतमापन संस्थांकडून मिळालेल्या सकारात्मक रेटिंग सुधारणांची मालिका जाहीर केली आहे. या रेटिंग कृतींमधून बँकेच्या पतप्रोफाइलमध्ये सातत्याने होत असलेल्या बळकटीकरणाला दुजोरा मिळाला आहे.
एस अँड पी ग्लोबल रेटिंग्ज यांनी यस बँकेला प्रथमच दीर्घकालीन इश्यूअर क्रेडिट रेटिंग म्हणून ‘बीबी+ हे स्टेबल आउटलुकसह दिले आहे. हे रेटिंग मूडीज रेटिंग्स यांनी मे 2026 मध्ये बँकेचे रेटिंग ‘बीए2’ वरून ‘बीए1’ (स्टेबल) पर्यंत सुधारित करताना दिलेल्या रेटिंगशी सुसंगत आहे. हे रेटिंग देताना एस अँड पी यांनी सुमितोमो मित्सुई बँकिंग कॉर्पोरेशन (SMBC) या बँकेच्या सर्वात मोठ्या भागधारकाकडून सातत्यपूर्ण आणि विशेष स्वरूपाच्या पाठबळाची अपेक्षा विचारात घेतली आहे. यातून एसएमबीसी समूहासाठी बँकेचे धोरणात्मक महत्त्व अधोरेखित होते. परिणामी, यस बँकेला आता दोन जागतिक संस्थांकडून स्थिर आउटलुकसह आंतरराष्ट्रीय रेटिंग प्रोफाइल प्राप्त झाले आहे.
देशांतर्गत स्तरावर, आयसीआरएने बँकेच्या इन्फ्रास्ट्रक्चर बाँड्स आणि बेसल III टियर II बाँड्सवरील दीर्घकालीन रेटिंग ‘एए- (स्टेबल)’ वरून ‘आईसीआरए एए (स्टेबल)’ पर्यंत सुधारित केली आहेत. यापूर्वी केअरएज रेटिंग्ज (केयर) यांनीही बँकेच्या दीर्घकालीन रेटिंगमध्ये सुधारणा करून ते ‘केयर एए- (स्टेबल)’ वरून ‘केयर एए+ (स्टेबल)’ केले होते.
याविषयी भाष्य करताना यस बँकेचे व्यवस्थापकीय संचालक आणि मुख्य कार्यकारी अधिकारी श्री. विनय एम. टोंसे म्हणाले, “आघाडीच्या जागतिक आणि देशांतर्गत रेटिंग संस्थांकडून मिळालेल्या या रेटिंग सुधारणा म्हणजे यस बँकेच्या मजबूत व्यवसाय पायाभरणीची आणि नफाक्षमतेच्या दिशेने बँकेने सातत्याने केलेल्या प्रगतीची स्वतंत्र पातळीवरची मान्यता आहे. आमचे सर्वात मोठे भागधारक असलेल्या एसएमबीसीसोबतची धोरणात्मक भागीदारी आमच्या मजबूत प्रशासन व्यवस्थेला आणि दीर्घकालीन स्थैर्याच्या पायाला आणखी बळकटी देते.”
या रेटिंग कृतींना पाठबळ देणारे प्रमुख घटक म्हणून संबंधित संस्थांनी बँकेच्या मालमत्ता गुणवत्तेत झालेली सुधारणा, अधिक मजबूत झालेली निधी उभारणीची रचना आणि भांडवली स्थिती, मुख्य नफाक्षमतेतील सातत्यपूर्ण वाढ तसेच बँकेची सुमारे 24.9% भागीदारी असलेली सर्वात मोठी भागधारक सुमितोमो मित्सुई बँकिंग कॉर्पोरेशन (एसएमबीसी) या जागतिक स्तरावरील प्रणालीदृष्ट्या महत्त्वाच्या बँकेने केलेली धोरणात्मक गुंतवणूक यांचा उल्लेख केला आहे.
ते पुढे म्हणाले, “एस अँड पीकडून देण्यात आलेले ‘ बीबी+’ रेटिंग मूडीजच्या ‘ बीए1’ रेटिंगशी सुसंगत आहे. यातून आमच्या पतप्रोफाइलबाबत आंतरराष्ट्रीय भागधारकांना असलेला वाढता विश्वास दिसून येतो. तसेच केअर आणि आयसीआरएकडून मिळालेल्या रेटिंग सुधारणांमधून मालमत्ता गुणवत्ता, भांडवली स्थिती आणि नफाक्षमता या क्षेत्रांतील आमची सातत्यपूर्ण प्रगती स्पष्ट होते. आम्ही आमच्या ठेवींच्या व्यवसायाचा विस्तार करण्यावर, ग्राहकांना अधिक चांगली सेवा देण्यावर आणि शाश्वत वाढ साध्य करण्यावर लक्ष केंद्रित करणार आहोत.”