डॉ. डी. वाय. पाटील मेडिकल कॉलेज, हॉस्पिटल अँड रिसर्च सेंटर, पिंपरी, येथे प्रतिष्ठित राष्ट्रीय परिषद ROOTS IX यशस्वीपणे संपन्न
पुणे: त्वचारोगशास्त्र (डर्मेटोलॉजी) क्षेत्रातील महत्त्वाच्या शैक्षणिक परिषदांपैकी एक असलेली ROOTS IX परिषद डॉ. डी. वाय. पाटील मेडिकल कॉलेज, हॉस्पिटल अँड रिसर्च सेंटर, पिंपरी, पुणे येथे यशस्वीपणे पार पडली. ही वार्षिक परिषद 26 ते 28 जून 2026 दरम्यान त्वचारोग उपचार पद्धतींवर आयोजित करण्यात आली होती. या तीन दिवसीय परिषदेत त्वचारोग तज्ज्ञ, प्राध्यापक, डॉक्टर, संशोधक आणि पदव्युत्तर विद्यार्थी सहभागी झाले होते. यावेळी त्वचारोग क्षेत्रातील नवीन घडामोडी, आधुनिक उपचार पद्धती आणि क्लिनिकल, सौंदर्यविषयक (एस्थेटिक) तसेच प्रक्रियात्मक त्वचारोग उपचारांमधील सध्याच्या वैद्यकीय पद्धतींवर चर्चा करण्यात आली.
“प्रिसिजन थेरप्युटिक्स इन डर्मेटोलॉजी – राईट ड्रग, राईट प्रोसीजर, राईट लेझर” या विषयावर आधारित या परिषदेत विविध वैज्ञानिक सत्रांचे आयोजन करण्यात आले होते. यामध्ये तज्ज्ञांची व्याख्याने, पॅनेल चर्चा, पुरस्कारप्राप्त संशोधन पेपर सादरीकरण तसेच मुक्त संशोधन निबंध (फ्री पेपर) सादरीकरणांचा समावेश होता. या परिषदेत मुरूम (अॅक्ने), सोरायसिस, पांढरे डाग (व्हिटिलिगो), त्वचेच्या रंगद्रव्यांचे विकार, केस गळण्याची समस्या (अँड्रोजेनेटिक अॅलोपेशिया), बाल त्वचारोग, स्वयंप्रतिकारक (ऑटोइम्यून) त्वचारोग, बुरशीजन्य त्वचारोग, इम्युनोबुलस विकार, लेझर उपचार, केमिकल पील्स आणि केसांच्या आजारांवरील उपचार (ट्रायकॉलॉजी) अशा अनेक विषयांवर सविस्तर चर्चा करण्यात आली. या परिषदेला मोठ्या संख्येने प्रतिनिधी उपस्थित होते. वैज्ञानिक सत्रांमध्ये प्राध्यापक आणि तज्ज्ञ डॉक्टरांनी आपले ज्ञान, अनुभव आणि क्लिनिकल उपचारांमधील महत्त्वपूर्ण माहिती सहभागींसोबत शेअर केली.
यावेळी बोलताना डॉ. भाग्यश्री पी. पाटील (प्र-कुलपती, डॉ .डी वाय पाटील विद्यापीठ,(अभिमत विद्यापीठ) पिंपरी, पुणे ) म्हणाल्या,”वैद्यकीय शिक्षण क्षेत्र सतत नवीन संशोधन आणि उपचार पद्धती विकसित होत आहे. त्यामुळे डॉक्टर आणि आरोग्य क्षेत्रातील व्यावसायिकांनी नवीन वैज्ञानिक माहिती आणि आधुनिक उपचार पद्धतींबाबत अद्ययावत राहणे आवश्यक आहे. ROOTS IX परिषदेमुळे तज्ज्ञ, प्राध्यापक आणि तरुण डॉक्टरांना एकत्र येऊन आपले विचार मांडण्याची आणि एकमेकांच्या अनुभवांतून शिकण्याची उत्तम संधी मिळाली. रुग्णांना अधिक चांगली आरोग्यसेवा मिळावी आणि वैद्यकीय तज्ज्ञांचा सातत्याने व्यावसायिक विकास व्हावा, यासाठी अशा शैक्षणिक उपक्रमांना सहकार्य करताना आम्हाला आनंद होत आहे.”
डॉ यशराज पी. पाटील (विश्वस्त व खजिनदार डॉ डी वाय पाटील विद्यापीठ, (अभिमत विद्यापीठ) पिंपरी, पुणे ) म्हणाले, “परिषदेदरम्यान झालेल्या दर्जेदार चर्चा आणि सहभागींचा उत्साह पाहता वैद्यकीय क्षेत्रात सतत नवीन ज्ञान मिळवत राहण्याचे महत्त्व अधोरेखित झाले. ROOTS IX सारख्या परिषदांमुळे डॉक्टरांना नवीन उपचार पद्धती समजून घेण्यास, प्रत्यक्ष अनुभवांची देवाणघेवाण करण्यास आणि त्वचारोग उपचार क्षेत्रातील नवीन प्रगतीशी अद्ययावत राहण्यास मदत होते. प्रत्येक वर्षी ही परिषद अधिक मोठी आणि प्रभावी होत असल्याचा आम्हाला आनंद आहे.”
डॉ. रेखा अर्कोट, अधिष्ठाता, डॉ. डी. वाय. पाटील मेडिकल कॉलेज, हॉस्पिटल अँड रिसर्च सेंटर, पिंपरी, पुणे म्हणाल्या, “ROOTS IX परिषदेमुळे डॉक्टर आणि विद्यार्थ्यांना त्वचारोग क्षेत्रातील महत्त्वाच्या विषयांवर तज्ज्ञांकडून मार्गदर्शन मिळाले. व्याख्याने, वैज्ञानिक चर्चा आणि संशोधन सादरीकरणांमुळे नवीन माहिती आणि उपचार पद्धती जाणून घेण्याची संधी मिळाली. या परिषदेमुळे त्वचारोग क्षेत्राच्या विविध शाखांमध्ये शिकण्याची संधी मिळाली तसेच डॉक्टर, प्राध्यापक आणि पदव्युत्तर विद्यार्थ्यांना आपले ज्ञान आणि अनुभव एकमेकांसोबत शेअर करण्यासाठी चांगले व्यासपीठ मिळाले. ही परिषद यशस्वी करण्यासाठी योगदान देणाऱ्या सर्व वक्ते, प्रतिनिधी आणि आयोजकांचे आम्ही मनापासून आभार मानतो.”
डॉ. आयुष गुप्ता, प्राध्यापक आणि विभागप्रमुख (त्वचारोग विभाग), डॉ. डी. वाय. पाटील मेडिकल कॉलेज, हॉस्पिटल अँड रिसर्च सेंटर आणि ROOTS IX चे आयोजन समिती अध्यक्ष,म्हणाले”या परिषदेचा वैज्ञानिक कार्यक्रम त्वचारोग तज्ज्ञांच्या दैनंदिन कामात उपयोगी पडतील अशा महत्त्वाच्या विषयांवर आधारित होता. तसेच त्वचारोग क्षेत्रातील नवीन संशोधन, आधुनिक उपचार पद्धती आणि तंत्रज्ञानाची माहितीही सहभागींना देण्यात आली. तीन दिवसांच्या विविध सत्रांमध्ये वैद्यकीय, प्रक्रियात्मक आणि सौंदर्यविषयक त्वचारोग उपचारांवर सविस्तर चर्चा झाली. रुग्णांवर प्रभावी उपचार कसे करावेत, वैज्ञानिक पुराव्यावर आधारित उपचार पद्धती आणि उत्तम रुग्णसेवा यावर विशेष भर देण्यात आला. ही परिषद यशस्वी करण्यासाठी योगदान देणाऱ्या सर्व प्राध्यापक, संशोधक, सादरकर्ते आणि प्रतिनिधींचे आम्ही मनापासून आभार मानतो.”
तज्ज्ञांची व्याख्याने आणि पॅनेल चर्चांसोबतच या परिषदेत पुरस्कारासाठी संशोधन पेपर सादरीकरण आणि फ्री पेपर सत्रांचेही आयोजन करण्यात आले. यामुळे संशोधक आणि पदव्युत्तर विद्यार्थ्यांना आपले संशोधन सादर करण्याची तसेच देशभरातील त्वचारोग तज्ज्ञांशी संवाद साधून त्यांचे मार्गदर्शन घेण्याची संधी मिळाली. परिषदेचा समारोप समारोप समारंभाने झाला. यावेळी विविध स्पर्धात्मक गटांमध्ये उत्कृष्ट वैज्ञानिक सादरीकरणे आणि संशोधन करणाऱ्या विजेत्यांचा सन्मान करण्यात आला.