१७ ऑगस्ट रोजी ‘उगम’ या कार्यक्रमाचे आयोजन

स्वतः तन्मय देवचके यांच्या संवादिनी वादनाने कार्यक्रमाचा समारोप होईल. यावेळी त्यांच्या एकल संवादिनीवादनाला सोहम गोराणे (तबला) आणि रोहित खवळे (पखवाज) हे साथसंगत करतील. स्वरानुजा अकादमीचे छोटे दोस्त सृजन देवचके व अन्वी पाटणकर हे सूत्रसंचालन करत कार्यक्रम आणखी रंजक करतील.

तन्मय यांचे आजोबा गोपाळ देवचके यांच्या स्मृतीप्रीत्यर्थ देण्यात येणाऱ्या श्री गोपाळ देवचके शिष्यवृत्तीचे  हे सलग दुसरे वर्ष असून संवादिनी विषयात गती असणाऱ्या गरजू आश्वासक संवादिनीवादकाला ही शिष्यवृत्ती प्रदान करण्यात येते. यावर्षी सावनी जोशी या विद्यार्थीनीला ही शिष्यवृत्ती प्रदान करण्यात येईल अशी माहिती, तन्मय देवचके यांनी कळविली आहे.