Day: May 20, 2025

  नवी दिल्ली : डीईई डेव्हलपमेंट इंजिनीअर्स लि. (डीडीईएल) या अॅडव्हान्स्ड प्रोसेस पाइपिंग सोल्युशन्स पुरविणाऱ्या आघाडीच्या कंपनीला एका प्रमुख आंतरराष्ट्रीय तेल व वायू कंपनीकडून महत्त्वाचे कंत्राट मिळाले आहे. ‘डीडीईएल’ने काही व्यावसायिक कारणास्तव आपल्या या ग्राहकाचे नाव गोपनीय ठेवले आहे, तथापि हे कंत्राट ‘डीडीईएल’च्या आंतरराष्ट्रीय विस्ताराच्या वाटचालीतील एक महत्त्वाचा टप्पा ठरणार असल्याचे स्पष्ट केले आहे. या कंत्राटानुसार, संबंधित ग्राहक कंपनीच्या जागतिक प्रकल्पांसाठी ‘डीडीईएल’तर्फे प्रोसेस पाइपिंग सोल्युशन्स नियमितपणे पुरविण्यात येतील. त्यामुळे ‘आंतरराष्ट्रीय ऊर्जा कंपन्यांचे पसंतीचे विक्रेते’ अशी ‘डीडीईएल’ची ओळख अधिक बळकट होईल. या घडामोडीवर प्रतिक्रिया देताना, ‘डीईई डेव्हलपमेंट इंजिनीअर्स’चे अध्यक्ष व व्यवस्थापकीय संचालक कृष्णन ललित बन्सल म्हणाले, “डीडीईएल’च्या तांत्रिक कौशल्यावर, प्रकल्प अंमलबजावणीच्या क्षमतेवर आणि गुणवत्तेच्या निर्धारावर मोठा