एचपीने कृत्रिम बुद्धिमत्ता (AI) आणि कोपायलट+ असलेले पीसी आणले बाजारात

एआयचा समावेश असलेले अतिशय पॉवरफुल पीसी एचपी कंपनीने आज बाजारात आणले आहेत. मोठ्या कंपन्या, स्टार्ट अप्स, ग्राहक, यांच्यासाठी हे पीसी अत्यंत उपयुक्त आहेत. यापूर्वी कधीही न मिळालेला अनुभव त्यांना घेता येईल. जे नवीन लॅपटॉप आले आहेत त्यात एचपी एलीटबूक अल्ट्रा, आणि एचपी ओम्नीबुक यांचा समावेश आहे. ते एचपीचे पहिले कोपायलट+ पीसी आहेत. हे दोन्ही लॅपटॉप स्नॅपड्रॅगन एक्स एलिट प्रोसेसर सिस्टिम वापरून तयार करण्यात आले आहेत. तसंच डेडिकेटेड न्युरल प्रोसेसिंग युनिट (NPU) यामुळे लँग्वेज मॉडेल आणि जनरेटिव्ह एआय या डिव्हाइसवर चालवण्यासाठी एका सेकंदात ४५ ट्रिलियन ऑपरेशन्स होऊ शकतात.

एचपी इंडियाच्या व्यवस्थापकीय संचालक आणि वरिष्ठ उपाध्यक्ष इप्सिता दासगुप्ता म्हणाल्या,“आपण आता एआय पीसी च्या काळात प्रवेश केला आहे. पर्सनल कॉम्प्युटर काय करू शकतो याचं हे उदाहरण आहे. या नावीन्यपूर्ण पीसीमुळे अनेक शक्यता निर्माण होतील आणि भविष्यात आपल्या कामाची पद्धतही बदलेल. आपले अत्याधुनिक पीसी कामाचा दर्जा वाढवण्याच्या उद्देशाने, तसेय योग्य सुरक्षा मिळावी आणि हायब्रिड पद्धतीने काम करणाऱ्यांना सोयीस्कर अशा पद्धतीने तयार करण्यात आले आहेत. आपली ही उपकरणं डिजिटल क्रांती आणि आर्थिक विकासाला कशी चालना देतात हे पाहण्यास आम्ही उत्सुक आहोत.”

सध्याच्या जीवनशैलीनुसार आता गोष्टी पारंपरिक डेस्कटॉपच्या पलीकडे गेल्या आहेत. एलिटबुक अल्ट्रा हा बिझनेससाठी विशेषत: लीडर्स लोकांसाठी तयार करण्यात आला आहे. क्लायंटबरोबर सततचा संवाद साधणाऱ्या लीडर्सना स्टायलिश आणि मोबाइल लागतात. उत्पादकता वाढवण्यासाठी, परस्पर सहकार्य वाढवण्यासाठी, आणि उच्च दर्जाच्या सुरक्षेसाठी त्यांना एआय ची गरज भासते. एचपी एलिटबुक अतिशय बारीक असा लॅपटॉप आहे आणि त्यात उत्तम बॅटरी आहे. सायबर हल्ल्यापासून बचाव करण्यासाठी उच्च दर्जाची सिक्युरिटी आहे.

एचपी ओम्नीबुक एक्स हा लॅपटॉप क्रिएटर्स आणि फ्रीलान्सर्ससाठी तयार करण्यात आला आहे. त्यांना कायमच एक पॉवरफुल आणि विविधांगी डिव्हाइसची गरज असते. ओम्नीबुक मध्ये अत्याधुनिक एआयची फीचर्स आहेत. त्यामुळे व्हीडिओचा दर्जा वाढतो. त्यामुळे क्रिएटर्स लोकांना खूप फायदा होईल. कारण ते फिरतीवर असतात. त्यांना कुठेही बसून व्हीडिओ एडिटिंग, ग्राफिक डिझाईन आणि रिमोट मीटिंगची गरज भासते.

“एचपी एलीटबूक आणि एचपी ओम्नीबुक एक्स हे दोन्ही पीसी सादर करताना आम्हाला प्रचंड आनंद होत आहे. हे दोन्ही एआय पीसी उत्तम अनुभव मिळण्यासाठी आणि तंत्रज्ञान क्षेत्रात क्रांती घडवण्यासाठी तयार करण्यात आले आहेत. एआयचा सुयोग्य वापर करून आम्ही या इंडस्ट्रीमध्ये एक वेगळं स्थान निर्माण करत आहोत. त्यामुळे तंत्रज्ञान स्मार्ट तर होईल पण त्याबरोबर वैयक्तिक गरजा भागवणारं ठरणार आहे.” असं एचपी इंडियाच्या पर्सनल सिस्टिम्मसचे वरिष्ठ संचालक विनित गेहानी म्हणाले.

एआय आता तुमच्या हाताशी

• एचपी आय कम्पॅनियन- नवीन लॅपटॉपमध्ये बिल्ट इन एचपी एआय कंम्पॅनियन आहे. त्याचबरोबर उत्पादकता आणि सर्जनशीलता वाढवण्यासाठी एआय असिस्टंटचा समावेश आहे. त्याचबरोबर आपल्या गरजेनुसार प्रतिसाद किंवा आऊटपूट मिळावं यासाठी जनरेटिव्ह एआयचाही वापर करू शकतील.
• कोपायलट+- कोपायलट+ मुळे तुमच्या सर्जनशीलतेला आणखी वाव मिळेल आणि पर्सनलाइज्ड कॉम्प्युटिंगचा अनुभव मिळेल.
• पॉली कॅमेरा प्रो.- पॉली कॅमेऱ्यामुळे व्हर्च्युअल भेटी, मीटिंग्स आणखी उत्तम होतील, पॉली कॅमेरा प्रो एनपीयूचा वापक करून स्पॉटलाइट, बॅकग्राऊंड ब्लर करणं, ऑटो फ्रेमिंग असे एआयचे फीचर्स अधिक चांगल्या पद्धतीने वापर करण्यात मदत करतात. हे सगळं होत असताना बॅटरी लाईफही वाचतं.
• स्लीक आणि पॉवरफुल- एचपी एलीटबुक अल्ट्रा आणि एचपी ओम्नीबुक हे तंत्रस्नेही फ्रीलान्सर्स आणि फिरतीवर असणाऱ्या लीडर्ससाठी तयार केले आहेत. एआयचा वापर करून पॉवर आणि मोबिलिटी या दोन्हीची काळजी घेण्यात आली आहे. या पीसीचं वजन 1.3 किलोग्रॅम असून बॅटरी 26 तासांपर्यंत टिकते.

आधुनिक डिझाइन-
दोन्ही पीसींना एचपी चा नवा एआय हेलिक्स लोगो आहे. त्यातून एचपीच्या एआय इंजिनिअरिंगचा प्रत्यय येतो. एआयचा चांगला परफॉर्मन्स आणि सिक्युरिटी यासाठी हे इंजिनिअरिंग उपयुक्त आहे. जगातील सर्वात शाश्वत अशा पीसी आणि कव्हरमध्ये 50% अल्युमिनिअमचा वापर करण्यात आला आहे. तसंच पॅकेजिंगसाठी 100% शाश्वत उत्पादनांचा वापर करण्यात आला आहे. त्यांना EPEAT Climate+ Gold registration आणि एनर्जी स्टार सर्टिफिकेशन मिळालं आहे.

सुरक्षितपणे कामासाठी उपयुक्त
एआयचा जसा विकास होतोय त्यानुसार एआय पीसीसाठी सुरक्षेचे उपायसुद्धा तितकेच महत्त्वाचे आहेत. व्यावसायिक युझर्स एचपी एलिटबुक अल्ट्रा या पीसीवर वुल्फ प्रो. सिक्युरिटी नेक्स्ट जेन अँटिव्हायरस लावून सुरक्षितपणे काम करू शकतात. नवीन हल्ले टाळण्यासाठी मशीन लर्निंगची भूमिका इथे महत्त्वाची ठरते.

किंमत आणि उपलब्धता

• एचपी एलिटबुक अल्ट्रा हा एचपी वर्ल्ड स्टोअर आणि एचपी ऑनलाइन स्टोर्स मध्ये उपलब्ध आहे. त्याची किंमत 1,69,934 पासून सुरू होते. तो अटमॉस्फिअरिक ब्लू रंगात उपलब्ध आहे.
• एचपी ओम्नीबुक एक्स हा एचपी वर्ल्ड स्टोर्स आणि एचपी ऑनलाइन स्टोअर्स मध्ये उपलब्ध असून त्याची किंमत 1,39,999 पासून सुरू होते. तो मेटॉर सिल्व्हर रंगात उपलब्ध आहे.