जनता सहकारी बँक लि., पुणे,ची ७५ वी वार्षिक सर्वसाधारण सभा संपन्न 

सन २००६ ते २०२४ या कालावधीमध्ये बँकेने Prudential Balance Sheet Cleansing अंतर्गत रिझर्व बँक ऑफ इंडिया यांनी घालून दिलेल्या नियमानुसार मार्च २०२४ पर्यंत २,८७२ खाती व रु.५८५.६६ कोटींची अनुत्पादित कर्जे वसुलीचा कायदेशीर हक्क अबाधीत ठेऊन निरस्त केली आहेत अशा निर्लेखित खात्यांमध्ये मार्च २०२४ पर्यंत ७६८ खाती बंद झाली आहेत व त्यामध्ये एकत्रित (पूर्ण व अंशतः) रु.१३६.८३ कोटी वसुली झाली आहे. बँकिंग Industry मधील ही उल्लेखनीय वसुली आहे. मार्च २०२४ अखेर २,१०४ निर्लेखित खात्यांमध्ये ४४८.८३ कोटी येणे बाकी आहे.

निर्लेखित खात्यांमधील वसुलीचे ताळेबंदसाठी असलेले महत्त्व विचारात घेऊन बँकेने निर्लेखित कर्जाच्या वसुलीसाठी स्वतंत्र कक्ष स्थापन केला असून उपलब्ध सर्व प्रकारची कायदेशीर आयुधे वापरून, निर्लेखित कर्जांच्या वसुलीचे नियोजनबध्द प्रयत्न सुरु आहेत. आगामी वर्षासाठी बँकेने निर्लेखित खात्यांमध्ये महत्वाकांक्षी वसुली उद्दिष्ट ठेवले आहे.

जनता बँक ही कायमच सामाजिक बांधिलकी जपत आली आहे. समाजातील असंघटित वर्गाला सामाजिक सुरक्षा मिळावी या दृष्टीने सरकारने आणलेल्या अटल पेन्शन योजनेच्या माध्यमातून बँकेने जास्तीत जास्त खाती उघडली आहेत. त्याबद्दल केंद्र सरकारच्या पेन्शन फंड रेग्युलेटरी डेव्हलपमेंट अॅथोरीटी (PFRDA) यांनी बँकेला “Award of Excellence Leadership” या बहुमानाने गौरवले आहे. त्याच बरोबर बँकेला भारतातील नामांकित Credit Information Bureau of India Ltd (CIBIL) या क्रेडीट ब्युरोने Best Data Quality Index या पुरस्काराने गौरविले आहे. या पुरस्कारांचे स्वरूप विचारात घेता देशातील अग्रगण्य संस्थांनी बँकेची सामाजिक बांधिलकी व संस्था संचालनावरील उमटविलेली मोहोर आहे असे म्हणणे वावगे ठरणार नाही.

या आश्वासक पार्श्वभूमीवर बँकेने सन २०२४-२५ आर्थिक वर्षासाठी महत्वाकांक्षी व्यावसायिक उदिष्ट समोर ठेवली आहेत. वार्षिक सर्वसाधारण सभेमध्ये उपस्थित असलेल्या सभासदांनी बँकेच्या कामगिरीबद्दल समाधान व्यक्त करून पुढील वाटचालीसाठी शुभेच्छा व्यक्त केल्या.