Day: June 2, 2024

‘तुला शिकवीन चांगलाच धडा’ मालिकेत अधिपतीचा वाढदिवस साजरा होतोय. अक्षरा अत्यंत प्रेमाने त्याला शर्ट गीफ्ट देते, त्याला औक्षण करते. दुसरीकडे भुवनेश्वरीने अधिपतीला ओवाळायचं म्हणून सगळी तयारी केलेय.  तिने सुद्धा अधिपतीसाठी गिफ्ट आणलंय. अधिपती भुवनेश्वरीचा आशीर्वाद घ्यायला येतो तेव्हा भुवनेश्वरी त्याला बघुन चिडते. आपल्या आधी अक्षराने त्याला ओवाळलं आणि अधिपतीने अक्षराने दिलेला शर्ट घातला हे बघून तिने आणणलेल्या गिफ्टला आग लावते.  भुवनेश्वरी रडायचं नाटक करते अखेर अधिपती अक्षराने दिलेला शर्ट काढतो. चारुहास अक्षराला येऊन सांगतो की भुवनेश्वरी तुमचा संसार कधीच सुखाने होऊ देणार नाही. त्यामुळे तुम्ही दोघं ४-५ दिवस कुठेतरी बाहेर जाऊन या आणि त्याचवेळेस तुझ्या मनातलं प्रेम त्याच्याकडे व्यक्त कर. वाढदिवसाच्या निमिताने अधिपती शाळेत वृक्षारोपण करत असताना त्याच्या पायावर कुदळ लागते आणि अधिपतीला दुखापत होते. घरी वाढदिवसाची जंगी तयारी करणारी भुवनेश्वरी संतापते.  घराबाहेर पडायचं नाही हे सांगितलं असताना सुद्धा अक्षरा अधिपतीला बाहेर घेऊन जाते ह्याचा भुवनेश्वरीला राग येतो. अधिपतीच्या दुखापतीचं खापर ती अक्षरावर फोडते. अक्षराकडून अधिपतील वाढदिवसाचं एक खास गिफ्ट मिळणार आहे. आता काय आहे हे खास गिफ्ट? अधिपती अक्षरा एकमेकांजवळ येऊ शकतील ? जाणून घेण्यासाठी पाहायला विसरू नका ‘तुला शिकवीन चांगलाच धडा’ दररोज रात्री ८ वा. फक्त आपल्या झी मराठीवर.