ग्लोबल स्ट्रीमिंग प्लॅटफॉर्मवर दोन टेंटपोल प्रोजेक्ट्स मिळणं आश्चर्यकारक वाटतं! – श्रेया चौधरी

श्रेया चौधरीने ॲमेझॉन सीरीज ‘बंदिश बैंडिट्स’ मध्ये तिच्या दमदार पदार्पणात सर्वांचे लक्ष वेधून घेतले! तेव्हापासून, श्रेया चित्रपट निर्मात्यांच्या रडारवर आहे. कारण तिने शोमध्ये तिच्या अविश्वसनीय अभिनय आणि करिश्माई प्रेजेंसने मोठा प्रभाव पाडला आहे. श्रेयाने एक अभिनेत्री म्हणून स्वत:ला अधिक उत्तम होण्यासाठी वेळ दिला आहे आणि आता अमेज़ॉन वर दोन टेंटपोल प्रोजेक्ट्स घेऊन परतली आहे!

या वर्षी, ती ‘द मेहता बॉईज’ या चित्रपटात दिसणार आहे ,जो अभिनेता बोमन इराणीच्या दिग्दर्शनात पदार्पण करत आहे. श्रेया बहुप्रतिक्षित सीरीज बंदिश बैंडिट्स दुसऱ्या सीझनमध्येही तिची भूमिका पुन्हा साकारणार आहे!

श्रेया म्हणते, “एकअभिनेत्री म्हणून, मी करत असलेल्या कामाच्या दृष्टीने आणि लोक मला कोण म्हणून पाहतील या दृष्टीने हे निश्चितच माझे सर्वोत्तम वर्ष आहे. अमेज़ॉन प्राइम वीडियो सारख्या जागतिक स्ट्रीमिंग प्लॅटफॉर्मवर दोन टेंटपोल प्रोजेक्ट्स असणे आश्चर्यकारक वाटते! एक कलाकार म्हणून माझ्याकडे असलेल्या विविध गुण ते दाखवतील.”

बोमन इराणीसोबतच्या तिच्या चित्रपटाबद्दल बोलताना श्रेया म्हणाली, “बोमन इराणी सरांसारख्या क्रिएटिव्ह मास्टरमाईंडकडून दिग्दर्शन करण्याची संधी दररोज मिळतेच असे नाही! द मेहता बॉईजमध्ये त्यांच्या मार्गदर्शनाखाली मला खूप काही शिकायला मिळाले आणि मला अभिमान वाटतो की मी त्यांच्या व्हिजनचा भाग होण्यासाठी मी पुरेशी चांगली आहे असे त्यांना वाटले!”

बंदिश बँडिट्स सीझन 2 च्या घोषणेवर तिचा उत्साह व्यक्त करताना, श्रेया पुढे म्हणाली, “माझी मालिका बंदिश बँडिट्स 2 या वर्षी देखील प्रदर्शित होईल याबद्दल मला खूप आनंद झाला आहे! बंदिश बँडिट्स सीझन 1 ने मला एक अभिनेत्री म्हणून खूप प्रशंसा दिली, खूप प्रेम दिले. मी एवढेच म्हणू शकतो की आमच्या कथानकाला एकमेकांच्या विरोधात उभे आहोत त्यामुळे मला स्क्रीन वर सर्वस्व द्यावे लागेल.”

ती म्हणते, “मला आशा आहे की लोक आणि मीडिया मला या सीझनसाठी समान किंवा अधिक प्रेम देईल कारण मला वाटते की मी या मालिकेच्या सेटवर माझ्या हृदयाचा एक तुकडा सोडला आहे. मी माझे दिग्दर्शक आनंद तिवारी, माझे निर्माते अमृतपाल सिंग बिंद्रा आणि आनंद तिवारी यांचे माझ्यावरील विश्वासाबद्दल आभार मानते .”