साई बिझनेस क्लब आयोजित ‘आरोग्यम’ या स्वास्थ महोत्सवाचे उद्घाटन

पुणे  : प्रो. डॉ. कृती वजीर यांच्या साई बिझनेस क्लब दयारे आयोजित दोन दिवसीय ‘आरोग्यम’ या स्वास्थ महोत्सवाचे उद्घाटन आज शनिवार दिनांक ३ फेब्रुवारी रोजी करण्यात आले. वाकड, पुणे- मुंबई द्रुतगती मार्गावरील हॉटेल टिप टॉप इंटरनॅशनल येथे आयोजित करण्यात आलेल्या या सोहळ्यासाठी जयश जोशी, जय शेखावत, डॉ. राजन संचेती, जनक व्यास, IT आणि सोशल मीडियाचे संतोष दुबे, डॉ. कीर्ती लोनगानी, निकिता वोरा आदी मान्यवर उपस्थित होते.

सदर स्वास्थ महोत्सवात आरोग्य- जागरूकता, ज्ञान आणि सामुदायिक सहभागाचे अनोखे मिश्रण असल्याचे अनुभातवा येते. ३ आणि ४ फेब्रुवारी २०२४ रोजी सकाळी ११ ते रात्री ८ या वेळेत विविध आरोग्य सेवा उत्पादने आणि सेवांचे प्रदर्शन करणारे एकूण ४० हून अधिक स्टॉल लावण्यात आले आहे. रविवार दिनांक ४ फेब्रुवारी रोजी आरोग्य क्षेत्रांतील नामवंत तज्ञांचा आरोग्यम परिसंवाद असणार असल्याची माहिती स्वास्थ्य महोत्सवाच्या मुख्य आयोजिका व साई बिजनेस क्लबच्या संस्थापिका प्रोफेसर डॉक्टर कृती वजीर यांनी दिली.

आरोग्यम स्वास्थ्य महोत्सवाचे उद्दिष्ट भारतीय व्यवसायांना समर्थन देण्यासाठी आणि लहान उद्योगांच्या वाढीला चालना देण्यासाठी विविध आरोग्य उत्पादने आणि सेवांचे प्रदर्शन करून चांगले आरोग्य साजरे करणे आणि निरोगीपणा स्वीकारणे हे आहे. हा कार्यक्रम आरोग्य उद्योगातील लोकांना जोडण्यावर भर देतो, विशेषत: महत्त्वपूर्ण योगदान देणाऱ्या महिला आणि तरुणांना चांगले आरोग्य राखण्यासाठी शिक्षित करणे. याव्यतिरिक्त, आपल्या समृद्ध परंपरा जपण्यासाठी या कार्यक्रमात भारतीय संस्कृतीचे घटक समाविष्ट केले जातात.