महाराष्ट्रातील 5,400 हून अधिक कुटुंबांना पाणी टंचाईशी लढण्यासाठी एचडीएफसी बँकेची मदत

पुणे: एचडीएफसी बँकेने त्यांचा हवामान बदल अनुकूलन प्रकल्प पूर्ण केल्याची आणि जाफ्राबाद, महाराष्ट्रातील 20 गावांच्या पंचायतींना हस्तांतरित करण्याची घोषणा केली. हवामान बदल अनुकूलन प्रकल्प ऑक्टोबर 2020 मध्ये सुरू करण्यात आला, ज्यामुळे स्थानिक लोकांना दुष्काळ, उष्णतेच्या लाटा आणि अनियमित आणि तीव्र पर्जन्यमान यासारख्या प्रतिकूल हवामान बदलांच्या भेद्यतेचा सामना करण्यास मदत होईल. या हवामानातील फरक आणि वारंवार दुष्काळ सदृश परिस्थितीमुळे या प्रदेशात जमिनीचा ऱ्हास, पाण्याची टंचाई आणि कमी पीक उत्पन्न होते, ज्याचा थेट परिणाम रहिवाशांच्या, विशेषतः शेतकऱ्यांच्या जीवनमानावर होतो.

नुसरत पठाण, सीएसआर हेड , एचडीएफसी बँक ,  सुपूर्द समारंभात बोलताना, म्हणाल्या, “हवामानातील बदल दीर्घकाळ टिकण्याची शक्यता आहे. आपला दृष्टीकोन बदलणे अत्यावश्यक बनते, ते मदतीवर आधारित न राहता प्रतिसाद आधारित बनवणे. आमच्या हस्तक्षेपांनी शेतकऱ्यांची हवामान आणि बाजाराशी सुसंगत होण्यासाठी प्रतिसाद क्षमता यशस्वीरित्या तयार केली आहे, तसेच त्यांचे शेती उत्पन्न सुधारले आहे आणि पर्यावरणाची अखंडता राखली आहे. ”त्या पुढे म्हणाल्या की, या प्रकल्पांनी रनऑफ हार्वेस्टिंग, भूजल पुनर्भरण, मातीचे संरक्षण आणि ओलावा टिकवून ठेवणे, सूक्ष्म सिंचन आणि आणि इतर हवामान-लवचिक शेती पद्धती   यांसारख्या अनेक महत्त्वाच्या मुद्द्यांकडे लक्ष दिले आहे.”एचडीएफसी बँकेच्या हस्तक्षेपामुळे पाण्याची उपलब्धता वाढून कृषी उत्पादकता आणि सिंचनाखालील क्षेत्र यशस्वीरित्या वाढले आहे, तसेच वैविध्यपूर्ण शेती प्रणालींद्वारे शेतजमिनींचे आच्छादन वाढले आहे. या प्रकल्पाने क्षेत्र उपचार, फलोत्पादन, जलसंपत्ती विकास, नाला खोलीकरण, सूक्ष्म सिंचन प्रणाली स्वयंचलित हवामान केंद्र आणि कीटक आणि पोषक व्यवस्थापन प्रात्यक्षिके या क्षेत्रातील कामांसह बहु-आयामी दृष्टीकोन घेतला. एकत्रितपणे, प्रकल्पामुळे जवळपास सर्व 25,000 गावातील रहिवाशांचे जीवनमान उंचावण्यास मदत झाली आहे.