अव्दैत आणि नेत्रा प्रेमरंगात रंगणार…

रूपाली अव्दैतला नेहमीप्रमाणे आपल्या फसव्या मायेच्या जाळ्यात ओढून त्याचं लग्न तिच्या मर्जीने लावायचा प्रयत्न करते. पण अव्दैत नकार देतो. त्याच वेळी शेखर चाणाक्षपणे अव्दैतला रूपालीचं नाव पुढे करून नेत्राशी लग्नाबद्दल विचारतो. अचानकपणे नेत्राचं नाव आल्याने अव्दैत गडबडतो. त्याला वाटतं नेत्रा रक्षाकवच असल्यामुळे लग्नाला होकार देत असेल, परंतु शेखर त्याला सांगतो, की नेत्राचं अव्दैतवर प्रेम आहे. हे ऐकून अव्दैत चकीत होतो. तो याच विचारात हरवलेला असताना एक जादु घडावी तशी एक घटना घडते आणि या घटनेमुळे अव्दैत – नेत्रा कायमचे प्रेमाच्या रंगात रंगून जाणार आहेत, अशी ही कुठली घटना असेल, असं काय घडलं असेल की नेत्रा–अव्दैतला एकत्र यायला एक क्षणही लागला नाही. हे लवकरच सातव्या मुलीची सातवी मुलगी मालिकेत पहायला मिळणार आहे “सातव्या मुलीची सातवी मुलगी” सोमवार ते शनिवार रात्री १०.३० वा. फक्त आपल्या झी मराठीवर.