पर्यावरण जनजागृतीपर फोटोथॉन २०२३ छायाचित्रण स्पर्धा

पुणे : इकोफोक्स आणि महाराष्ट्र प्रदूषण नियंत्रण महामंडळतर्फे पर्यावरणप्रेमींसाठी आणि छायाचित्रकारांसाठी अनोखी पर्वणी उपलब्ध होत आहे. पर्यावरणाचे जतन करीत त्याचे महत्त्व छायाचित्रांच्या माध्यमातून पटवून देण्यासाठी फोटोथॉन २०२३ ही छायाचित्रण स्पर्धा पुण्यात होणार आहे. नेमून दिलेल्या अवघ्या २४ तासाच्या वेळेत लाईव्ह छायाचित्र काढून स्पर्धकांना स्पर्धेत सहभाग घ्यायचा आहे. शनिवार, दिनांक ३ जून रोजी सकाळी १०.३० वाजता नवी पेठेतील म्हात्रे पूलाजवळील इंद्रधनुष्य सभागृह येथे स्पर्धेचे उद््घाटन होणार आहे, अशी माहिती स्पर्धेचे आयोजक परेश पिंपळे यांनी दिली.