प्रेरणा संगीत संस्थेतर्फे दोन दिवसीय ‘संगीत मैफल’चे आयोजन
कार्यक्रमात पहिल्या दिवशी प्रेरणा संगीत संस्थेच्या प्रमुख आणि जयपूरच्या अत्रौली घराण्याच्या ज्येष्ठ गायिका विदुषी सानिया पाटणकर यांच्यासह त्यांचे शिष्य गौरी दासरी, मंजिरी लक्रस, अपूर्वा देशपांडे, निशिगंधा देशमुख, कनिष्का आपटे, अवनी, सायली किणीकर, नितीन महाबळेश्वरकर, श्रेयसी सबनीस (सरोद), रुची शिर्से, पराजा शिरसेद, श्रेयसी सबनीस, शुभम नाडगौडा, वेदवती परांजपे, आदिती नगरकर, सौद्या कुलकर्णी, वृंदा बाम, कपिल सरदार, रुचा खोत, मधुरा पेठे, क्रांतीशीला ठोंबरे, मयुरा मांगले, सारिका केंद्रेकर आणि अनुराग जोशी (बासरी) हे कलाकार आपली कला सादर करतील. त्यांना कार्तिक स्वामी दहिफळे, सचिन पावगी, तुषार केळकर आणि माधव लिमये हे साथसंगत करतील.
दुसऱ्या दिवशी भारतीय संगीत क्षेत्रातील दिग्गज कलाकार आपला कलाविष्कार सादर करतील. यामध्ये ग्वाल्हेर घराण्याचे ज्येष्ठ गायक पं. अमरेंद्र धनेश्वर यांचे गायन, व्हायोलिनवादक स्व. बाळकृष्ण उपाध्ये यांचे नातू आणि पं. अतुलकुमार उपाध्ये यांचे पुत्र राजस उपाध्ये यांचे व्हायोलिनवादन, संगीत मार्तंड पंडित जसराज यांचे शिष्य शहनाई वादक पं. लोकेश आनंद, प्रसिद्ध बासरीवादक अमर ओक यांचे पुत्र अभय ओक आणि जयपूर अत्रौली घराण्याच्या गायिका विदुषी सानिया पाटणकर यांचे गायन रसिकांना अनुभवता येणार आहे. प्रमुख कलाकारांना पं. रामदास पळसुले, सचिन पावगी, आशय कुलकर्णी, कार्तिकस्वामी, माधव लिमये आणि प्रज्ञा देसाई हे कलाकार साथसंगत करतील.