मणिपाल पेमेंट अँड आयडेंटिटी सोल्यूशन्स लिमिटेडचा आयपीओ ९ सप्टेंबर २०२६ रोजी खुला होणार
सप्टेंबर ४, २०२६: मणिपाल पेमेंट अँड आयडेंटिटी सोल्यूशन्स लिमिटेडने (एमपीआयएसएल) आपल्या इनिशियल पब्लिक ऑफरिंग (आयपीओ) तपशीलांची घोषणा केली आहे: बिड्स बुधवारी, ९ सप्टेंबर २०२६ रोजी खुले होतील आणि शुक्रवार, ११ सप्टेंबर २०२६ रोजी बंद होतील. अँकर इन्व्हेस्टर बिडिंग तारीख मंगळवार, ८ सप्टेंबर २०२६ निश्चित करण्यात आली आहे. इश्यूचा प्राईस बँड प्रति इक्विटी शेअर ३२२ रूपये ते ३३९ रूपये निश्चित करण्यात आला आहे. किमान ४४ इक्विटी शेअर्ससाठी आणि त्यानंतर ४४ इक्विटी शेअर्सच्या पटीत अर्ज केले जाऊ शकतात. या ऑफरमध्ये ३२० कोटी रूपयांपर्यंतच्या इक्विटी शेअर्सच्या फ्रेश इश्यूचा आणि प्रमोटर सेलिंग शेअरहोल्डर मणिपाल टेक्नॉलॉजीज लिमिटेडद्वारे १४,३०६,७८५ पर्यंतच्या इक्विटी शेअर्सच्या ऑफर फॉर सेलचा समावेश आहे.
एमपीआयएसएल जगभरातील बँका, फिनटेक, एनबीएफसी आणि सरकारांना पेमेंट सोल्यूशन्स, आयडेंटिफिकेशन सोल्यूशन्स, सिक्युअर सोल्यूशन्स आणि स्मार्ट टॅगिंग व इंटरनेट ऑफ थिंग्ज (आयओटी) सोल्यूशन्स प्रदान करते. आर्थिक वर्ष २०२६ मध्ये, भारताच्या क्रेडिट कार्ड वितरणात कंपनीचा वाटा सुमारे ३६.४ टक्के आणि डेबिट कार्ड वितरणात ३०.९ टक्के होता, ज्यामुळे जागतिक स्तरावर आणि भारतात पेमेंट कार्ड्स बनवणाऱ्या सर्वात मोठ्या उत्पादकांमध्ये तिचे स्थान प्रस्थापित झाले आहे. याव्यतिरिक्त, ही भारतातील सर्वात मोठ्या राष्ट्रीय ओळखपत्र उत्पादकांपैकी एक असून तिने १२ प्रादेशिक भाषांमध्ये १ अब्जाहून अधिक कार्ड्स बिल केले आहेत. एमपीआयएसएल भारतातील १० सुविधांद्वारे सेवा देते; आर्थिक वर्ष २०२६ मध्ये देशांतर्गत आणि आंतरराष्ट्रीय क्षेत्रातील ३०० हून अधिक विविध ग्राहकांना कंपनीने सेवा पुरवली आहे.
एमपीआयएसएलला पेमेंट कार्ड्सचे उत्पादन आणि पर्सनलायझेशनसाठी मास्टरकार्ड (१६ वर्षांहून अधिक), रुपे (९ वर्षांहून अधिक) आणि इतर पेमेंट नेटवर्कद्वारे अनुक्रमे १५ वर्षे व ९ वर्षांहून अधिक काळासाठी प्रमाणित केले गेले आहे. शिवाय, या सुविधांना सुरक्षित डेटा व्यवस्थापनासाठी पेमेंट कार्ड इंडस्ट्री डेटा सिक्युरिटी स्टँडर्ड (लेव्हल १) व्हर्जन ४.०.१ चे प्रमाणपत्र मिळाले आहे, तर मणिपाल सुविधेला सुरक्षित कार्ड उत्पादन आणि पर्सनलायझेशनसाठी ‘इंटरग्राफ’ (मध्यवर्ती बँक स्तरl) आणि कार्ड क्वालिटी मॅनेजमेंटचे प्रमाणपत्र मिळाले आहे.
हे इक्विटी शेअर्स बीएसई लिमिटेड (बीएसई) आणि नॅशनल स्टॉक एक्सचेंज ऑफ इंडिया लिमिटेड (एनएसई) वर सूचीबद्ध करण्याचा प्रस्ताव आहे. या इश्यूसाठी बीएसई लिमिटेड डेझिग्नेटेड स्टॉक एक्सचेंज असेल.
इश्यू तपशील:
हा इश्यू सेबी आयसीडीआर रेग्युलेशन्सच्या नियम ३१ सह वाचल्या गेलेल्या एससीआरआरच्या नियम १९(२)(बी) अंतर्गत केला जात आहे. ही ऑफर बुक बिल्डिंग प्रोसेसद्वारे केली जात आहे आणि सेबी आयसीडीआर रेग्युलेशन्सच्या नियम ६(२)चे पालन करते; ज्यामध्ये सेबी आयसीडीआर रेग्युलेशन्सच्या नियम ३२(२) नुसार ऑफरच्या किमान ७५ टक्के भाग क्वालिफाईड इन्स्टिट्यूशनल बायर्सना (“क्यूआयबी”, आणि असा भाग, “क्यूआयबी पोर्शन”) प्रमाणात वाटपासाठी उपलब्ध असेल. पण, सेबी आयसीडीआर रेग्युलेशन्सनुसार आमची कंपनी, बुक रनिंग लीड मॅनेजर्सचा (बीआरएलएम) सल्ला घेऊन क्यूआयबी पोर्शनच्या ६० टक्क्यांपर्यंत भाग अँकर इन्व्हेस्टर्सना स्वविवेकाधिकारावर वाटप करू शकते; ज्यापैकी ४० टक्के भाग पुढीलप्रमाणे राखीव असेल: (i) अँकर इन्व्हेस्टर पोर्शनच्या ३३.३३ टक्के घरगुती म्युच्युअल फंडांसाठी; आणि (ii) अँकर इन्व्हेस्टर पोर्शनच्या ६.६७ टक्के आयुर्विमा कंपन्या आणि पेन्शन फंडांसाठी, जे अँकर इन्व्हेस्टर वाटप किमतीवर किंवा त्यापेक्षा जास्त किमतीत वैध बिड्स प्राप्त होण्याच्या अधीन राहील.
वरील (ii) मध्ये नमूद केलेल्या आयुर्विमा कंपन्या आणि पेन्शन फंड श्रेणीमध्ये कमी सबस्क्रिप्शन झाल्यास, सेबी आयसीडीआर रेग्युलेशन्सनुसार ते शेअर्स घरगुती म्युच्युअल फंडांना वाटप केले जाऊ शकतात. अँकर इन्व्हेस्टर पोर्शनमध्ये कमी सबस्क्रिप्शन झाल्यास किंवा वाटप न झाल्यास, उर्वरित इक्विटी शेअर्स क्यूआयबी पोर्शनमध्ये (अँकर इन्व्हेस्टर पोर्शन वगळून) (“नेट क्यूआयबी पोर्शन”) जोडले जातील.
तसेच, नेट क्यूआयबी पोर्शनपैकी ५ टक्के भाग केवळ म्युच्युअल फंडांना प्रमाणात वाटपासाठी उपलब्ध असेल, आणि उर्वरित नेट क्यूआयबी पोर्शन हा ऑफर प्राईसवर किंवा त्यापेक्षा जास्त किमतीत वैध बिड्स प्राप्त होण्याच्या अधीन राहून, म्युच्युअल फंडांसह सर्व क्यूआयबी बोलीदारांना (अँकर इन्व्हेस्टर्स वगळून) प्रमाणात वाटपासाठी उपलब्ध असेल. पण, म्युच्युअल फंडांची एकूण मागणी नेट क्यूआयबी पोर्शनच्या ५ टक्क्यांपेक्षा कमी असल्यास, म्युच्युअल फंड पोर्शनमध्ये उपलब्ध असलेले उर्वरित इक्विटी शेअर्स सर्व क्यूआयबींना प्रमाणात वाटप करण्यासाठी उर्वरित क्यूआयबी पोर्शनमध्ये जोडले जातील. याशिवाय, सेबी आयसीडीआर रेग्युलेशन्सनुसार ऑफरच्या १५ टक्क्यांपेक्षा जास्त नसलेला भाग बिगर-संस्थात्मक बोलीदारांना वाटपासाठी उपलब्ध असेल, ज्यापैकी (अ) अशा पोर्शनपैकी एक-तृतीयांश भाग ०.२० दशलक्ष रूपयांपेक्षा जास्त आणि १.०० दशलक्ष रूपयांपर्यंत अर्जाचा आकार असलेल्या अर्जदारांसाठी राखीव असेल; आणि (ब) अशा पोर्शनपैकी दोन-तृतीयांश भाग १.०० दशलक्ष रूपयांपेक्षा (१० लाख रूपये) जास्त अर्जाचा आकार असलेल्या अर्जदारांसाठी राखीव असेल; जर या उप-श्रेण्यांपैकी कोणत्याही एका श्रेणीतील सबस्क्राइब न झालेला भाग बिगर-संस्थात्मक बोलीदारांच्या दुसऱ्या उप-श्रेणीतील अर्जदारांना वाटप केला जाऊ शकतो. तसेच, ऑफर प्राईसवर किंवा त्यापेक्षा जास्त किमतीत वैध बिड्स प्राप्त होण्याच्या अधीन राहून, सेबी आयसीडीआर रेग्युलेशन्सनुसार ऑफरच्या १० टक्क्यांपेक्षा जास्त नसलेला भाग रिटेल वैयक्तिक बोलीदारांना वाटपासाठी उपलब्ध असेल.
अँकर इन्व्हेस्टर्स वगळता सर्व संभाव्य बोलीदारांना त्यांच्या संबंधित बँक खात्यांचे तपशील (यूपीआय यंत्रणेचा वापर करणाऱ्या यूपीआय बोलीदारांच्या बाबतीत यूपीआय आयडीसह) प्रदान करून अॅप्लिकेशन सपोर्टेड बाय ब्लॉक्ड अमाऊंट (“एएसबीए”) प्रक्रियेद्वारेच ऑफरमध्ये भाग घेणे बंधनकारक आहे; ज्यानुसार त्यांची बोली रक्कम लागू असल्यानुसार सेल्फ सर्टिफाइड सिंडिकेट बँक्स (एससीएसबी) किंवा स्पॉन्सर बँकांद्वारे ब्लॉक केली जाईल. अँकर इन्व्हेस्टर्सना एएसबीए प्रक्रियेद्वारे ऑफरच्या अँकर इन्व्हेस्टर पोर्शनमध्ये भाग घेण्याची परवानगी नाही.