पोहण्यासाठी गेलेल्या दोन मित्रांचा जलाशयात बुडून मृत्यू

पुणे : सुट्टीच्या दिवशी मित्रांसमावेत पोहायला गेलेल्या दोन मित्रांवर काळाने घाला घातला. धायरी परिसरात रविवारी सकाळी पोहायला गेलेल्या दोन मुलांचा कृत्रिम शेतातील जलाशयात बुडून मृत्यू झाल्याची घटना घडली आहे. सूरज सातपुते (वय. १४) आणि पुष्कर दातखिंडे (वय.१३, रा. दयारी) अशी मृतांची नावे आहेत. धायरी येथील रायकर मळा परिसरात आज (3 जुलै) सकाळी ९ .३० च्या सुमारास ही घटना घडली. पुणे अग्निशमन दलाच्या गोताखोरांनी मृतदेह बाहेर काढले आहेत. 

अग्निशमन अधिकारी प्रभाकर उमरतकर म्हणाले, सकाळी ९ वाजण्याच्या सुमारास तीन मित्र शेतातील जलाशयात गेले होते. त्यापैकी दोघे पोहण्यासाठी पाण्यात गेले तर तिसरा पोहता येत नसल्याने बाहेरच राहिला. प्राथमिक अहवालात असे सूचित होते की ते पाण्यात प्रवेश केल्यानंतर काही मिनिटांनंतर त्यांना श्वासोच्छ्वास कमी झाला आणि ते बुडाले. तिसऱ्या मुलाने अलार्म वाजवला आणि मदतीसाठी स्थानिकांना बोलावले. त्यानंतर रहिवाशांनी आम्हाला बोलावले. १५ मिनिटांच्या शोधानंतर दोन्ही मुलांचे मृतदेह बाहेर काढण्यात आले आहेत.