नथिंग तर्फे फोन (4b) चे अनावरण

लंडन : लंडनस्थित ग्राहक तंत्रज्ञान क्षेत्रातील ब्रँड नथिंगने आज फोन (4b) हा स्मार्टफोन सादर केला. नथिंगच्या उत्पादन परिसंस्थेत प्रवेश करत (b) मालिकेतील हा पहिलाच स्मार्टफोन आहे. फोन (4a) मालिकेच्या यशावर आधारित फोन (4b) मध्ये नथिंगची वैशिष्ट्यपूर्ण डिझाइन शैली, दैनंदिन वापरासाठी सक्षम कार्यक्षमता, बुद्धिमान, कौशल्यपूर्ण सॉफ्टवेअर आणि दीर्घकालीन विश्वासार्हता यांचा संगम साधण्यात आला आहे.

या स्मार्टफोनमध्ये नथिंगचे Glyph इंटरफेस, श्रेणीतील आघाडीची स्नॅपड्रॅगन प्रोसेसर कार्यक्षमता, नथिंगच्या कोणत्याही स्मार्टफोनमध्ये असलेली आतापर्यंतची सर्वात मोठी बॅटरी, 50MP OIS मुख्य कॅमेरा, 120Hz Super AMOLED डिस्प्ले तसेच Essential AI टूल्स सह अँड्रॉईड मधील सर्वाधिक वैशिष्ट्यपूर्ण आणि लोकप्रिय अनुभवांपैकी एक Nothing OS आहे.

आकर्षक डिझाइन

फोन (4b) मध्ये फोन (4a) मालिकेतील दोन महत्त्वपूर्ण डिझाइन वैशिष्ट्यांचा मिलाफ करण्यात आला आहे. फोन (4a) सोबत सादर करण्यात आलेला नवीन Glyph Bar आणि फोन (4a) Pro मधील अत्यंत लोकप्रिय Unibody डिझाइन यांचा यात समावेश आहे. यामुळे नथिंगच्या डिझाइनची आतापर्यंतची सर्वात शुद्ध अभिव्यक्ती साकारली असून त्यातून ठळक, सहज ओळखता येणारी आणि नथिंगची वेगळी ओळख प्रतीत होत आहे. कंपनीने अंतर्गत पातळीवर तयार केलेल्या 20 हून अधिक डिझाइन पर्यायांमधून अंतिम डिझाइनची निवड केली असून, त्यात दृश्यात्मक साधेपणा, वापरातील आराम आणि टिकाऊपणा यांचा समतोल साधत स्वतंत्र ओळख निर्माण करण्यात आली आहे.

या स्मार्टफोनमधील प्रत्येक तपशील हा रचना आणि कार्यक्षमता या दोन्ही बाबी अधिक सक्षम करण्यासाठी विकसित करण्यात आला आहे. नथिंगच्या डिझाइन तत्त्वज्ञानाशी सुसंगत राहून, फोन (4b) मध्ये परस्परविरोधी साहित्य, पोत आणि रंगछटा यांचा वापर करून संपूर्ण डिव्हाइसमध्ये अधिक खोली, वैशिष्ट्यपूर्ण रचना आणि अचूक दृश्यात्मक परिणाम निर्माण करण्यात आला आहे. क्रिस्टल-क्लिअर सॉफ्ट पॉलिमर कॅमेरा मॉड्यूल स्मूथ 3D कर्व्हड एजमध्ये असून त्या अखंडपणे इको-पॉलीकार्बोनेट Unibody मध्ये मिसळतात. यावर टिकाऊ तीन-स्तरीय कोटिंग देण्यात आले असून, त्यामुळे वापरताना आरामदायी आणि बोटांचे ठसे कमी दिसणारा अनुभव मिळतो. 600 Newtons पर्यंत बेंडिंग फोर्सला तोंड देण्याची क्षमता आणि धूळ व पाण्यापासून संरक्षणासाठी IP64 रेटिंगसह फोन (4b) दैनंदिन वापरातील टिकाऊपणा लक्षात घेऊन डिझाइन करण्यात आला आहे.  त्याचवेळी त्याच्या आकर्षकतेत कोणतीही तडजोड करण्यात आलेली नाही. हा स्मार्टफोन काळा, पांढरा आणि निळा या रंगांमध्ये उपलब्ध असून, प्रत्येक रंगसंगती नथिंगच्या वैशिष्ट्यपूर्ण पारदर्शक डिझाइन आर्किटेक्चरला उठाव देण्यासाठी काळजीपूर्वक तयार करण्यात आली आहे.

मर्यादित आरसीबी एडिशन

आरसीबीचे मुख्य शीर्षक प्रायोजक म्हणून आणि क्लबच्या ऐतिहासिक दुसऱ्या आयपीएल विजेतेपदाचा आनंद साजरा करण्यासाठी नथिंगने रॉयल चॅलेंजर्स बंगळुरू यांच्या सहकार्याने फोन (4b) आरसीबी एडिशन सादर केला आहे. विशेष लाल रंगसंगती, खास आरसीबी ब्रँडिंग आणि कलेक्टर्स एडिशन पॅकेजिंगसह हा अधिकृत आरसीबी स्मार्टफोन सहकार्याचा पहिलाच उपक्रम आहे. फोन (4b) आरसीबी एडिशन आजपासून बंगळुरू येथील नथिंगच्या फ्लॅगशिप मुख्य स्टोअरमध्ये विशेष विक्रीद्वारे उपलब्ध होईल.

अधिक सुधारित Glyph Bar

स्क्रीनकडे सतत पाहण्याची गरज न पडता महत्त्वाची माहिती मिळवत राहा. नथिंगची वैशिष्ट्यपूर्ण Glyph Bar आता फोन (4b) मध्ये अधिक स्वच्छ आणि सुधारित स्वरूपात परतली असून, नथिंगचा वेगळेपणा जपणारा अनुभव देत राहते. 45 स्वतंत्रपणे नियंत्रित करता येणाऱ्या मिनीLEDs आणि 3,500 nits पर्यंतच्या ब्राइटनेससह ही प्रणाली नोटिफिकेशन्स, चार्जिंगची प्रगती, रेकॉर्डिंग इंडिकेटर्स आणि वैयक्तिकृत अलर्ट्स अत्यंत स्पष्टपणे दर्शवते. महत्त्वाची माहिती एका नजरेत उपलब्ध करून देत Glyph Bar स्मार्टफोनशी अधिक सहज आणि कमी व्यत्यय आणणारा संवाद साधण्याचा अनुभव निर्माण करते.

स्नॅपड्रॅगनची ताकद

फोन (4b) च्या मध्यभागी Qualcommचा अत्याधुनिक 4nm मोबाईल प्रोसेसर स्नॅपड्रॅगन 6 Gen 4 देण्यात आला आहे. हा प्रोसेसर फोन (4a)च्या जवळपासची कार्यक्षमता देतो

…