भारतभरातील हजारो जीवनांमध्ये बदल घडवून आणल्यानंतर, मलाबार गोल्ड अँड डायमंड्सची ‘हंगर फ्री वर्ल्ड’ मोहीम आता जागतिक स्तरावर
मलाबार गोल्ड अँड डायमंड्स, जगातील पाचव्या क्रमांकाची दागिन्यांची रिटेल कंपनी आणि भारतातील सर्वात आघाडीची सामाजिक जबाबदारी जपणारी संस्था, यांनी त्यांच्या प्रमुख ‘हंगर फ्री वर्ल्ड’ उपक्रमाचा विस्तार इथिओपियापर्यंत केल्याची घोषणा केली आहे. भारतात आणि झांबियामध्ये उल्लेखनीय परिवर्तन घडवल्यानंतर आता हा उपक्रम आफ्रिका खंडातील पुढच्या टप्प्यात प्रवेश करतो.
भारताच्या करुणा, सहकार्य आणि सामूहिक प्रगतीच्या विचारांवर आधारित हा उपक्रम जागतिक स्तरावर भारतीय व्यवसायांच्या प्रभावाचे उत्तम उदाहरण ठरत आहे. भारतात सिद्ध झालेला हा मॉडेल आता उपासमार आणि शैक्षणिक विषमता दूर करण्याच्या जागतिक चळवळीत रूपांतरित होत आहे. मलाबार आपल्या निव्वळ नफ्याच्या 5% रक्कम सातत्याने सामाजिक उपक्रमांसाठी खर्च करते. हे प्रमाण भारतातील अनिवार्य सीएसआर नियमांपेक्षा दुपटीहून अधिक आहे. या माध्यमातून कंपनी सामाजिक जबाबदारीची व्याप्ती आणि प्रामाणिकता नव्याने परिभाषित करत आहे आणि भारतात यशस्वी ठरलेली ही संकल्पना जगभर पोहोचवत आहे.
दुबई गोल्ड सूकमधील मलाबार इंटरनॅशनल हब येथे आयोजित कार्यक्रमात हा महत्त्वपूर्ण निर्णय जाहीर करण्यात आला. या वेळी मलाबार ग्रुपचे उपाध्यक्ष श्री. अब्दुल सलाम के.पी. यांनी इथिओपियाचे दुबईतील कॉन्सुल जनरल हि.ई. अस्मेलाश बेकेले यांना अधिकृत लेटर ऑफ इंटेंट सुपूर्द केले. मलाबार गोल्ड अँड डायमंड्सच्या वरिष्ठ व्यवस्थापन टीमनेही या समारंभात उपस्थिती लावली. ‘हंगर फ्री वर्ल्ड’ हा मलाबार गोल्ड अँड डायमंड्सचा सर्वाधिक प्रभावी ईएसजी (Environmental, Social & Governance) उपक्रमांपैकी एक आहे. सध्या हा उपक्रम जगभरातील 119 ठिकाणी दररोज 115,000 हून अधिक जेवणे उपलब्ध करून देतो. इथिओपियामधील विस्तार हा झांबियातील उल्लेखनीय यशानंतरचा पुढचा टप्पा आहे, जिथे मे 2024 पासून आजपर्यंत तीन शाळांमध्ये 900,000 पेक्षा जास्त जेवण पुरवण्यात आली आहेत.
मलाबार ग्रुपचे चेअरमन श्री. एम. पी. अहमद म्हणाले: “हंगर फ्री वर्ल्ड हा मलाबार ग्रुपने राबवलेला सर्वात अर्थपूर्ण ईएसजी उपक्रम आहे. एक जबाबदार ज्वेलर म्हणून, आमची बांधिलकी केवळ व्यवसायापुरती मर्यादित नाही—तर आम्ही ज्या समुदायांची सेवा करतो, त्यांच्या सर्वांगीण विकासासाठी आहे. या उपक्रमामुळे सकारात्मक बदललेले लाखो जीवन, आमच्या शाश्वत आणि समावेशक विकासाच्या ध्येयाची साक्ष देतात. इथिओपिया सरकारसोबत भागीदारी करताना, पुढील दोन वर्षांत 8,64,000 अमेरिकन डॉलर्सपेक्षा अधिक गुंतवणूक करण्यात येईल. आमचे उद्दिष्ट 2026 च्या अखेरीस 10.000 मुलांना दररोज पोषणमूल्ययुक्त जेवण उपलब्ध करून देणे तसेच उत्कृष्ट शिक्षणासाठी आवश्यक पायाभूत सुविधा विकसित करणे आहे.”
मलाबार ग्रुपचे उपाध्यक्ष श्री. अब्दुल सलाम के.पी. म्हणाले: “आपल्या स्थापनेपासूनच समुदाय विकास हा मलाबारच्या ब्रँड डीएनएचा एक महत्त्वाचा भाग राहिला आहे. हंगर फ्री वर्ल्ड उपक्रमातून आम्ही प्रत्यक्ष पाहिले आहे की रोजचे पौष्टिक आहार मिळाल्याने केवळ व्यक्तीचे नाही, तर संपूर्ण समुदायांचे आयुष्य बदलू शकतो. हा उपक्रम इथिओपियापर्यंत विस्तारण्याचे आमचे पाऊल म्हणजे उपासमार संपवणे आणि शिक्षणातील समानता निर्माण करण्याच्या जागतिक ध्येयाकडे वाटचाल करण्याचा आणखी एक टप्पा आहे. ज्या मुलांना आणि कुटुंबांना सर्वाधिक गरज आहे, त्यांच्या जीवनात दीर्घकालीन आणि स्पष्ट बदल घडवण्याची आमची बांधिलकी आहे.”
हंगर फ्री वर्ल्ड उपक्रमाचा विस्तार हा संयुक्त राष्ट्रांच्या चिरंतन विकासाच्या उद्दिष्टांशी (SDGs) विशेषतः उपासमार मुक्ती, दर्जेदार शिक्षण, लैंगिक समानता आणि जागतिक भागीदारी या उद्दिष्टांशी सुसंगत आहे. इथिओपियातील या प्रकल्पासाठी कम्युनिटी-सेंट्रिक पद्धत अवलंबली जाईल — ज्यामध्ये पालक, शिक्षक, स्थानिक प्रशासन, तसेच स्थानिक शाळा, पुरवठादार आणि इतर भागधारक यांना सक्रियपणे सहभागी केले जाईल. यामुळे स्थानिक रोजगारनिर्मिती, सहभागींची जवाबदारी आणि दीर्घकाळ टिकणारे स्थानिक स्वामित्व सुनिश्चित होईल.
“इथिओपियामध्ये हंगर फ्री वर्ल्ड उपक्रमाचा विस्तार करण्यामागे प्रत्येक मुलाला, त्याची आर्थिक किंवा सामाजिक परिस्थिती काहीही असो, पौष्टिक आहार आणि दर्जेदार शिक्षण मिळाले पाहिजे हे आमचे उद्दिष्ट आहे. हाच उज्ज्वल भविष्यातला पाया आहे. कार्यक्रमाच्या पहिल्या टप्प्यात आम्ही ओरोमिया प्रदेशातील अदामा सिटी येथील 5 शाळांबरोबर काम करणार आहोत, जिथे सुमारे 11,000 मुले शिक्षण घेतात. शालेय पोषण कार्यक्रमाबरोबरच आम्ही इथिओपियामध्ये शिष्यवृत्ती, मेंटॉरशिप, डिजिटल साक्षरता, ग्रंथालय विकास आणि अशा अनेक उपक्रमांची अंमलबजावणी करू. इथिओपियाच्या सरकारच्या अमूल्य सहकार्याने, हा उपक्रम सर्वांगीण विकास आणि शाश्वत परिणाम देण्याच्या आमच्या वचनबद्धतेचे प्रतिक आहे,” असे मलाबार गोल्ड अँड डायमंड्सचे श्री. शामलाल अहमद, व्यवस्थापकीय संचालक – आंतरराष्ट्रीय ऑपरेशन्स, यांनी सांगितले.
ईसीजी (पर्यावरण, सामाजिक उत्तरदायित्व आणि सुशासन) हे 1993 पासून मलाबार ग्रुपचे प्रमुख ध्येय राहिले आहे. ज्या-त्या देशात कंपनी कार्यरत आहे, तिथे हे मूल्य प्रत्यक्ष कृतीतून दाखवले जाते. आरोग्य, हंगर फ्री वर्ल्ड, घरे, शिक्षण, महिला सक्षमीकरण आणि पर्यावरण संरक्षण ही या उपक्रमांची मुख्य लक्षवेधी क्षेत्रे आहेत. सामाजिकदृष्ट्या जबाबदार आणि संवेदनशील संस्था राहण्यासाठी मलाबार ग्रुप आपली ईसीजी उद्दिष्टे वेळोवेळी अधिक मजबूत करत आहे.