अॅम्पिअरकडून आपल्या ‘बिल्ट फॉर भारत’ व्हिजनला पुढे नेत पुणे येथे इलेक्ट्रिक स्कूटर्सचा खास पोर्टफोलिओ सादर
पुणे: ग्रीव्हज् इलेक्ट्रिक मोबिलिटी लिमिटेडचा (जीईएमएल) ब्रँड अॅम्पिअरने भारतातील रोजच्या गतिशीलतेच्या वैविध्यपूर्ण गरजा पूर्ण करण्यासाठी बिल्ट फॉर भारत या अॅम्पिअर इलेक्ट्रिक स्कूटर्सच्या संपूर्ण श्रेणीची पुण्यामध्ये घोषणा केली आहे. शक्तिशाली नेक्सस इएक्स+ पासून ते सर्वाधिक विक्री होणाऱ्या मॅग्नस जी मॅक्स, मॅग्नस निओ आणि अत्यंत सुलभ रिओ व्हाईबपर्यंत हा पोर्टफोलिओ ग्राहकांना पेट्रोल स्कूटरकडून इलेक्ट्रिक स्कूटरकडे वळताना त्यांच्या वापराच्या गरजा आणि बजेटनुसार सर्वोत्कृष्ट स्कूटर निवडण्याचा पर्याय देतो. या विस्तृत श्रेणीसह, कामगिरी, व्यावहारिक उपयोगिता किंवा मूल्य यांपैकी ग्राहकाची कोणतीही गरज असली, तरी प्रत्येकासाठी एक अॅम्पिअर स्कूटर उपलब्ध आहे.
या पोर्टफोलिओचे आगमन महाराष्ट्रातील सर्वात जल्लोषात साजरा केला जाणारा सण गणेशोत्सवादरम्यान झाले आहे, जो संपूर्ण राज्यात कुटुंबे आणि समुदायांना एकत्र आणणारा काळ असतो. अॅम्पिअरसाठी, हा सणासुदीचा काळ भारतातील रस्ते, चालक आणि दैनंदिन प्रवासाच्या वास्तविकतेला लक्षात ठेवून डिझाइन केलेल्या इलेक्ट्रिक स्कूटर्ससह आपले बिल्ट फॉर भारत व्हिजन पुण्यामधील ग्राहकांच्या अधिक जवळ आणण्याची संधी प्रदान करतो.
पोर्टफोलिओची व्यापकता दर्शवत, अॅम्पिअर नेक्सस इएक्स+ आपल्या शक्तिशाली ५ किलोवॅट मोटरसह उत्कृष्ट कामगिरी सादर करते, ज्याला भारतातील सर्वात आव्हानात्मक भूप्रदेशांवर आपली क्षमता सिद्ध करणाऱ्या अनेक राष्ट्रीय आणि आंतरराष्ट्रीय विक्रमांचे पाठबळ आहे. इंटेलिपॅकद्वारे ३०+ इंटेलिजंट फीचर्ससह सज्ज असलेली नवीन मॅग्नस जी मॅक्स परवडणाऱ्या किमतीत तडजोड न करता कुटुंबे आणि व्हॅल्यू सेगमेंटसाठी व्यावहारिक व कनेक्टेड तंत्रज्ञान आणते. मॅग्नस निओ हे उत्तम अर्गोनॉमिक्स आणि आसनाच्या योग्य उंचीसह शहराच्या रस्त्यांवर दैनंदिन प्रवासाच्या आरामासाठी डिझाइन केले आहे. तर, नुकतीच लाँच झालेली अॅम्पिअर रिओ व्हाईब ही विद्यार्थी आणि कॉलेज तरुणांना लक्षित करून तयार करण्यात आली आहे, ज्याला नेक्स्ट-जेन एलएफपी बॅटरीचे पाठबळ आहे, जी अत्यंत सुरक्षित आणि विनासायास प्रवास प्रदान करते.
अॅम्पिअरचे ‘बिल्ट फॉर भारत’ हे तत्त्वज्ञान प्रत्यक्ष वास्तवातील इंजिनिअरिंग अनुभवावर आधारित आहे. नेक्सस प्लॅटफॉर्मने भारतातील आव्हानात्मक भूप्रदेशांवर आपली क्षमता सिद्ध केली आहे, ज्यामध्ये कोल्ली हिल्सच्या ७० आव्हानात्मक वळणांचा सामना करणे आणि भारतातील सर्वात उंच पर्वतीय घाटांपैकी एक असलेल्या शिपकी ला पासपर्यंत पोहोचणे समाविष्ट आहे. हे प्रवास भारतीय रस्ते आणि प्रवासाच्या विविध परिस्थितींची पूर्तता करण्यास सक्षम असलेल्या इलेक्ट्रिक मोबिलिटी सोल्यूशन्स विकसित करण्यावरील अॅम्पिअरच्या ध्येयाचे प्रत्यक्ष दर्शन घडवतात.
या प्रसंगी मत व्यक्त करत ग्रीव्हज इलेक्ट्रिक मोबिलिटी लिमिटेडचे मॅनेजिंग डायरेक्टर श्री. विकास सिंग म्हणाले, “भारत केवळ एकाच प्रकारे प्रवास करत नाही, आणि ग्राहकांच्या गतिशीलतेच्या गरजा वैविध्यपूर्ण असल्याने इलेक्ट्रिक मोबिलिटी सर्वांसाठी एकच अशा स्वरूपात डिझाइन केली जाऊ शकत नाही. अॅम्पिअरमध्ये, आमचे लक्ष या वास्तवाला प्रतिसाद देणारी आणि खऱ्या अर्थाने ‘बिल्ट फॉर भारत’ असणारी उत्पादने विकसित करण्यावर आहे. आमचा संपूर्ण स्कूटर पोर्टफोलिओ पुण्यामध्ये आणल्याने ग्राहकांना अधिक पर्याय मिळतात, तसेच स्मार्ट व शाश्वत मोबिलिटी सर्वसामान्य भारतासाठी सुलभ आणि प्रासंगिक बनवण्याची आमची व्यापक महत्त्वाकांक्षा यात प्रतिबिंबित होते. सणासुदीच्या या काळात पुण्यामधील कुटुंबे आणि समुदाय ज्या पद्धतीने प्रवास करतात, जोडले जातात आणि उत्सव साजरा करतात, त्याचा एक भाग बनण्यास आम्ही उत्सुक आहोत.”
या पोर्टफोलिओच्या केंद्रस्थानी भारतीय बाजारपेठेच्या वैविध्यपूर्ण गरजांना अनुकूल अशी इलेक्ट्रिक वाहने विकसित करण्यावर अॅम्पिअरचा भर आहे. संपूर्ण पोर्टफोलिओमध्ये नेक्स्ट-जेन एलएफपी बॅटरी तंत्रज्ञानाचा स्वीकार हा दृष्टिकोन प्रतिबिंबित करतो, जो भारतातील दैनंदिन वापरासाठी टिकाऊपणा, विश्वासार्हता आणि सुयोग्यतेवर अॅम्पिअरच्या असलेल्या आग्रहाला पाठबळ देतो.