ॲक्सिस म्युच्युअल फंडने लॉन्च केला ॲक्सिस निफ्टी 500 क्वालिटी 50 इंडेक्स फंड

मुंबई  : ॲक्सिस म्युच्युअल फंड, भारतातील आघाडीच्या ॲसेट मॅनेजमेंट कंपन्यांपैकी एक, यांनी आज ॲक्सिस निफ्टी500 क्वालिटी 50 इंडेक्स फंड लाँच केल्याची घोषणा केली. हा एक ओपन-एंडेड इंडेक्स फंड असून, तो Nifty500 Quality 50 TRI ट्रॅक करतो. या फंडाचे व्यवस्थापन श्री. कार्तिक कुमार आणि श्री. हितेश दास (फंड मॅनेजर्स) करतील.

ॲक्सिस निफ्टी500 क्वालिटी 50 इंडेक्स फंड गुंतवणूकदारांना भारतातील 50 उच्च-गुणवत्तेच्या कंपन्यांमध्ये गुंतवणुकीसाठी एक सोपा, पारदर्शक आणि कमी खर्चिक मार्ग उपलब्ध करून देण्यासाठी तयार करण्यात आला आहे. या कंपन्या Nifty 500 युनिव्हर्समधून काळजीपूर्वक निवडल्या जातात. मूळ Nifty500 Quality 50 Index आपले घटक ठरवताना उच्च रिटर्न ऑन इक्विटी, कमी वित्तीय कर्जबोजा आणि स्थिर नफा वाढ यांसारख्या निकषांवर आधारित निवड करतो. ही निवड प्रक्रिया शिस्तबद्ध आणि नियमांवर आधारित असल्यामुळे शेअर निवडीत मानवी हस्तक्षेप किंवा पक्षपात पूर्णपणे टाळला जातो.

लाँचच्या वेळी बोलताना ॲक्सिस एएमसीचे एमडी आणि सीईओ बी. गोपकुमार म्हणाले, “क्वालिटी हा एक सिद्ध झालेला इन्व्हेस्टमेंट फॅक्टर आहे. अनिश्चित बाजारस्थितीत टिकून राहण्याची ताकद यामध्ये दिसून येतेच, पण वाढीच्या टप्प्यांमध्ये चांगला परफॉर्मन्स देण्याची क्षमता देखील यात आहे. ॲक्सिस निफ्टी500 क्वालिटी 50 इंडेक्स फंडद्वारे आम्ही गुंतवणूकदारांना भारतातील मजबूत कंपन्यांमध्ये गुंतवणुकीसाठी एक शिस्तबद्ध, कमी खर्चिक आणि पारदर्शक मार्ग उपलब्ध करून देत आहोत, अशा कंपन्या ज्या दीर्घकाळ सातत्यपूर्ण परफॉर्मन्स देण्यासाठी सक्षम आहेत.”

क्वालिटी का महत्त्वाची?

ऐतिहासिकदृष्ट्या, Nifty500 Quality 50 Index ने व्यापक बाजारापेक्षा अधिक चांगला परफॉर्मन्स देण्याची क्षमता दाखविली आहे, तसेच अस्थिरतेच्या काळात गुंतवणूकदारांना जास्त सुरक्षितता दिली आहे.

• ग्लोबल फायनान्शियल क्रायसिस आणि COVID-19 मार्केट क्रॅश यांसारख्या मोठ्या घसरणीच्या काळात या इंडेक्समध्ये तुलनेने कमी तोटा झाला आणि तो Nifty 50 पेक्षा अधिक वेगाने सावरला.
• 15 वर्षांच्या कालावधीत (जुलै 2025 पर्यंत) या इंडेक्सने 15.6% चा कंपाउंडेड अॅन्युअल ग्रोथ रेट (CAGR) दिला, तर Nifty 50 ने फक्त 12.1% CAGR दिला. याशिवाय, दीर्घकालीन अस्थिरताही तुलनेने कमी होती.

मजबूत टिकाव आणि स्पर्धात्मक परतावा यांचा हा संगम, दीर्घकालीन संपत्ती निर्मितीसाठी क्वालिटीला एक आकर्षक पर्याय बनवतो.

ॲक्सिस निफ्टी500 क्वालिटी 50 इंडेक्स फंडची प्रमुख वैशिष्ट्ये

ॲक्सिस निफ्टी500 क्वालिटी 50 इंडेक्स फंडची खासियत म्हणजे, उच्च-गुणवत्तेच्या कंपन्यांवर लक्ष केंद्रित करणे. या कंपन्या व्यापक Nifty 500 युनिव्हर्समधून शिस्तबद्ध आणि नियमांवर आधारित पद्धतीने निवडल्या जातात. फंडात अशा कंपन्यांना प्राधान्य दिले जाते, ज्यांचे फंडामेंटल्स मजबूत असतात. विशेषतः ज्या कंपन्यांनी मागील पाच वर्षांत उच्च रिटर्न ऑन इक्विटी, कमी फायनान्शियल लिव्हरेज आणि स्थिर अर्निंग्ज ग्रोथ दर्शविली आहे. याशिवाय, फंडामध्ये लार्ज, मिड आणि स्मॉल कॅप्स, तसेच विविध क्षेत्रांमधील गुंतवणूक करून डिव्हर्सिफिकेशन दिले जाते, ज्यामुळे एकाच ठिकाणी जास्त गुंतवणुकीचा धोका (कॉन्सन्ट्रेशन रिस्क) कमी होतो.

कमी खर्चिक, पारदर्शक आणि सीस्टेमॅटिक इन्व्हेस्टमेंट पद्धतीद्वारे, हा फंड गुंतवणूकदारांना दीर्घकालीन संपत्ती निर्मिती करण्यासोबतच व्यापक बाजार निर्देशांकांच्या तुलनेत कमी अस्थिरता प्रदान करण्याचे उद्दिष्ट ठेवतो. हा फंड दर सहा महिन्यांनी रिबॅलन्स केला जातो आणि कोणत्याही एका शेअरवरील जास्त वजन टाळण्यासाठी स्टॉक वेट कॅप ठेवली जाते. NFO दरम्यानची किमान गुंतवणूक रक्कम फक्त ₹100 असल्यामुळे हा फंड अधिकाधिक गुंतवणूकदारांसाठी सुलभ आणि उपलब्ध ठरतो.

ॲक्सिस एएमसीचे सीआयओ आशिष गुप्ता यांनी सांगितले, “क्वालिटी कंपन्यांमध्ये अनेकदा मजबूत कमाईची क्षमता, बळकट बॅलन्सशीट्स आणि टिकाऊ स्पर्धात्मक लाभ (सस्टेनेबल अ‍ॅडव्हांटेजेस) यांचा संगम असतो. या इंडेक्समध्ये समाविष्ट कंपन्या त्यांच्या रिटर्न ऑन इक्विटी (ROE), फायनान्शियल लिव्हरेज (Debt/Equity Ratio) आणि अर्निंग्ज (EPS) ग्रोथ व्हेरिएबिलिटी या निकषांवर आधारित निवडल्या जातात. विविध क्षेत्रांतील आणि वेगवेगळ्या मार्केट कॅप्समधील अशा कंपन्यांमध्ये गुंतवणूक करून, हा फंड गुंतवणूकदारांना असे पोर्टफोलिओ उपलब्ध करून देतो, जे बाजारातील घसरणीत टिकून राहू शकेल आणि वाढीच्या काळात प्रभावीपणे सहभागी होईल. ही पद्धत विशेषतः अशा गुंतवणूकदारांसाठी उपयुक्त आहे, जे स्थिरतेवर आणि दीर्घकालीन परताव्यावर भर देत, मुख्य इक्विटी अलोकेशन तयार करू इच्छितात.”

न्यू फंड ऑफर (NFO) 21 ऑगस्ट 2025 ते 4 सप्टेंबर 2025 या कालावधीत गुंतवणुकीसाठी खुली असेल.