कर्णबधिर प्रवर्गातील दिव्यांग मतदारांसाठी जिल्हाधिकारी कार्यालयात हेल्पलाईन सुरु

 

पुणे  : कर्णबधिर (मुकबधिर) प्रवर्गातील दिव्यांग मतदारांसाठी जिल्हाधिकारी कार्यालयातील निवडणूक शाखेत ९२२६३६३००२ हा हेल्पलाईन क्रमांक सुरु केलेला असून या हेल्पलाईनवर कर्णबधिर मतदारांनी त्यांच्या मतदान केंद्रांची माहिती तसेच ईव्हीएम मशीन्सद्वारे मतदान कसे करावे याची माहिती जाणून घ्यावी, असे आवाहन उप जिल्हा निवडणूक अधिकारी मिनल कळसकर यांनी केले आहे.

कर्णबधिर व्यक्तींना समजू शकणा-या सांकेतिक भाषा (साईन लाग्नवेज) येणाऱ्या कर्णबधिर विद्यालयातील दोन शिक्षकांची नियुक्ती १८ सप्टेंबर पासून पुढील आदेशापर्यंत सकाळी ९.४५ ते सायं. ६.१५ या वेळे दरम्यान निवडणूक शाखा, जिल्हाधिकारी कार्यालय, पुणे येथे नियुक्ती करण्यात आलेली आहे. कर्णबधिर मतदारांनी व्हिडीओ कॉल द्वारे हेल्पलाईन क्रमांक ९२२६३६३००२ वर संपर्क करावा, असेही जिल्हा निवडणूक कार्यालयाने प्रसिद्धी पत्रकान्वये कळविले आहे.