शर्वरी, माधुरी दीक्षित ते भाग्यश्री: सूरज बडजात्या यांच्या चित्रपटांतील नायिका अनेकदा पिवळ्या रंगाच्या पोशाखात का दिसतात, हे तुम्हाला माहीत आहे का?

सूरज बडजात्या यांच्या चित्रपटातील एखादी नायिका पिवळ्या रंगाच्या पोशाखात दिसली की त्यात एक वेगळीच जादू असते. रोमँटिक गाणं असो, प्रेमाचा एखादा खास क्षण असो किंवा सुंदर सेलिब्रेशन, त्यांच्या चित्रपटांमधील काही अविस्मरणीय क्षणांमध्ये हा रंग आवर्जून पाहायला मिळतो. यामागे एक अतिशय गोड कारण आहे. सूरज बडजात्या यांच्या पत्नीला पिवळा रंग खूप आवडतो. त्यांच्या या आवडीचं रूपांतर एका छोट्याशा परंपरेत झालं आहे. त्यामुळेच महत्त्वाच्या दृश्यांमध्ये आणि गाण्यांमध्ये आपल्या चित्रपटांतील प्रमुख अभिनेत्रींची वेशभूषा सूरज बडजात्या अनेकदा पिवळ्या रंगात करतात. गेल्या अनेक वर्षांत हे क्षण स्वतःची एक वेगळी ओळख निर्माण करणारे ठरले आहेत आणि बॉलिवूडला काही अविस्मरणीय दृश्यांची भेट देऊन गेले आहेत.

‘ये प्रेम मोल लिया’ या चित्रपटातील नुकत्याच प्रदर्शित झालेल्या ‘सावन आया है’ या रोमँटिक गाण्यामुळे या परंपरेत आणखी एका सुंदर अध्यायाची भर पडली आहे. चला तर मग, सूरज बडजात्या यांच्या त्या नायिकांवर एक नजर टाकूया, ज्यांनी त्यांच्या सिनेमॅटिक विश्वात पिवळ्या रंगाला एक खास आणि अविस्मरणीय ओळख मिळवून दिली.

 

1. शर्वरी – ‘सावन आया है’, ये प्रेम मोल लिया

सूरज बडजात्या यांच्या या लाडक्या परंपरेत नव्याने सहभागी झाली आहे शर्वरी. ‘ये प्रेम मोल लिया’मध्ये ती बडजात्या यांच्या चित्रपटांतील पारंपरिक नायिकेचा मोहक अंदाज पुढे घेऊन जात आहे. नुकत्याच प्रदर्शित झालेल्या ‘सावन आया है’ या रोमँटिक गाण्यात शर्वरी सुंदर पिवळ्या साडीत दिसते. पारंपरिक भारतीय पेहरावाचं कालातीत सौंदर्य आणि जुन्या हिंदी चित्रपटांमधील रोमँटिक अंदाज यांचा सुरेख मिलाफ तिच्या या लूकमध्ये पाहायला मिळतो. पावसाळ्याच्या सुंदर पार्श्वभूमीवर चित्रित झालेलं हे गाणं शर्वरी आणि आयुष्मान खुराना यांच्यात फुलत जाणारं प्रेम चोरट्या नजरा आणि हळुवार क्षणांतून उलगडतं. तिचा देखणा अंदाज आणि सुंदर पिवळी साडी यामुळे पडद्यावर पिवळ्या रंगाला खास ओळख मिळवून देणाऱ्या बडजात्या यांच्या नायिकांच्या यादीत शर्वरीचाही समावेश झाला आहे.

2. भाग्यश्री – मैंने प्यार किया

बडजात्या यांच्या चित्रपटांमध्ये पिवळ्या रंगाचा वारंवार वापर होण्याआधीच भाग्यश्रीने ‘मैंने प्यार किया’मध्ये या रंगातील एक अविस्मरणीय लूक साकारला होता. सुंदर, उठावदार पिवळ्या सूटमध्ये भाग्यश्रीने सुमनच्या व्यक्तिरेखेतील ताजेपणा, निरागसता आणि सहजसुंदर आकर्षण पडद्यावर आणलं. चित्रपटाप्रमाणेच तिचा हा लूक आजही अनेक पिढ्यांच्या प्रेक्षकांच्या स्मरणात कायम आहे.

3. माधुरी दीक्षित – ‘माये नी माये’, हम आपके हैं कौन..!

बडजात्या यांच्या चित्रपटांतील पिवळ्या रंगाच्या पोशाखातील नायिकांचा विचार केला, की सर्वप्रथम माधुरी दीक्षितचं ‘माये नी माये’ हे गाणं आठवतं. तिचा झळाळता पिवळा पोशाख, नृत्यातील नजाकत आणि चेहऱ्यावरील मोहक हावभाव यामुळे हे गाणं एक अप्रतिम व्हिज्युअल ट्रीट ठरलं. निशाच्या भूमिकेत माधुरीने पडद्यावर एक खट्याळ आणि प्रसन्न अंदाज आणला. तिचा हा खास लूक तिच्या व्यक्तिरेखेला अविस्मरणीय बनवणाऱ्या अनेक फॅशन मोमेंट्सपैकी एक ठरला.

4. तब्बू, सोनाली बेंद्रे आणि करिश्मा कपूर – हम साथ-साथ हैं

पिवळ्या रंगाबद्दलचं सूरज बडजात्या यांचं प्रेम केवळ एका नायिकेपुरतं मर्यादित राहिलं नाही. ‘हम साथ-साथ हैं’मध्ये त्यांच्या तीन प्रमुख अभिनेत्रीही या रंगात दिसल्या. तब्बू, सोनाली बेंद्रे आणि करिश्मा कपूर यांनी चित्रपटातील सुंदर कौटुंबिक सोहळ्यांच्या दृश्यांमध्ये आपापल्या खास अंदाजाने रंगत आणली. त्यांच्या पारंपरिक लूकमुळे चित्रपटाचं रंगतदार आणि देखणं व्हिज्युअल आकर्षण अधिक खुललं. त्यांच्या या लूकची आठवण करून देते की पिवळा रंग बडजात्या यांच्या सिनेमॅटिक विश्वाचा एक अविभाज्य भाग कसा बनला.

5. करीना कपूर खान – ‘कसम की कसम’, मैं प्रेम की दीवानी हूं

‘मैं प्रेम की दीवानी हूं’मध्ये करीन कपूर खानने पिवळ्या रंगाच्या या परंपरेला आपला तरुणाईने भरलेला अंदाज दिला. ‘कसम की कसम’ या गाण्यात ती सुंदर पिवळ्या साडीत दिसते आणि एका टिपिकल रोमँटिक नायिकेच्या रूपात खुलून दिसते. तिचे बोलके हावभाव आणि गाण्याची स्वप्नवत पार्श्वभूमी यामुळे तिचा हा लूक विशेष लक्षात राहणारा ठरला. पडद्यावर रोमँटिक क्षण अधिक सुंदर करण्यासाठी सूरज बडजात्या यांनी पिवळ्या रंगाचा केलेला हा आणखी एक सुरेख वापर होता.

6. अमृता राव – ‘दो अनजाने अजनबी’, विवाह

‘विवाह’मधील अमृता रावची पूनम ही व्यक्तिरेखा सौम्य, सोज्वळ आणि पारंपरिक मूल्यांशी जोडलेल्या नायिकेचं प्रतिनिधित्व करते. अशी नायिका प्रेक्षकांना सूरज बडजात्या यांच्या चित्रपटांची आठवण करून देते. ‘दो अनजाने अजनबी’ या गाण्यातील तिचा पिवळ्या रंगाचा लूक पूनम आणि प्रेम यांच्यात हळूहळू फुलणाऱ्या प्रेमभावनेला अधिक सुंदर बनवतो. तिची साधी, सहजसुंदर वेशभूषा आणि गाण्यातील जुन्या काळातील रोमँटिक अंदाज यामुळे पडद्यावर एक परिपूर्ण आणि अविस्मरणीय क्षण साकारला गेला.

7. सोनम कपूर – प्रेम रतन धन पायो

‘प्रेम रतन धन पायो’मधील सोनम कपूरने पिवळ्या रंगाची ही परंपरा पुढे नेली. संपूर्ण चित्रपटात सुंदर पारंपरिक पोशाखांमध्ये दिसणाऱ्या सोनमने या रंगाला अधिक भव्य आणि शाही अंदाज दिला. आकर्षक स्टायलिंग, बारकाईने केलेली कलाकुसर आणि राजेशाही पार्श्वभूमी यामुळे तिचे लूक बडजात्या यांच्या त्या सिनेमॅटिक विश्वाचा सुंदर भाग ठरले, जिथे रोमांस, भव्यता आणि परंपरा यांचा सुरेख संगम पाहायला मिळतो.