विदर्भात अजित पवार गटाच्या नेत्या विरोधात भारतीय जनत पक्ष आक्रमक

नागपूर:  जिल्हा बँक घोटाळ्याच्या रकमेची वसुली करण्याबाबत राष्ट्रवादी काँग्रेस अजित पवार गटाच्या नेत्या विरोधात भारतीय जनत पक्ष आक्रमक झाला असून भाजपने ते आशिष देशमुख यांच्या वतीने अजित पवार गटाचे नेते सुनील केदार यांच्या विरोधात मोर्चा आयोजित करण्यात आला. 

नागपूर जिल्हा बँकेत झालेल्या 1 हजार 444 कोटी  रुपयांच्या घोटाळा प्रकरणी न्यायालयाने केदार यांना दोषी ठरवून पाच वर्षाची सजा सुनावली आहे. त्यानंतर मोठा कालावधी उलटून गेला तरीही घोटाळ्याची रक्कम केदार यांच्याकडून वसूल करण्यासाठी सहकार विभागाकडून कोणतीही कारवाई करण्यात आलेली नाही, असा आरोप देशमुख यांनी केला आहे. 

तांत्रिक कारण पुढे करून घोटाळ्याच्या रकमेचा भरणा करण्यास केदार वेळकाढूपणा करीत आहेत. त्यामुळे सहकार मंत्री दिलीप वळसे पाटील यांनी या रकमेच्या वसुलीसाठी कारवाई करण्याचे आदेश जारी करावे. बँकेचे खातेदार आणि शेतकरी यांना घोटाळ्यातील रक्कम वितरित केल्यास त्यांना दिलासा मिळू शकेल, असे देशमुख म्हणाले. 

नुकसान भरपाईवरून कृषिमंत्र्यांवरही निशाणा

विदर्भातील शेतकऱ्यांना, विशेषतः संत्री मोसंबी उत्पादक शेतकऱ्यांना अपेक्षित असलेली नुकसान भरपाई अद्याप सरकारकडून देण्यात आलेली नाही. त्या संदर्भात कृषी मंत्री धनंजय मुंडे यांच्याबरोबर बैठक आयोजित करण्यात आली होती. मात्र, राष्ट्रवादी काँग्रेस अजित पवार गटाचे नेते अनिल देशमुख यांच्या दबावामुळे ही बैठक रद्द करण्यात आली. त्यामुळे या दोन्ही प्रश्नात राजकारण केले जात असल्याचा आरोप आशिष देशमुख यांनी केला आहे.