इंडियन ऑइलने स्टॉर्म-एक्स रेसिंग इंधन लाँच केले

पुणे: इंडियन ऑइलने विशेषत: रेसिंग कारसाठी तयार केलेल्या हाय-ऑक्टेन गॅसोलीन स्टॉर्म-एक्सच्या पहिल्या डिलिव्हरीची अभिमानाने घोषणा केली. श्री. व्ही. सतीश कुमार, डायरेक्टर (मार्केटिंग) यांनी श्री. एन. सेंथिल कुमार, डायरेक्टर (पाइपलाइन्स) आणि श्री आलोक शर्मा, डायरेक्टर (आर अँड डी) यांच्या उपस्थितीत पारादीप रिफायनरी ते मद्रास इंटरनॅशनल सर्किट, चेन्नई येथे पहिल्या डिलिव्हरीला हिरवा झेंडा दाखवून या महत्त्वपूर्ण कार्यक्रमाला सुरुवात केली.

इंडियन ऑइलने अलीकडेच देशभरात आणि आंतरराष्ट्रीय सर्किट्समधील टॉप-एंड मोटर रेसिंग इव्हेंटसाठी प्रीमियम रेसिंग इंधन लाँच केले आहे. श्रीकांत माधव वैद्य, चेअरमन, इंडियन ऑइल यांच्याकडून प्रेरित, प्रीमियम रेसिंग इंधनाची ओळख हे इंडियन ऑइलच्या नाविन्य आणि उत्कृष्टतेच्या सतत प्रयत्नांचे प्रतीक आहे.हे प्रीमियम रेस इंधन इंडियन ऑइल रिसर्च अँड डेव्हलपमेंट सेंटर, फरिदाबाद यांनी विकसित केले आहे आणि त्याचे उत्पादन अत्याधुनिक पारादीप रिफायनरी येथे केले आहे. हे पानिपत रिफायनरीच्या 2जी इथेनॉल सह प्रगत टिकाऊ घटकांसह हाय-ऑक्टेन रेटिंग गॅसोलीन प्रवाहांचे मिश्रण करते.

ब्युरो व्हेरिटास, दुबई द्वारे प्रमाणित, इंधन एफआयए (फेडरेशन इंटरनॅशनल डी ल’ऑटोमोबाईल) 2024 च्या वैशिष्ट्यांची पूर्तता करते.इंडियन ऑइलने 2024 सीझनमध्ये मद्रास इंटरनॅशनल सर्किट येथे इंडियन नॅशनल रेसिंग चॅम्पियनशिपच्या तिसऱ्या आणि चौथ्या फेरीसाठी स्टॉर्म-एक्स पुरवण्यासाठी मद्रास मोटर स्पोर्ट्स क्लबसोबत भागीदारी केली आहे. लाँच कार्यक्रमात एकूण 55 बॅरल स्टॉर्म-एक्स तिसऱ्या फेरीसाठी पाठवण्यात आले.अॅडव्हान्स टेक्नॉलॉजिकल क्षमतेसाठी ओळखल्या जाणाऱ्या पारादीप रिफायनरी ने या प्रीमियम रेस इंधनाच्या विकासात आणि उत्पादनात महत्त्वाची भूमिका बजावली. इनोव्हेशन, सस्टेनेबिलिटी आणि ग्राहकांच्या समाधानासाठी इंडियन ऑइलची वचनबद्धता भारताची प्रगती आणि विकासाला चालना देत राहील.